તમારા કામનું / BSNLના યુઝર્સની બલ્લે! સૌથી સસ્તા પ્લાનમાં 50 દિવસ સુધી અનલિમિટેડ કોલિંગ અને ડેટા

BSNL તેના સસ્તા રિચાર્જ પ્લાનના કારણે પ્રાઇવેટ કંપનીઓ માટે પરેશાનીનું કારણ બની રહ્યું છે. આ સરકારી ટેલિકોમ કંપનીના પોર્ટફોલિયોમાં અનેક સસ્તા રિચાર્જ પ્લાન સામેલ છે જે યુઝર્સને ખુબ લાભ આપે છે. આ પ્લાન ઓછી કિંમતે અનલિમીટેડ કોલિંગ, ડેટા અને બીજી સર્વિસ પણ આપે છે. BSNLએ તેના ડિસેમ્બર ટેરિફ પ્લાનનું લિસ્ટ બહાર પાડ્યું છે. જેમાં તેના તમામ રિચાર્જ પ્લાન વિશે ડિટેલ્સ શેર કરવામાં આવી છે. આ 50-દિવસના પ્લાનની કિંમત પ્રતિ દિવસ 7 રૂપિયા કરતા પણ ઓછી છે.

• 50-દિવસનો પ્લાન
  BSNLનો આ સસ્તો રિચાર્જ પ્લાન 347 રૂપિયામાં પડે છે. આ પ્રીપેડ પ્લાન અનલિમીટેડ વોઇસ કોલિંગ અને ફ્રી નેશનલ રોમિંગ ઓફર કરે છે. જેમાં દરરોજ 2GB હાઇ-સ્પીડ ડેટા અને 100 ફ્રી SMS આપવામાં આવે છે. જેમાં કુલ 100GB ડેટા મળે છે. આ સિવાય BSNL તેના આ પ્લાન સાથે યુઝર્સને BiTV ની ઍક્સેસ પણ આપે છે. જેમાં યુઝર્સને લાઇવ ટીવી ચેનલો અને ફ્રી OTT એપ્લિકેશનોની ઍક્સેસ મળે છે.

BSNL પાસે આ સિવાય 365 દિવસની વેલિડિટી સાથે ઓછી કિંમતનો રિચાર્જ પ્લાન પણ છે. જે યુઝર્સને સમગ્ર ભારતમાં અનલિમિટેડ વોઇસ કોલિંગ અને ફ્રી નેશનલ રોમિંગ પણ ઓફર કરે છે. આ ઓછી કિંમતના પ્લાનમાં યુઝર્સને દરરોજ 2GB હાઇ-સ્પીડ ડેટા અને 100 ફ્રી SMS પણ મળે છે.

વધુ વાંચો : ગ્રેચ્યુટીથી લઈને પેન્શનના નિયમો બદલાયા, સરકારી કર્મચારીઓ ખાસ નોટ કરી લેજો

ઉલ્લેખનીય છે કે, BSNL ઝડપથી તેના નેટવર્કનો વિસ્તાર કરી રહ્યું છે. આ સરકારી ટેલિકોમ કંપનીએ તાજેતરમાં 1,00,000 નવા 4G મોબાઇલ ટાવર્સનું ઇન્સ્ટોલેશન પૂરૂ કર્યું છે. BSNLનું 4G નેટવર્ક સંપૂર્ણ રીતે સ્વદેશી ટેકનોલોજી પર આધારિત છે અને ભવિષ્ય માટે પણ તૈયાર છે એટલે કે તેને 5G માં અપગ્રેડ કરી શકાય છે. BSNLઆવતા વર્ષની શરૂઆતમાં દિલ્હી અને મુંબઈમાં 5G સેવાઓ શરૂ કરી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ