મેસેજ / વોટસએપમાં જો આવો મેસેજ આવ્યો હોય તો ભૂલથી પણ ક્લિક ન કરતા, નહીંતર પસ્તાશો

• વોટ્સએપનો ઉપયોગ કરો છો, તો તમારે સાવચેત રહેવાની જરૂર
• યુઝર્સને મફતમાં શુઝ આપવાનો દાવો કરવામાં આવી રહ્યો છે
• યુઝર લિંક પર ક્લિક કરી તો ડેટા ચોરી અને ઓનલાઇન ફ્રોડનો ભોગ બનવાનો ખતરો
   

આ બોગસ મેસેજની લિંક પર ક્લિક કર્યા પછી યુઝરને તેમના પગની સાઇઝ પણ પૂછવામાં આવે છે. નિષ્ણાંતોના મતે આવું એટલા માટે કરવામાં આવે છે કે જેથી યુઝરને તે ફેક નહીં પણ જેન્યુઇન મેસેજ લાગે. મેસેજમાં 800 જોડી શુઝ અને સાત હજાર શર્ટ મફતમાં આપવાનો દાવો કરવામાં આવી રહ્યો છે.

જોકે કોઇપણ કંપની આટલી બધી વસ્તુઓ મફતમાં આપતી નથી. જો તમને આ પ્રકારનો મેસેજ મળ્યો છે તો તો તેના પર ક્લિક કરવાની ભૂલ કરશો નહીં. નહીં તો પસ્તાવાનો વારો આવી શકે છે. 

યુઝરને ફ્રી શુઝ લેવા માટે આ મેસેજ કેટલાક લોકોને શેર કરવાનું કહેવામાં આવે છે. મોટાભાગના લોકો શુઝની લાલચમાં અનેક લોકોને મેસેજ ફોરવર્ડ કરે છે અને જોતજોતામાં તે લાખો- કરોડો લોકો સુધી પહોંચી જાય છે.

આ પછી હેકર્સ ખૂબ જ હોશિયારીથી યુઝર્સના મોબાઇલમાં પહોંચે છે અને ડેટા સહિતની માહિતી ચોરવા પ્રયાસ કરે છે. આ ડેટાના આધારે ફેક કોલ કરીને પછી હેકર્સ સાઇબર ફ્રોડ પણ કરી શકે છે. મોટાભાગના હેકર્સ આવા મેસેજીસથી લોકોને પોતાનો શિકાર બનાવે છે.