ઓટો / મારુતિ સુઝુકીએ કર્યું કારના ભાવમાં વધારાનું એલાન, 1 જૂનથી થશે આટલો વધારો, લેવી હોય તો લઈ લેજો

Auto News: મારુતિ સુઝુકીએ તેની કારના ભાવમાં વધારો કરવાની જાહેરાત કરી છે. કંપનીના વાહનો 1 જૂનથી વધેલી કિંમતે મળશે. બ્રાન્ડે જાહેરાત કરી છે કે તેની કારની કિંમત 30,000 સુધી વધશે. તેનું કારણ ઇનપુટ ખર્ચમાં વધારો અને મોઘવારી હોવાનું જણાવવામાં આવ્યું છે. જોકે કંપનીએ જાહેર કર્યું નથી કે કઈ કારની કિંમતમાં કેટલો વધારો થશે.

તમે નવી કાર ખરીદવાનું વિચારી રહ્યા છો તો તમારે હવે વધુ પૈસા ખર્ચવા પડશે. દેશની સૌથી મોટી ઓટોમોબાઈલ કંપની મારુતિ સુઝુકીએ તેના વાહનોના ભાવમાં વધારો કરવાની જાહેરાત કરી છે. કંપની 1 જૂનથી તેની કારની કિંમતોમાં વધારો કરી રહી છે. કંપનીની કાર 30,000 સુધી મોંઘી થશે.

બ્રાન્ડે વધતી જતી મોઘવારી અને ખર્ચમાં સતત વધારાને વાહનોના ભાવમાં આ વધારાનું કારણ ગણાવ્યું છે. કંપનીએ જણાવ્યું છે કે 1 જૂન 2026 થી તેની કારની કિંમત 30,000 સુધી વધશે. કંપનીએ હજુ સુધી તમામ મોડેલની કિંમતોની જાહેરાત કરી નથી.

મારુતિએ જણાવ્યું હતું કે, "છેલ્લા કેટલાક મહિનાઓથી કંપની ખર્ચની અસર ઘટાડવા, ગ્રાહકો પરનો બોજ ઓછો કરવા માટે ખર્ચ ઘટાડવાના પગલાં પર સતત કામ કરી રહી છે." જોકે વધતા જતા ઇનપુટ ખર્ચને કારણે કંપનીને કિંમતો વધારવાની ફરજ પડી છે.

મહિન્દ્રા અને ટાટાએ પણ ભાવમાં વધારો કર્યો છે

ભારતીય બજારમાં કારના ભાવ સતત વધી રહ્યા છે. જ્યારે વર્ષમાં એક કે બે વાર ભાવમાં વધારો થતો હતો, ત્યારે હવે ચોક્કસ મોડેલો માટે માસિક વધારો થવાનું વલણ બની ગયું છે. અગાઉ મહિન્દ્રાએ તેની SUVના ભાવમાં વધારો કર્યો હતો. આ વધારો એપ્રિલ 2026 માં થયો હતો.

વધુમાં ટાટા મોટર્સે 1 એપ્રિલ 2026 થી તેના વાહનોના ભાવમાં વધારો કર્યો હતો. કંપનીએ તેની કારના ભાવમાં સરેરાશ 0.5 ટકાનો વધારો કર્યો હતો. કંપનીએ ઇનપુટ ખર્ચને તેનું કારણ ગણાવ્યું હતું.

આ પણ વાંચોઃ ઓટો / ઉનાળાની ગરમીના લીધે વાહનની માઈલેજ ઘટી જાય છે? જાણો સાચું કારણ

જીએસટી ઘટાડાની અસર ઓછી થઈ રહી છે

ગયા વર્ષે સપ્ટેમ્બરમાં જીએસટી ઘટાડાને કારણે ગ્રાહકોને કારની વાસ્તવિક કિંમતમાં જે ફાયદો થયો હતો તે હવે લગભગ ખતમ થઈ ગયો છે. તે સમયે સરકારે 4 મીટરથી નાના અને 1200 સીસી સુધીના પેટ્રોલ એન્જિન અને 1.5 લિટર સુધીના ડીઝલ એન્જિનવાળા વાહનોને 18% ટેક્સ બ્રેકેટ હેઠળ મૂક્યા હતા.

આ ઉપરાંત મારુતિ સુઝુકીએ પણ અલગથી તેની નાની કારના ભાવ ઘટાડ્યા હતા. બ્રાન્ડે અલ્ટો કે10 અને એસ-પ્રો જેવા મોડેલોમાં નોંધપાત્ર ઘટાડો કર્યો હતો, જેના કારણે બ્રાન્ડની નાની કારની શરૂઆતની કિંમત 3.5 લાખ (એક્સ-શોરૂમ) થઈ ગઈ હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ