ક્રિકેટ / 'કર્મોનું ફળ', ધોની સાથેની માથાકૂટની વચ્ચે નારાજ જાડેજાનું ટ્વિટ થયું વાયરલ

• મહેન્દ્ર સિંહ ધોની અને રવિન્દ્રસિંહ જાડેજા વચ્ચે આનાકાની
• રવિન્દ્ર જાડેજાએ એક ટ્વીટ કર્યું છે જે ખૂબ વાયરલ થઈ રહ્યું છે
• ટ્વીટ કરી લખ્યું 'કર્મોનો ફળ જરૂરથી મળે છે જે પછી વહેલું મળે કે મોડું'

એમએસ ધોનીની કેપ્ટનશિપમાં ચેન્નઈ સુપર કિંગ્સે દિલ્હી કેપિટલ્સને હરાવી આઈપીએલમાં પ્લેઓફમાં જગ્યા બનાવી લીધી, જે મેચ બાદ રવિન્દ્ર જાડેજા અને મહેન્દ્રસિંહ ધોની વચ્ચે તનાતની થઈ હોવાનો વીડિયો વાયરલ થયો હતો. જે વીડિયો જોઈ એવું લાગી રહ્યું હતું કે, કંઈક બાબતને લઈ બંન્ને ખેલાડીઓ વચ્ચે બોલાચાલી થઈ હતી. જે બાદ રવિન્દ્રસિંહ જાડેજાએ એક સ્પેશિયલ ટ્વીટ કરી છે જે સોશિયલ મીડિયામાં ખૂબ વાયરલ થઈ રહી છે.

રવિન્દ્રસિંહ જાડેજાએ ટ્વીટ કરી
જોડેજાએ ટ્વીટ કરી લખ્યું છે કે, કર્મોનો ફળ જરૂરથી મળે છે જે પછી વહેલું મળે કે મોડું. તમને જણાવી દઈએ કે, ધોનીએ કેપ્ટન પદથી હટ્યા પછી આઈપીએલ 2022માં જાડેજાએ ચેન્નઈ સુપર કિંગની બાગડોર સંભાળી હતી. જાડેજાની કેપ્ટશિપ હેઠળ ચેન્નઈ સુપર કિંગે 8માંથી 2મેચ જ જીતી હતી, ત્યાર બાદ ધોની ફરીથી કેપ્ટન બન્યો હતો.    

Definitely 👍 pic.twitter.com/JXZNrMjVvC

— Ravindrasinh jadeja (@imjadeja) May 21, 2023

વીડિયો વાયરલ
બંને ખેલાડીઓ વચ્ચે ક્યા કારણોસર અણબનાવ થયો તેની વિગતો બહાર આવી નથી. સોશિયલ મીડિયા પર વીડિયો ઘણો વાયરલ થઈ રહ્યો છે. વીડિયો જોઈને લાગે છે કે જાડેજા કોઈક વાતથી ખુશ ન હતો. જ્યારે કેપ્ટન કૂલ ધોની તેને કંઈક સમજાવવાનો પ્રયાસ કરી રહ્યો હતો. આ દરમિયાન ધોની પણ જાડેજાના ખભા પર હાથ રાખે છે. ત્યાર બાદ બંને વચ્ચે વાતચીત સામાન્ય લાગે છે. 

pic.twitter.com/BP93rn0JY8

— A (@cricketvf) May 20, 2023

જાડેજાનું બોલિંગ પ્રદર્શન સારૂ રહ્યું ન હતું
મેચમાં જાડેજાનું બોલિંગ પ્રદર્શન સારૂ રહ્યું ન હતું અને તેણે 4 ઓવરમાં 50 રન આપ્યા હતા તેમજ જાડેજાને માત્ર એક જ વિકેટ મળી હતી, જ્યારે બેટિંગમાં જાડેજાએ 7 બોલમાં 20 રન બનાવ્યા હતા.