VIDEO / રાજકોટમાં બેફામ કારનો કહેર, કાગશીયાળી પાસે એક્ટિવાને ટક્કર, ઘટના CCTVમાં કેદ

રાજકોટ શહેરમાં બેફામ વાહનચાલનની ઘટનાઓ સતત વધી રહી છે. શહેર નજીક આવેલા કાગશીયાળી વિસ્તારમાં આજે એક ગંભીર માર્ગ અકસ્માત સર્જાયો હતો. પૂરઝડપે દોડતી કારએ રસ્તા પરથી પસાર થઈ રહેલી એક્ટિવાને જોરદાર ટક્કર મારી હતી, જેના કારણે એક્ટિવા ચાલકને ઈજાઓ પહોંચી હતી.

ઈજાગ્રસ્તને સારવાર અર્થે ખસેડાયો

મળતી માહિતી અનુસાર, અકસ્માત સમયે કાર ખૂબ જ ઝડપમાં હતી. ટક્કર એટલી જોરદાર હતી કે એક્ટિવા ચાલક રોડ પર ફંગોળાઈ ગયો હતો. સ્થાનિક લોકો તરત જ મદદ માટે દોડી આવ્યા અને ઈજાગ્રસ્તને સારવાર માટે નજીકની હોસ્પિટલમાં ખસેડવામાં આવ્યો હતો.

View this post on Instagram

A post shared by Sambhaav Nascent LLP (@vtv_gujarati_news)

CCTV કેમેરામાં કેદ થઈ ગઈ

આ સમગ્ર અકસ્માતની ઘટના નજીકમાં લાગેલા CCTV કેમેરામાં કેદ થઈ ગઈ હતી. વીડિયોમાં સ્પષ્ટપણે દેખાઈ રહ્યું છે કે કારચાલક બેફામ ઝડપે વાહન હંકારતો હતો, જેના કારણે અકસ્માત સર્જાયો.

આ પણ વાંચોઃ ડેમમાં ન્હાવું યુવકોને ભારે પડ્યું, એકને બચાવવા જતાં ત્રણ ડૂબ્યા, 4નાં મોત

પોલીસ તાત્કાલિક સ્થળ પર પહોંચી

ઘટનાની જાણ થતાં પોલીસ તાત્કાલિક સ્થળ પર પહોંચી હતી અને CCTV ફૂટેજના આધારે વધુ તપાસ હાથ ધરી છે. પ્રાથમિક તપાસમાં કારચાલકની બેદરકારી સામે આવી રહી હોવાનું પોલીસ સૂત્રોએ જણાવ્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ