મોબાઈલ ક્રાંતિ / Jio પછી હવે આ મોટી કંપનીએ કર્યું 5G સર્વિસનું એલાન, લોન્ચ ડેટની સાથે કિંમત પણ જણાવી

• દેશમાં 5G સર્વિસનો ધમધમાટ શરુ થયો
• Jioએ દિવાળી સુધી 5G સર્વિસના લોન્ચની કરી જાહેરાત
• Jio બાદ એરટેલે પણ કરી 5G સર્વિસની જાહેરાત
• ઓક્ટોબરના પહેલા અઠવાડિયામાં એરટેલની  5G સર્વિસ શરુ થશે
• એરટેલના ચેરમેન સુનિલ મિત્તલે કરી જાહેરાત 

દેશમાં અત્યંત ઝડપી મોબાઈલ ઈન્ટરનેટ સેવા 5G સર્વિસનો ધમધમાટ શરુ થયો છે. દિવાળી સુધીમાં દેશના ઘણા શહેરોમાં 5G મોબાઈલ સર્વિસ શરુ થઈ રહી છે. પહેલા જિઓ અને હવે એરટેલે પણ દિવાળી સુધીમાં તેની 5જી સેવા શરુ કરવાની જાહેરાત કરી દીધી છે.

એરેટેલ ઓક્ટોબરના પહેલા અઠવાડિયામાં લોન્ચ કરશે 5જી
જિઓ બાદ હવે બીજી મોટી મોબાઈલ સેલ્યુલર કંપની એરટેલે પણ તેની 5જી સેવા શરુ કરવાની જાહેરાત કરી છે. એરટેલના ચેરમેન સુનિલ મિત્તલે કહ્યું કે એરટેલ ઓક્ટોબરના પહેલા અઠવાડિયાથી દેશમાં 5G સર્વિસ શરૂ કરશે.  ઇકોનોમી સમિટમાં બોલતા સુનીલ મિત્તલે એરટેલ 5જી પ્લાનની કિંમત અંગે પણ ઘણી મહત્વની વાતો કહી છે. તેમનું કહેવું છે કે 5જી ભોગવવા માટે એરટેલના ગ્રાહકોને 'થોડી વધારે' કિંમત ચૂકવવી પડશે. તેમનું કહેવું છે કે, તે ભલે એરટેલ 5જી માટે નવા પ્લાન ન લાવે પરંતુ આ સર્વિસને પોતાના પ્રીમિયમ પ્લાનમાં જોડવાની પણ વિચારણા કરી રહી છે.

દિવાળી સુધીમાં જિઓની 5જી સેવા શરુ થશે
ઉલ્લેખનીય છે કે રિલાયન્સની સામાન્ય સભામાં મુકેશ અંબાણીએ દિવાળી સુધીમાં દેશના ઘણા શહેરોમાં જિઓની 5જી સેવા શરુ કરવાની જાહેરાત કરી દીધી છે. અત્યાર સુધીમાં બે કંપનીઓએ 5જી સેવા શરુ કરવાની જાહેરાત કરી છે. આગામી સમયમાં બીજી કંપનીઓ પણ તેની 5જી સેવા શરુ કરવાની તારીખ જણાવશે. 

બીજી કંપનીઓ પણ 5જી સેવા કરવાની કરી શકે જાહેરાત

જિઓ અને એરટેલ બાદ હવે બાકીની કંપનીઓ પણ 5જી સેવાની જાહેરાત કરી શકે છે. સરવાળે બધી મોબાઈલ કંપનીઓ ઓક્ટોબર સુધીમાં 5જી સેવા શરુ કરવાનો વિચાર ધરાવે છે.