કાર્યવાહી / ભિલોડામાં 12 વર્ષની સગીરા સાથે દુષ્કર્મનો આરોપ, ડિલિવરી દરમિયાન મૃત બાળકને જન્મ

અરવલ્લી: ભિલોડા તાલુકાના એક ગામમાં 12 વર્ષની સગીરા સાથે દુષ્કર્મ આચરવામાં આવ્યું હોવાનો ગંભીર બનાવ સામે આવ્યો છે. આ મામલે ભિલોડા પોલીસ સ્ટેશનમાં એક શખ્સ વિરુદ્ધ ભારતીય ન્યાય સંહિતા-2023 અને પોક્સો એક્ટ હેઠળ ગુનો નોંધવામાં આવ્યો છે.

સગીરાની મરજી વિરૂદ્ધ સંબંધ બાંધ્યો

ફરિયાદ મુજબ, ભિલોડા પાદરા ગામના યુવકે સગીરાને લગ્ન કરવાની લાલચ આપી હતી. ત્યારબાદ તેની મરજી વિરુદ્ધ વારંવાર જાતીય સંબંધ બાંધ્યા હોવાનો આરોપ છે. ફરિયાદમાં એવો પણ ઉલ્લેખ છે કે આ ઘટનાના પરિણામે સગીરા ગર્ભવતી બની હતી.

પ્રસૃતિ દરમ્યાન સગીરાએ મૃત બાળકને જન્મ આપ્યો

પોલીસ ફરિયાદ અનુસાર, 16 સપ્ટેમ્બર 2026ના રોજ ભિલોડા કોટેજ હોસ્પિટલમાં પ્રસૂતિ દરમિયાન સગીરાએ મૃત બાળકને જન્મ આપ્યો હતો. ઘટનાની જાણ થતાં પોલીસે સમગ્ર મામલે તપાસ હાથ ધરી હતી.

(જે ડી વાઘેલા, DYSP, અરવલ્લી)
પોલીસે આરોપીની ધરપકડ કરી

આ કેસમાં ભિલોડા પોલીસે આરોપી વિરુદ્ધ ભારતીય ન્યાય સંહિતા-2023ની કલમ 65(1) તેમજ પોક્સો એક્ટની કલમ 4, 6, 8 અને 12 હેઠળ ગુનો નોંધ્યો છે. પોલીસે આરોપીની ધરપકડ કરી કાયદેસરની કાર્યવાહી શરૂ કરી છે.

આ પણ વાંચોઃ ગાંધીનગરમાં ફૂડ સેફ્ટી વિભાગની કાર્યવાહી: રાયસણના Blinkit સ્ટોરનું લાઇસન્સ સસ્પેન્ડ

પોલીસ દ્વારા કેસની તપાસ શરૂ કરી

પોલીસ દ્વારા ઘટનાની વધુ તપાસ કરવામાં આવી રહી છે અને કેસ સંબંધિત પુરાવા તથા અન્ય વિગતો એકત્રિત કરવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ