કાર્યવાહી / લીમડી સ્ટેશન પર ટિકિટ બ્લેકિંગનો પર્દાફાશ, બે આરોપી ઝડપાયા

બોટાદ જિલ્લામાં “ઓપરેશન સતર્ક” હેઠળ RPF દ્વારા નોંધપાત્ર કાર્યવાહી કરવામાં આવી છે. લીમડી રેલવે સ્ટેશન પર રેલવે ટિકિટોના કાળા બજાર ચલાવતાં બે શખ્સોને ઝડપવામાં આવ્યા છે.

RPF ટીમે ગુપ્ત વોચ ગોઠવીને આ કાર્યવાહી હાથ ધરી

માહિતી મુજબ, બોટાદ RPF ટીમે ગુપ્ત વોચ ગોઠવીને આ કાર્યવાહી હાથ ધરી હતી. જેમાં એક સગીર સહિત નવસાદ અમીર બગસરિયા નામના આરોપીને ઝડપી લેવામાં આવ્યો છે. તપાસ દરમિયાન આરોપીઓ પાસેથી કુલ 82 રેલવે ટિકિટો જપ્ત કરવામાં આવી, જેમની અંદાજિત કિંમત ₹3,87,795 જેટલી હોવાનું સામે આવ્યું છે.

આ પણ વાંચોઃ ખરાબ હવામાનને કારણે મધરાત્રે ઈન્ડિગોની ફ્લાઈટ કરાઈ ડાયવર્ટ, સુરત એરપોર્ટ પર લેન્ડિંગ

66 ટિકિટો પહેલેથી જ ઉપયોગમાં લેવાયેલી

જપ્ત કરાયેલી ટિકિટોમાંથી 66 ટિકિટો પહેલેથી જ ઉપયોગમાં લેવાયેલી હતી, જ્યારે 16 ટિકિટો હજુ બાકી હતી. પ્રાથમિક તપાસમાં બહાર આવ્યું છે કે આરોપીઓ અલગ-અલગ રેલવે સ્ટેશનો પરથી ટિકિટો બુક કરીને વધુ કિંમતે વેચતા હતા. RPF દ્વારા આગળની કાર્યવાહી હાથ ધરવામાં આવી રહી છે અને આ કાળા બજારના નેટવર્ક અંગે વધુ તપાસ શરૂ કરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ