જ્યોતિષ / ચંદ્ર ગ્રહણ આ રાશિના જાતકો માટે ભારે, જીવનમાં અણધારી આફતથી ઉથલપાથલ

સપ્ટેમ્બર મહિનો એક ખાસ ખગોળીય ઘટના લઈને આવી રહ્યો છે. 7 સપ્ટેમ્બર 2025ના રોજ વર્ષનું છેલ્લું ચંદ્રગ્રહણ લાગવાનું છે. આ જ દિવસે ભાદરવા મહિનાની પૂનમ પણ છે. ખગોળ વિજ્ઞાનમાં ગ્રહણને એક અદભુત ઘટના માનવામાં આવે છે, પરંતુ જ્યોતિષ શાસ્ત્ર મુજબ તેનું સીધું પ્રભાવ રાશિઓ પર પણ જોવા મળે છે. જ્યોતિષીઓ મુજબ આ ચંદ્રગ્રહણનો ખાસ પ્રભાવ કર્ક, વૃશ્ચિક અને મીન રાશિના જાતકો પર પડશે.

કયા કારણોસર આ ત્રણ રાશિઓને ખાસ ધ્યાન રાખવું જરૂરી?

કર્ક, વૃશ્ચિક અને મીન – ત્રણેય જળ તત્ત્વ રાશિઓ છે. ચંદ્રને પણ જળ તત્ત્વનો ગ્રહ માનવામાં આવે છે. સમુદ્રમાં આવતાં જ્વારભાટા અને મનના ફેરફારો ચંદ્ર સાથે જ જોડાયેલા છે. આ કારણે ગ્રહણકાળ દરમિયાન આ રાશિના જાતકોને માનસિક તાણ, ગભરાટ અથવા ભાવનાત્મક અસ્થિરતા અનુભવાય તેવી શક્યતા છે. નાની મોટી ઇજાઓ અથવા અકસ્માતનો ભય પણ આ સમયે વધે છે. ગ્રહણના પ્રભાવથી ખોટા નિર્ણયો લેવાઈ જવાની શક્યતા રહે છે, એટલે સાવધાની રાખવી ખૂબ જ જરૂરી છે.

ચંદ્રગ્રહણના દિવસે શું ન કરવું જોઈએ?

• લાંબી મુસાફરીથી બચવું.
• મોટાં નાણાકીય નિર્ણયો કે કોઈ નવું કામ શરૂ ન કરવું.

શું કરવું જોઈએ?

• ઘરેથી બહાર નીકળતાં પહેલાં ભગવાન શિવની પૂજા કરવી.
• ચંદ્ર અને ભગવાન શિવ સાથે જોડાયેલા મંત્રોનો જાપ કરવો.
• દાન કરવાથી ગ્રહણના નકારાત્મક પ્રભાવમાં ઘટાડો થાય છે.

આ પણ વાંચો : સ્માર્ટફોન સસ્તા થયા કે મોંઘા? GST દરમાં ફેરફાર બાદ હવે આપવો પડશે આટલો ટેક્સ

ચંદ્રગ્રહણના દિવસે ઉપાસના માટેના મંત્રો

• ॐ શ્રાં શ્રીં શ્રौं સઃ ચંદ્રમસે નમઃ
• ॐ ઐં કલીં સોમાય નમઃ
• ॐ સોમાય નમઃ
• ॐ નમઃ શિવાય
• ॐ ત્ર્યંબકં યજામહે સુગંધિં પુષ્ટિવર્ધનમ્… (મૃત્યુન્જય મંત્ર)
• ॐ તત્પુરુષાય વિદ્મહે મહાદેવાય ધીમહિ તન્નો રુદ્રઃ પ્રચોદયાત્

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ