પેટ્રોલના ભાવમાં રૂ .20.82 નો જંગી વધારો નોંધવામાં આવ્યો છે. કોરોના વાયરસના આ સમયમાં લોકો પેટ્રોલની વધેલી કિંમતોથી પણ નારાજ છે. આવી સ્થિતિમાં પેટ્રોલના ભાવમાં 25 માર્ચ 2020 થી અત્યાર સુધીમાં અંદાજિત 20.82 રૂપિયા વધારો ઝીંકવામાં આવ્યો છે.
પેટ્રોલ-ડીઝલના ભાવમાં થયો છે મોટો વધારો
કેન્દ્ર સરકારે એક વર્ષના ગાળામાં કર્યો છે મોટો ભાવવધારો
છેલ્લા અમુક દિવસોથી ભાવ સ્થિર છે, અથવા મોટો ઘટાડો નથી
છેલ્લા એક વર્ષમાં પેટ્રોલના ભાવમાં રૂ .20.82 નો જંગી વધારો નોંધવામાં આવ્યો છે. 25 માર્ચ 2020 ના રોજ દિલ્હીમાં પેટ્રોલની કિંમત 69.59 રૂપિયા હતી, જ્યારે કે આ રવિવારે દિલ્હીમાં પેટ્રોલની કિંમત પ્રતિ લિટર 90.40 રૂપિયા હતી. આવી સ્થિતિમાં જૂની કિંમતોથી લઈને અત્યાર સુધીમાં કિંમતમાં 20.82 રૂપિયાનો તફાવત નોંધાયો છે.
ગુરુવારે ઘટયા હતા ભાવ
ગુરુવારે પેટ્રોલ ડીઝલના ભાવમાં ઘટાડા પછી ઓઇલના ભાવમાં સતત કોઈ ફેરફાર કરવામાં આવ્યો નથી. રવિવારે ફરી એકવાર રાહત મળી હતી, આજે પણ દેશમાં પેટ્રોલ ડીઝલના ભાવ સ્થિર છે. ઓઇલ હજુ પણ શનિવારની લેટેસ્ટ પ્રાઇઝ પર મળી રહ્યું છે. મહત્વનું છે કે ગુરુવારે ઓઇલ માર્કેટિંગ કંપનીઓએ પેટ્રોલના ભાવમાં 16 પૈસા અને ડીઝલના ભાવમાં 14 પૈસા ઘટાડો કર્યો હતો.
આ અગાઉ પેટ્રોલ અને ડીઝલની કિંમતમાં સતત 15 દિવસ સુધી કોઈ ફેરફાર કરવામાં આવ્યો નથી. ગુરુવારે દિલ્હીના બજારમાં પેટ્રોલ લીટર દીઠ 90.56 રૂપિયાથી 16 પૈસા ઘટીને 90.40 રૂપિયા પર પહોંચી ગયું છે. ડીઝલ પણ પ્રતિ લિટર 14 પૈસા સસ્તું થયું છે. હવે તેની કિંમત ગઈકાલે 80.87 રૂપિયાથી ઘટીને 80.73 રૂપિયા પ્રતિ લિટર થઈ ગઈ છે. છેલ્લી વાર 30 માર્ચે ઓઇલના ભાવમાં ઘટાડો થયો હતો. પશ્ચિમ બંગાળ સહિત 5 રાજ્યોમાં ચાલી રહેલી ચૂંટણી વચ્ચે 27 ફેબ્રુઆરીથી પેટ્રોલ ડીઝલના ભાવમાં કોઈ વધારો થયો નથી.
પેટ્રોલ 4.74 રૂપિયા મોંઘુ થયું હતું
માર્ચમાં ક્રૂડ તેલ મોંઘુ થયા પછી પણ પેટ્રોલ અને ડીઝલની કિંમતમાં કોઈ વધારો કરવામાં આવ્યો નથી. જોકે, ફેબ્રુઆરી મહિના દરમિયાન પેટ્રોલના ભાવમાં રૂ 4.74 નો વધારો થયો છે. તે જ સમયે, આ મહિનામાં ત્રણ વાર પેટ્રોલ સસ્તું થતાં લિટર દીઠ કુલ 61 પૈસા સસ્તું થઈ શક્યું છે. ડીઝલની વાત કરીએ તો તેની કિંમતમાં પણ ફેબ્રુઆરીમાં રૂ 4.42 નો વધારો થયો છે. નવા વર્ષમાં ડીઝલ 07.60 રૂપિયા પ્રતિ લિટર મોંઘુ થયું હતું. જોકે આ મહિનામાં ડીઝલ 60 પૈસા પ્રતિ લીટર સસ્તુ થયું છે.
તમે પેટ્રોલ ડીઝલની કિંમત પણ જાણી શકો છો
ઈન્ડિયન ઓઇલ દ્વારા પેટ્રોલ અને ડીઝલના દર શોધવા માટે સુવિધા આપવામાં આવી છે. તમે એસએમએસ દ્વારા પણ જાણી શકો છો. ઈન્ડિયન ઓઇલના ગ્રાહકો દિલ્હીની કિંમત જાણવા માટે, મેસેજ બોક્સમાં ટાઇપ કરીને RSP 102072 (RSP <સ્પેસ> Dealer Code of Petrol Pump) અને તેને નંબર 9224992249 પર મોકલો. એ જ રીતે, મુંબઇ માટે RSP 108412, કોલકાતા માટે RSP 119941 અને ચેન્નાઇ માટે RSP 133593 લખો અને તેને 9224992249 નંબર પર મોકલો. આ કરવાથી, ગ્રાહકો પોતાના શહેરોના ભાવ જાણી શકશે.