ટેક્નોલોજી / iOS27થી લઇને Siri AI સુધી...! Apple ઇવેન્ટમાં કરાયા આ 11 મોટા એલાન

8 જૂને યોજાયેલા WWDC 2026 ઇવેન્ટમાં એપલે પોતાના સોફ્ટવેર અને AI ટેક્નોલોજી સંબંધિત અનેક મહત્વપૂર્ણ જાહેરાતો કરી. કંપનીએ Siriને વધુ શક્તિશાળી બનાવી તેનું નામ હવે Siri AI રાખ્યું છે. સાથે જ iOS 27, macOS 27 Golden Gate અને Apple Intelligenceમાં પણ મોટા સુધારા કરવામાં આવ્યા છે. આ અપડેટ્સનો હેતુ યુઝર્સને વધુ સ્માર્ટ, સુરક્ષિત અને ઝડપી અનુભવ આપવાનો છે.

Siri હવે બની Siri AI

એપલે Siriનું મોટું અપગ્રેડ રજૂ કર્યું છે. હવે Siriને "Siri AI" તરીકે ઓળખવામાં આવશે. આ નવું AI આસિસ્ટન્ટ માત્ર સવાલોના જવાબ જ નહીં આપે, પરંતુ ફોટા, મેસેજ અને ઇમેઇલ જેવા કામોમાં પણ મદદ કરશે. તે યુઝરના વ્યક્તિગત સંદર્ભને વધુ સારી રીતે સમજી શકશે અને વધુ સ્વાભાવિક રીતે વાતચીત કરી શકશે.

Apple Intelligence બન્યું વધુ સ્માર્ટ

Apple Intelligenceને વધુ શક્તિશાળી બનાવવામાં આવ્યું છે. હવે તે અવાજ, લખાણ અને તસવીરોને વધુ સારી રીતે સમજી શકશે. કંપનીએ AIને માત્ર આધુનિક નહીં પરંતુ વધુ ઉપયોગી અને સુરક્ષિત બનાવવાનો પ્રયાસ કર્યો છે.

સર્ચ સિસ્ટમમાં મોટો સુધારો

Spotlight અને અન્ય સિસ્ટમ સર્ચ ફીચર્સને વધુ ઝડપી અને અસરકારક બનાવવામાં આવ્યા છે. નવા સર્ચ ઈન્ડેક્સિંગ સિસ્ટમના કારણે ઇમેઇલ સહિત તમામ એપ્સમાં માહિતી શોધવી વધુ સરળ અને ઝડપી બનશે.

Liquid Glass ડિઝાઇનમાં વધુ કસ્ટમાઇઝેશન

એપલે Liquid Glass ઇન્ટરફેસમાં સુધારા કર્યા છે. હવે યુઝર્સ ટ્રાન્સપરન્સી અને દેખાવને પોતાની પસંદગી મુજબ બદલી શકશે. સાથે જ ટેક્સ્ટ, ટૂલબાર અને એનિમેશનને પણ વધુ સ્પષ્ટ અને સ્મૂથ બનાવવામાં આવ્યા છે.

નવા AI આધારિત ફીચર્સ

કંપનીએ Spatial Reframing નામનું નવું ફીચર રજૂ કર્યું છે, જે AIની મદદથી ફોટાને નવા એંગલથી રજૂ કરી શકે છે. ઉપરાંત Home એપ હવે સુરક્ષા કેમેરાના ફૂટેજનું વિશ્લેષણ કરીને મહત્વપૂર્ણ ઘટનાઓનો સારાંશ પણ આપશે.

આ પણ વાંચોઃ iOS27 સહિત Appleની ઇવેન્ટમાં આજે થઇ શકે છે મોટા એલાન, અહીં જુઓ LIVE

Password એપમાં AIની એન્ટ્રી

Apple Intelligence હવે Password એપમાં પણ જોડાયું છે. જો કોઈ પાસવર્ડ નબળો અથવા જોખમમાં હોય તો AI તેને ઓળખી આપમેળે વધુ સુરક્ષિત પાસવર્ડ અપડેટ કરવામાં મદદ કરશે.

iOS 27માં શું નવું?

iOS 27માં Siri AIને Dynamic Island દ્વારા સરળતાથી ઍક્સેસ કરી શકાશે. Camera એપમાં નવો Siri Mode પણ મળશે, જે કેમેરા સામે દેખાતી વસ્તુઓને ઓળખીને તેની માહિતી આપશે. આ અપડેટ iPhone 11 અને ત્યારબાદના મોડલ્સ માટે ઉપલબ્ધ રહેશે.

નવા Parental Controls

માતા-પિતાઓ માટે નવા નિયંત્રણો ઉમેરવામાં આવ્યા છે. હવે બાળકો કઈ એપ્સ અને વેબસાઇટ્સનો ઉપયોગ કરી શકે તે વધુ સરળતાથી નિયંત્રિત કરી શકાશે. Screen Time મેનેજમેન્ટને પણ વધુ સરળ બનાવાયું છે.

Safariમાં AI આધારિત ટેબ મેનેજમેન્ટ

Safari બ્રાઉઝરમાં AI હવે ખુલ્લા ટેબ્સને વિષય પ્રમાણે ગોઠવી શકશે. ઉપરાંત Notify Me નામનું નવું ફીચર પણ ઉમેરાયું છે, જે વેબપેજમાં થતા મહત્વપૂર્ણ ફેરફારો અંગે જાણ કરશે.

macOS 27 Golden Gateમાં પણ AI અપડેટ

નવી macOS 27 Golden Gateમાં Spotlight દ્વારા સીધા Siri AIનો ઉપયોગ કરી શકાશે. યુઝર્સ સર્ચ બારમાં જ પ્રશ્નો પૂછી શકશે અને ફાઇલોને વધુ સરળતાથી શોધી શકશે.

પરફોર્મન્સમાં સુધારો

એપલના જણાવ્યા મુજબ iOS 27માં AirDrop, ફોટો લોડિંગ અને મલ્ટીટાસ્કિંગની ઝડપમાં નોંધપાત્ર વધારો થયો છે. જેના કારણે ડિવાઇસનો કુલ અનુભવ વધુ ઝડપી અને સ્મૂથ બનશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ