- હવા દ્વારા ઝડપથી ફેલાય છે કોરોના વાયરસ
- ધ લાન્સેટ દ્વારા કરાયેલા અભ્યાસમાં કરાયો દાવો
- અભ્યાસમાં હવાથી કોરોના ફેલાતો હોવાના 10 કારણ અપાયા
લંડનની જાણીતી મેડિકલ જર્નલ ધ લાન્સેટમાં છપાયેલા એક અભ્યાસમાં દાવો કરાયો છે કે મોટાભારે ટ્રાન્સમિશન હવાના રસ્તે થઇ રહ્યું છે. આ દાવાને સાબિત કરવા માટે અભ્યાસમાં 10 કારણ આપવામાં આવ્યાં છે.
- જેમાં એક સુપરસ્પ્રેડર ઇવેન્ટ કોરોનાને ઝડપથી ફેલાવે છે.
- ક્વોરન્ટાઇન હોટલના રૂમમાં રહેતા લોકો વચ્ચે ઝડપથી સંક્રમણ ફેલાય છે.
- કોઇપણ લક્ષણ વિનાના લોકોથી ટ્રાન્સમિશનના અનેક કેસ સામે આવ્યાં છે.
- કોઇપણ લક્ષણ વિના દુનિયાભરમાં કોરોના વાયરસ ફેલાયો હોવાના અનેક પુરાવા મળી આવ્યાં છે.
- બોલતી વખતે હજારો પાર્ટિકલ પેદા થાય છે જેનાથી હવામાં વાયરસ ફેલાવાનો રસ્તો ખુલે છે.
- સાથે સાથે ઇમારતોની અંદર ટ્રાન્સમિશન બહાર કરતા વધુ હોવાનો અભ્યાસમાં દાવો કરાયો છે.
- હોસ્પિટલ અને મેડિકલ સંગઠનની અંદર પણ કોરોનાનું ઇન્ફેક્શન ફેલાયું હતું.
- કોરોનાના દર્દીના રૂમ અને કારના હવાના સેમ્પલ ઉપરાંત અલગ અલગ પાંજરામાં બંધ પ્રાણીઓમાંથી પણ કોરોના વાયરસ મળી આવ્યો છે.
- હવાથી કોરોના ફેલાતો નથી તેના આ પુરતી સાબિતી નથી
- બીજા પ્રકારે વાયરસ ફેલાયો હોવાની અધુરી સાબિતી છે
ઉપરના તમામ કારણો દર્શાવે છે કે જેનાથી હવાથી ઝડપથી કોરોના વાયરસ ફેલાઇ રહ્યો છે.
મોટા ડ્રોપલેટ્સથી કોરોના ફેલાયાનું પુરાવો નહીં
એક્સપર્ટ્સની એક ટીમમાં CIRES (Cooperative Institute for Research in Environmental Sciences)ના કેમિસ્ટ જોસ લૂઇસ જિમેનેજનું પણ નામ છે. એક્સપર્ટ્સે કહ્યું કે, તેમને કોરોના વાયરસ હવાથી ફેલાય છે તેના સચોટ પુરાવાઓ પ્રાપ્ત થયાં છે અને આ વાતને અવગણી શકાય તેવી નથી.
ઓક્સફોર્ડ યુનિવર્સિટીની ટીમે પણ આ મુદ્દે સંશોધનની સમીક્ષા કરી અને હવામાં વાયરસના ફેલાવાના દાવાને હાઇલાઇટ કર્યો છે. આ સ્ટડીમાં કહેવામાં આવ્યું છે, આ વાતનું કોઇ પ્રમાણ નથી કે, ડ્રોપલેટ્સથી જ કોરોનાનો પ્રસાર થાય છે. આ સાથે જ એવું પણ કહેવામાં આવ્યું છે કે, હવાથી જ વાયરસ ઝડપથી ફેલાય છે.
ઇનડોરના મુકાબલે આઉટડોરમાં પ્રસાર વધુ
સ્ટડીના એક્સપર્ટ્સે જણાવ્યું હતું કે WHO અને અન્ય સંસ્થાઓએ તેને ગંભીરતાથી લેવાની અને વાયરસના ફેલાવાને ઘટાડવા પગલાં લેવાની જરૂર છે. નિષ્ણાતોએ તેમની સૂચિમાં સ્કગિટ કોરનો પ્રકોપ મૂક્યો છે. અહીં માત્ર એક કોરોના સંક્રમિત વ્યક્તિ દ્વારા કુલ 53 લોકોને ચેપ લાગ્યો હતો. સ્ટડીમાં એવું કહેવામાં આવ્યું હતું કે આ કિસ્સામાં એવું બન્યું નથી કે બધા લોકો એક જ સ્થળે ગયા હોય અથવા નજીકના સંપર્કમાં આવ્યા હોય, પરંતુ હજી પણ કોરોના ફેલાય છે.આ સ્ટડીમાં એ પણ નોંધવામાં આવ્યું છે કે કોરોનાનો વ્યાપ ઇનડોર કરતાં આઉટડોરમાં વધુ જોવા મળ્યો છે.
સમગ્ર દુનિયામાં હવાથી જ ફેલાયો કોરોના
Lancetના સ્ટડીમાં વધુ એમપણ કહેવામાં આવ્યું છે કે, 40 ટકા લોકોમાં તેવા લોકોથી કોરોના ફેલાયો છે જેમને ઉધરસ કે શરદી છે. સમગ્ર દુનિયામાં કોરોના ફેલાવાનું આ જ મુખ્ય કારણ છે કારણ કે, આ મુખ્યરૂપે હવાથી જ ફેલાય છે.
