પેટ્રોલ અને ડીઝલના ભાવમાં આજે ફરી ક્રમશઃ 29 પૈસા અને 30 પૈસાનો વધારો થયો છે. આ સાથે પેટ્રોલિયમ મંત્રીએ પણ કોંગ્રેસ પાર્ટી પર ભાવ ઘટાડવાને લઈને નિશાન સાધ્યું છે.
ફરી મોંઘુ થયું પેટ્રોલ અને ડીઝલ
પેટ્રોલ અને ડીઝલના ભાવમાં ક્રમશઃ 29 પૈસા અને 30 પૈસાનો વધારો
જાણો શું કહે છે પેટ્રોલિયમ મંત્રી
શું કહે છે પેટ્રોલિયમ મંત્રી
પેટ્રોલ અને ડીઝલના ભાવ રેકોર્ડ સ્તરે પહોંચતા પેટ્રોલિયમ મંત્રી ધર્મેન્દ્ર પ્રધાને રવિવારે કહ્યું કે જો કોંગ્રેસ પાર્ટીને જનતાની ચિંતા છે તો રાજસ્થાન અને મહારાષ્ટ્રમાં કોંગ્રેસ શાસિત રાજ્યોમાં વાહન ઈંધણ પરના કરમાં ઘટાડો કરવો જોઈએ. માન્યુ કે પેટ્રોલિયમ ઈંધણના ભાવમાં વધારાથી ગ્રાહકોને તકલીફ થઈ રહી છે પણ એ પણ છે કે ગરીબોને ફ્રીમાં રાશન અને ફ્રી વેક્સીનેશન માટે સરકારે ધનનો પ્રબંધ ક્યાંકથી તો કરવો જ પડશે. ભાવની વધતી કિંમતોની અસર સામાન્ય જનતા પર થઈ રહી છે. ભારત પોતાની 80 ટકાથી વધારે કાચા તેલની આયાત કરે છે.
શા માટે વધી રહ્યા છે કાચા તેલના ભાવ
આંતરરાષ્ટ્રિય બજારમાં કાચા તેલની કિંમતોમાં વધારો ચાલુ રહ્યો છે. વિશ્વમાં કોરોના વેક્સીનેશનની ડ્રાઈવ શરૂ થયા બાદ ક્રૂડ ઓઈલના ભાવમાં વધારો આવ્યો છે. કાચા તેલના ભાવના આધારે ઘરેલૂ તેલ કંપનીઓ બેસ પ્રાઈઝ નક્કી કરે છે. તેની પર ચાર્જ. ટેક્સ, ડીલર કમિશન લાગે છે. તેના કારણે પેટ્રોલ ડીઝલના ભાવ દરેક શહેરમાં અલગ અલગ રહે છે.
આ છે આજના પેટ્રોલ અને ડીઝલના ભાવ
શહેર પેટ્રોલ રૂ/લિટર ડીઝલ રૂ/લિટર
દિલ્હી 96.41 87.28
મુંબઈ 102.58 94.70
કોલકત્તા 96.34 90.12
ચેન્નઈ 97.69 91.92
4 મહિનાથી 12 જૂન સુધીમાં 23 વાર વધ્યા ભાવ
દેશમાં પેટ્રોલ અને ડીઝલના ભાવ રેકોર્ડ સ્તરે પહોંચ્યા છે. 4મેથી 11 જૂન સુધીમાં પેટ્રોલ 5.45 રૂપિયા મોંઘુ થયું છે તો ડીઝલના ભાવમાં 6.02 રૂપિયા પ્રતિ લિટરે વધારો નોંધાયો છે.
રોજ સવારે 6 વાગે બદલાય છે પેટ્રોલ અને ડીઝલના ભાવ
ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડ બજારના ભાવનો આધારે પેટ્રોલ ડીઝલની કિંમતો નક્કી થાય છે. આ માપદંડોના આધાર પર પેટ્રોલ રેટ અને ડીઝલના રેટ નક્કી કરવામાં આવે છે જ્યારે ડીલરો રિટેલ કિંમતો પર ટેક્સ અને પોતાના માર્જિનને કાઢ્યા બાદ પેટ્રોલ વેચે છે.
આવી રીતે જાણી શકાય છે પેટ્રોલ ડીઝલના ભાવ
પેટ્રોલ-ડીઝલની કિંમત તમે SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.