બિઝનેસ / શું ખરેખર સંકટમાં છે ગ્લોબલ ઇકોનોમી! વર્લ્ડ બેંકનું એલર્ટ

India: મિડલ ઇસ્ટ યુદ્ધ અને વધતી ઉર્જા કિંમતો વચ્ચે વિશ્વ બેંકે 2026ની ગ્લોબલ ગ્રોથનું અનુમાન ઘટાડીને 2.5% કરી દીધુ છે. નાણાકીય વર્ષ 2026-27 માટે ભારતનો વિકાસ દર 6.6% રહેવાનો અંદાજ છે.

વિશ્વ બેંકે ગુરુવારે મધ્ય પૂર્વમાં ચાલી રહેલા યુદ્ધને કારણે 2026 માટે તેનો ગ્લોબલ ગ્રોથ અનુમાન ઘટાડીને 2.5% કર્યો છે. બેંકે જણાવ્યું હતું કે જો ઉર્જા પુરવઠામાં વિક્ષેપ વધુ ગંભીર બને અને ફાઇનેંશિયલ માર્કેટ પર ભારે દબાણ આવે તો વૃદ્ધિ દર ઘટીને માત્ર 1.3% થઈ શકે છે. તેના અર્ધવાર્ષિક અહેવાલ "ગ્લોબલ ઇકોનોમિક પ્રોસ્પેક્ટ્સ" માં કહ્યુ કે 2025માં ગ્લોબલ ગ્રોથ દર 2.9% રહ્યો છે, જે તેના જાન્યુઆરીના અંદાજ કરતા 0.2 ટકા વધુ છે. 2026 માટેનો તેનો અંદાજ જાન્યુઆરીના મુકાબલે 0.1 ટકા ઓછો છે, જે 2019ના અંતમાં કોવિડ-19 રોગચાળો શરૂ થયો ત્યારથી સૌથી નીચો છે. દરમિયાન વિશ્વ બેંકે નાણાકીય વર્ષ 2027માં ભારતનો GDP ગ્રોથ 6.6 ટકા રહેવાનો અંદાજ લગાવ્યો છે, જે નાણાકીય વર્ષ 2026ના અનુમાનીત 7.7 ટકાના અંદાજથી ઓછો છે.

અમેરિકાના અનુમાનમાં કોઈ ઘટાડો થયો નથી. વિશ્વ બેંક હજુ પણ વિશ્વની સૌથી મોટી અર્થવ્યવસ્થામાં આ વર્ષે 2.2% વૃદ્ધિ થવાની અપેક્ષા રાખે છે. આ તેના જાન્યુઆરીના અંદાજ જેટલું જ છે અને 2025ના 2.1% આગાહી કરતા થોડું વધારે છે. એક મુખ્ય ઉર્જા ઉત્પાદક તરીકે વિશ્વની સૌથી મોટી અર્થવ્યવસ્થા તેમના તેલ અને કુદરતી ગેસ આયાત કરતા દેશો કરતાં મજબૂત સ્થિતિમાં છે. વધુમાં યુએસ અર્થતંત્રને મોટા કર ઘટાડા અને એઆઇમાં ઝડપી રોકાણનો લાભ મળી રહ્યો છે. જો કે, સામાન્ય અમેરિકનો હજુ પણ પેટ્રોલ અને અન્ય ચીજવસ્તુઓના વધતા ભાવોથી પરેશાન છે.

ચીનનું પણ ઘટ્યુ અનુમાન

વિશ્વની બીજી સૌથી મોટી અર્થવ્યવસ્થા ચીનનો આ વર્ષે 4.2% ના દરે વિકાસ થવાનો અંદાજ છે. આ 2025 માટે 5% ની આગાહી અને જાન્યુઆરીમાં બેંક દ્વારા આ વર્ષ માટે 4.4% ની આગાહી કરતા ઓછો છે. ભારત ફરી એકવાર વિશ્વની સૌથી ઝડપથી વિકસતી મુખ્ય અર્થવ્યવસ્થા રહેવાની ધારણા છે, આ વર્ષે 6.6% ના વિકાસ દર રહેશે. પરંતુ આ 2025ની 7.7% થી ઘણો ઓછો છે. યુરો ચલણનો ઉપયોગ કરતા 21 યુરોપિયન દેશોનો સામૂહિક વિકાસ દર આ વર્ષે 0.8% રહેવાનો અંદાજ છે, જે 2025 માં 1.4% થી ઓછો છે.

આ પણ વાંચોઃ બિઝનેસ / કિંમત 1.5 લાખ રૂપિયાથી નીચે! આવી ગયો સોનું ખરીદવાનો સૌથી ઉત્તમ મોકો

ઈરાન અને ઈઝરાયલ યુદ્ધની અસર દેખાય છે

ઈરાને અમેરિકા અને ઈઝરાયલી હુમલાઓનો જવાબ હોર્મુઝ સ્ટ્રેટ બંધ કરીને આપ્યો, જેમાંથી વિશ્વના તેલ અને કુદરતી ગેસનો પાંચમો ભાગ પસાર થાય છે. ઊર્જાના ભાવમાં તીવ્ર વધારો થયો. વિશ્વ બેંકનો અંદાજ છે કે આ વર્ષે બેન્ચમાર્ક બ્રેન્ટ ક્રૂડ ઓઇલનો ભાવ સરેરાશ $94 પ્રતિ બેરલ રહેશે, જે 2025 કરતા 36% વધુ અને બેંકના જાન્યુઆરીના અનુમાન કરતા 50% વધુ છે. યુદ્ધના કારણે ખાતરના વેપાર પર પણ અસર પડી છે, જેનો મોટો હિસ્સો ફારસની ખાડી દ્વારા નિકાસ કરવામાં આવે છે. આનાથી ખાદ્યપદાર્થોની અછત સર્જાઈ શકે છે કારણ કે ખેડૂતો વધતા ખર્ચને ટાળવા માટે ખાતરનો ઉપયોગ ઘટાડી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ