બોલિવૂડ / રાનૂ મંડલ જેવી કહાની, રેલવે સ્ટેશન પર ગાતી 13 વર્ષની છોકરીએ આ હિટ ફિલ્મમાં ગીત ગાયું હતું પરંતુ આજે...

• સોશ્યિલ મીડિયા પર રાતોરાત સ્ટાર બની રાનૂ મંડલ
• રાનૂ પહેલાં 13 વર્ષની દુર્ગા પણ ગાતી હતી ટ્રેનમાં ગીત
• દુર્ગાએ પહેલું ગીત ફિલ્મ 'ગેંગ્સ ઓફ વાસેપુર'માં ગાયું 

રાનૂ મંડલ જમીનથી આસમાન સુધીની સફર પસાર કરી ચૂકી છે. હિમેશ રેશમિયા સાથે ગીત ગાવાના કારણે તે લોકપ્રિય પણ થઈ ચૂકી છે. લતા મંગેશકરનું ગીત 'એક પ્યાર કા નગમા હૈ' ગાઈને સોશ્યિલ મીડિયા પર રાતોરાત ફેમસ થયેલી રાનૂની વાત કોઈ પિક્ચરની સ્ટોરીથી ઉતરતી નથી. પણ રાનૂ પહેલાં પણ 13 વર્ષની ઉંમરમાં એક છોકરીએ સીધા રેલવે પ્લેટફોર્મ્સથી મ્યુઝિક સ્ટુડિયો સુધીની સફર પસાર કરી છે.

સૌ પહેલાં આ ફિલ્મમાં મળ્યું કામ

અનુરાગ કશ્યપની ફિલ્મ 'ગેંગ્સ ઓફ વાસેપુર'માં 'મેરા જૂતા ફેક લેધર દિલ છિછાલેદાર' ગાનારા દુર્ગા પણ ટ્રેનમાં ગીત ગાઈને પોતાનું ગુજરાન ચલાવતી હતી. પણ પોતાની ટેલેન્ટ અને કિસ્મતના આધારે તે માયાનગરી મુંબઈ પહોંચી. જો કે દુર્ગા પોતાના પરિવારનું પેટ ભરવા ટ્રેનમાં ગીત ગાતી હતી. ફટ ફિશ રેકોર્ડ્સના આનંદ સુરાપુર દુર્ગાના અવાજથી પ્રભાવિત થયા અને તેઓ તેને સ્નેહા ખનવાલકર પાસે ઓડિશનમાં લઈ ગયા.

સ્નેહાને દુર્ગાનો અવાજ આ ગીત માટે પરફેક્ટ લાગ્યો અને ફક્ત 13 વર્ષની ઉંમરમાં તેઓએ અનુરાગ કશ્યપની ગેંગ્સ ઓફ વાસેપુરમાં ગીત ગાયું. દિલ છિછારેદાર ઘણું હિટ થયું અને સાથે ફિલ્મ પણ અનુરાગના કરિયરની સૌથી મોટી ફિલ્મ સાબિત થઈ. આ ગીત માટે પોતાનો અવાજ આપ્યા બાદ દુર્ગા એક વાર ફરી બોલિવૂડ ઈન્ડસ્ટ્રીની બહાર છે.

દુર્ગા કયારેય નથી સાંભળતી હિંદી ગીતો

ખાસ વાત તો એ છે કે દુર્ગા આંધ્રપ્રદેશની છે. તે હિંદી ગીતો ક્યારેય સાંભળતી જ નથી, જો કે તેને હિંદી સારું આવડે છે. અને સ્નેહાના માર્ગદર્શનમાં તે લોકોની સામે પોતાની ટલેન્ટ લાવવામાં કામયાબ પણ રહી હતી. અનુરાગ આ સિવાય ફિલ્મ મુક્કાબાજમાં પણ દીપક ઠાકુર નામના સિંગરને ચાન્સ આપી ચૂક્યા છે. તેઓએ આ ગીતને ગાયા બાદ બિગ બોસના ઘરમાં જગ્યા મેળવી હતી.