GST Rate 2025 / સ્માર્ટફોન સસ્તા થયા કે મોંઘા? GST દરમાં ફેરફાર બાદ હવે આપવો પડશે આટલો ટેક્સ

GST Rate on Mobile Phone: તહેવાર આવતા પહેલા ઘણી બધી વસ્તુઓ પર જીએસટી રેટ્સ ઓછા કરીને સરકારે જનતાનો બોજો હળવો કરી દીધો છે. ફેસ્ટિવલ સિઝન આવતાની સાથે જ ગ્રાહકોને લાલચ આપવા માટે ઓફલાઇનથી લઈને ઓનલાઇન દરેક જગ્યાએ આકર્ષક ઓફર મળવા લાગે છે. પ્રોડક્ટ પર મળતા શાનદાર ઓફરને લીધે માત્ર Smart TV અને AC જ નહિ પણ લોકો જૂના Smart Phoneને પણ અપગ્રેડ કરતાં હોય છે જેના લીધે ફેસ્ટિવલ સિઝન દરમિયાન સ્માર્ટફોનના વેચાણમાં ઝંગી ઉછાળો જોવા મળે છે.

5% ટેક્સ સ્લેબની હતી આશા

હવે આ સ્થિતિમાં નવો ફોન ખરીદનારાઓના મનમાં પ્રશ્ન એ ઉભો થાય છે કે શું મોબાઇલ ફોન પરનો GST ઘટાડવામાં આવ્યો છે કે નહીં? એક મીડિયા અહેવાલ અનુસાર આ પ્રશ્નનો જવાબ 'ના' છે. સ્માર્ટફોન હજુ પણ પહેલા જેટલા મોંઘા છે કારણ કે મોબાઇલ ફોન પરના GST સ્લેબમાં કોઈ ફેરફાર કરવામાં આવ્યો નથી. સ્માર્ટફોન ઇન્ડસ્ટ્રી મોબાઈલ પર GST 18% થી ઘટીને 5% સ્લેબમાં આવશે એવી આશા રાખીને બેઠા હતા પરંતુ સરકારે હાલ પૂરતો લોકોની આશા પર પાણી ફેરવી દીધું છે.

ધારો કે જો સ્માર્ટ ફોન પર GST 18%થી ઘટાડીને 5% કરવામાં આવ્યો હોત તો મોબાઈલ ફોનના ભાવમાં મોટો ઘટાડો થયો હોત અને આ વર્ષે ફેસ્ટિવલ સીઝનમાં સ્માર્ટ ફોનના વેચાણમાં મોટો ઉછાળો જોવા મળ્યો હોત. પરંતુ આવું થયું નહીં અને સરકારે સ્માર્ટફોનને હજુ પણ 18% ટેક્સ સ્લેબમાં રાખતા મોબાઈલ ફોન ખરીદવા પર 18% GST ચૂકવવો પડશે.

વધુ વાંચો: હવે સસ્તામાં સેટ કરી શકશો ફરવાનો પ્લાનિંગ, એ પણ આટલા જ રૂપિયામાં!

ભારતનું મોબાઈલ સેક્ટર

વાત કરીએ ભારતના મોબાઈલ સેક્ટરની તો તેનું ઉત્પાદન નાણાકીય વર્ષ 2015માં 18900 કરોડ રૂપિયાથી વધીને નાણાકીય વર્ષ 2025માં 5.45 લાખ કરોડ રૂપિયા થયું છે જ્યારે નિકાસ 2 લાખ કરોડ રૂપિયાને વટાવી ગઈ છે. આના કારણે ભારત વૈશ્વિક સ્તરે બીજા ક્રમનો સૌથી મોટો મોબાઇલ ફોન ઉત્પાદક દેશ બન્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ