નેશનલ / બિહારમાં મોટી હોનારત: રાઘોપુરમાં ગંગા નદીમાં બોટ ડૂબવાથી 13 બાળકોના કરુણ મોત!

બિહારમાં વૈશાલી જિલ્લાના રાઘોપુરમાં ગંગા નદીની અંદર બનેલી એક હ્રદયદ્રાવક ઘટનામાં 13 લોકોના મોત થયા છે. આ દુર્ઘટનામાં જાન ગુમાવનારાઓમાં મોટાભાગના માસૂમ બાળકો હતા, જેઓ બાજુના ગામમાં ભોજન કરવા માટે ગયા હતા અને ત્યાંથી પરત ફરતી વખતે સાંજના સમયે તેમની નાવ નદીમાં પલટી ગઈ હતી.

#WATCH | Bihar | At least 11 dead after a boat capsized in the Raghopur Diara area of Vaishali district. Most of the deceased are minors who were traveling on the boat to attend the feast. District police officials and an SDRF team have been dispatched to conduct search operations

— ANI (@ANI) October 13, 2026

આ ગંભીર દુર્ઘટનાની જાણ થતા જ રાષ્ટ્રીય જનતા દળ (RJD) ના નેતા અને વિરોધ પક્ષના નેતા તેજસ્વી યાદવે સ્થાનિક લોકો અને અધિકારીઓ સાથે ફોન પર વાતચીત કરી હતી. તેમણે પ્રશાસન પાસે બચાવ અને રાહત કામગીરીની વિગતો મેળવી હતી. બીજી તરફ, બિહારના મુખ્યમંત્રી સમ્રાટ ચૌધરીએ પણ આ ઘટના પર ઊંડો શોક વ્યક્ત કર્યો છે અને મૃતકોના પરિવારજનોને 4 લાખ રૂપિયાની આર્થિક સહાય આપવાની સત્તાવાર જાહેરાત કરી છે.

#WATCH | Bihar | At least 11 dead after a boat capsized in the Raghopur Diara area of Vaishali district. Most of the deceased are minors who were traveling on the boat to attend the feast. District police officials and an SDRF team have been dispatched to conduct search operations The state government will provide financial assistance (ex-gratia) of Rs 4 lakh to the next of kin of each deceased

— ANI (@ANI) October 13, 2026

મુખ્યમંત્રીએ આપ્યા કડક નિર્દેશ

મુખ્યમંત્રી સમ્રાટ ચૌધરીએ મંગળવારે મોડી રાત્રે જાહેર કરેલા નિવેદનમાં જણાવ્યું હતું કે, "વૈશાલીના રાઘોપુરમાં થયેલ નાવ અકસ્માતમાં માસૂમોના મૃત્યુના સમાચાર અત્યંત દુખદ અને મનને હચમચાવી નાખનારા છે. આ મુશ્કેલ સમયમાં મારી ઊંડી સંવેદનાઓ શોકગ્રસ્ત પરિવારો સાથે છે." તેમણે વહીવટી તંત્રને રાહત અને બચાવ કામગીરી ઝડપથી પૂર્ણ કરવા તથા ઘાયલોને ઉત્તમ સારવાર પૂરી પાડવા સ્પષ્ટ નિર્દેશો આપ્યા છે.

वैशाली के राघोपुर में नाव हादसे में मासूमों की मृत्यु का समाचार अत्यंत दुखद और हृदयविदारक है। इस कठिन समय में मेरी गहरी संवेदनाएं शोकाकुल परिजनों के साथ हैं। ​ईश्वर दिवंगत आत्माओं को शांति दें एवं परिजनों को यह भारी दुःख सहने की शक्ति प्रदान करें। ​राज्य सरकार की ओर से मृतकों के परिजनों को ₹4-4 लाख की आर्थिक सहायता (अनुग्रह राशि) दी जाएगी। प्रशासन को राहत-बचाव कार्य तेजी से पूरा करने और घायलों के बेहतर इलाज के निर्देश दिए गए हैं। ​ॐ शांति! 🙏

— Samrat Choudhary (@samrat4bjp) October 13, 2026

દિલ્હીથી પરત ફરશે તેજસ્વી યાદવ

રાઘોપુરના ધારાસભ્ય તેજસ્વી યાદવે આ ઘટનાને અત્યંત દુર્ભાગ્યપૂર્ણ ગણાવી છે. તેમણે જણાવ્યું કે કેટલાક બાળકો ભોજન ખાવા ગયા હતા અને ત્યાંથી પરત ફરતી વખતે આ દુર્ઘટના ઘટી હતી. હાલમાં તેઓ દિલ્હીમાં છે અને બુધવારે પટના પરત ફરતાની સાથે જ સીધા રાઘોપુર પહોંચશે.

राघोपुर में नाव पलटने की हृदयविदारक घटना से मर्माहत हूँ। ईश्वर दिवंगत आत्माओं को शांति तथा शोकाकुल परिवारों को यह दुःख सहने की शक्ति प्रदान करें। https://t.co/osi52CLqGc

— Tejashwi Yadav (@yadavtejashwi) October 13, 2026

તેજસ્વી યાદવે વૈશાલીના DM અને આપદા વિભાગના સચિબ સાથે પણ ટેલિફોનિક ચર્ચા કરી છે અને વધુમાં વધુ રેસ્ક્યુ ટીમને ઘટનાસ્થળે મોકલવાની અપીલ કરી છે. તેમણે કહ્યું કે રાત્રિના સમયે પણ રેસ્ક્યુ ઓપરેશન ચાલુ છે અને આરજેડીના કાર્યકર્તાઓને પણ મદદ માટે મેદાનમાં ઉતારવામાં આવ્યા છે.

આ પણ વાંચોઃ કોઈને મંત્રી બનાવ્યા તો કોઈને ગવર્નર, CEC મુદ્દે પીયૂષ ગોયલે કોંગ્રેસને અરીસો બતાવ્યો

મૃતકોની ઓળખ અને બચાવ કામગીરી

આ અકસ્માત રાઘોપુર દિયારા ક્ષેત્રના રામપુર શ્યામચંદ ગામ પાસે સર્જાયો હતો. નાવ પર અંદાજે 15 થી 20 લોકો સવાર હોવાનું કહેવાય છે. આ દુર્ઘટનામાં જીવ ગુમાવનાર બાળકોમાં પિંકી (13 વર્ષ), અંગિતા (6), સુનીતા (13), અમૃતા (16), અલીશા (18), સિંકી (16), ભોણું કુમારી (12), મીરા (12), નમન (10), સોનમ (11), મોહન (14) અને વિપુલ (13 વર્ષ) નો સમાવેશ થાય છે. અકસ્માત સમયે બે બાળકોને સુરક્ષિત બચાવી લેવાયા છે, જ્યારે અન્ય લાપતા લોકોની શોધખોળ અને બચાવ કામગીરી હાલ યુદ્ધના ધોરણે ચાલી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ