સ્વાસ્થ્ય / ચાના રસિકો, વજન ઉતારવા માટે ઘરે જ બનાવો આ મસાલેદાર ચા

પરંતુ શું તમે પણ વજન ઉતારવા માટે મસાલા ચા છોડીને ગ્રીન ટી પી રહ્યા છો, તો તમને જાણીને નવાઇ લાગશે કે, જો આ રીતે મસાલા ચા પીશો છો વજન ઉતાવવામાં મદદ મળશે... 

મસાલા ચા બનાવવા માટે સામગ્રી:

10 લવિંગ
15 ઈલાયચી
3 ટેબલસ્પૂન કાળા મરી
3 ટેબલસ્પૂન વરિયાળી 
1 આખું તજ
અડધી ટેબલસ્પૂન સૂંઠ

બનાવવાની રીત:

સૂંઠ અને તજ સિવાયના બાકીના મસાલાને બે મિનિટ માટે શેકી લો. હવે તજ ઉમેરો અને 30 સેકન્ડ સુધી શેકો. ગેસ બંધ કરો. હવે સૂંઠ ઉમેરી બરાબર મિક્સ કરી લો. આ મિશ્રણ ઠંડું પડે ત્યાં સુધી મિક્સરમાં વાટી લો. બરાબર ભૂકો થઇ જાય ત્યાં સુધી મિક્સરમાં ફેરવો. તૈયાર છે ચાનો સ્પેશિયલ મસાલો. હવે જ્યારે પણ ચા બનાવો ત્યારે એક અડધી ચમચી આ આ મસાલો ઉમેરો.

વજન ઉતારવા માટે કેવી રીતે મદદરૂપ:

તજ: શરીરના ગ્લુકોઝના લેવલને નિયંત્રણ રાખવા માટે તજ જરૂરી છે,. જે વજન ઘટાડવામાં મદદ કરે છે. તેમાં રહેલા એન્ટી બેક્ટેરિયલ અને એન્ટરી ઇન્ફેલેમિટરી તત્વો મેટાબોલિઝમ સુધારવામાં મદદરૂપ થાય છે.

લવિંગ: ચામાં સુંગધ ઉમેરવાની સાથે સાથે આંતરડાની ક્રિયા સુધારે છે. સાથે જ ગ્લુકોઝ અને કોલેસ્ટ્રોલ લેવલને નિયંત્રિત રાખે છે.

કાળા મરી: આમાં રહેલું પાઇપેરિન નામનું તત્વ મેટાબોઝિમ સુધારે છે અને શરીરમાં ચરબીનો સંગ્રહ થતા રોકે છે. જેથી વજન ઉતારવાની પ્રક્રિયા ઝડપી બને છે.

વરિયાળી: શરીરમાંથી ઝેરીલા તત્વો બહાર કાઢવાની સાથે વરિયાળીમાં રહેલું ફાયબર લાંબા સમય સુધી પેટ ભરેલુ રાખે છે. જેથી ભૂખ ઓછી લાગે છે અને વજન ઘટવામાં સરળતા રહે છે.

ઇલાયચી: ઇલાયચીમાં મેલેટોનિન નામનું પોષક તત્વ રહેલુ છે જે શરીરમાં ચરબી બાળવાની પ્રક્રિયાને ઝડપી બનાવે છે. 

આ બધા જ મસાલામાં ચરબી ઓગળવાના ગુણો રહેલા છે સાથે જ સ્વાસ્થ્ય માટે ગુણકારી છે. ચા બનાવતી વખતે ખાંડ કે મધ ન નાખવું કારણકે બંનેમાં કેલરીનું પ્રમાણ વધારે હોય છે.

નોંધ : આર્ટિકલમાં આપેલી તમામ માહિતીને અમલ કરતા પહેલા ડોક્ટરની સલાહ ચોક્કથી લેજો.