ખેડા / ડાકોરની ગોમતી નદીમાં અમદાવાદના યુવકનો પગ લપસ્યો,હોસ્પિટલ પહોંચે તે પહેલા મોત, આવી રીતે બની ઘટના

• ડાકોરની ગોમતી નદીમાં યુવક ડૂબી જતા મોત
• ગોમતી નદીમાં પગ લપસી જતા યુવક ડૂબ્યો
• અમદાવાદનો યુવકનો પાણીમાં થયો ગરકાવ

ખેડામાં અમદાવાદનો યુવક પાણીમાં ગરકાવ થયો છે. ગોમતી નદીમાં પગ લપસી જતા યુવકનો પાણીમાં ગરકાવ થયાનો કિસ્સો સામે આવ્યો છે. પાપ્ત વિગતો મુજબ પાણીમાં લીલના કારણે યુવકનો પગ લપસ્યો હતો અને પાણી ડૂબી જતા મોત થયું છે. 

યુવક હોસ્પિટલ પહોંચે તે પહેલા ગુમાવ્યો જીવ
ગોમતી નદીમાં પગ લપસી જતા યુવક ડૂબ્યો છે. લીલના કારણે યુવકનો પગ લપસી ગયો હતો. યુવકને સારાવાર માટે હોસ્પિટલ લઈ પહોંચે તે પહેલા જ જીવ ગુમાવ્યો છે. ડાકોરમાં હોળીના પર્વને લઇ મોટી સંખ્યામાં ભક્તો આવતા હોય છે ત્યારે આવા કિસ્સામાં તંત્રની કામગીરી પર સવાલ ઉભા થઈ રહ્યાં છે.

પોલીસ કાફલો ઘટનાસ્થળે
યુવક ડૂબ્યાની ઘટનાને લઈ ડાકોર પંથકમાં એરરાટી મચી જવા પામી છે. સમગ્ર ઘટનાને લઈ પોલીસ કાફલો ઘટનાસ્થળે પહોંચ્યો હતો તેમજ વધુ તપાસ હાથ ધરી હતી

નવસારીમાં પણ ડૂબ્યાની ઘટના બની હતી
થોડા દિવસ અગાઉ ખરેગામના બંધાળ ફળિયામાં તળાવમાં ડૂબી જતા બે બાળકોના કરૂણ મોત થયાં હતા. પાપ્ત માહિતી અનુસાર બંધાળ ફળિયા ખાતે આવેલ તળાવમાં બેન્ને બાળકો ન્હાવા ગયા હતાં. પોમપાળમાં રહેતા બંને બાળકોના તળાવમાં ડૂબી જવાથી મોત નીપજ્યા હતા. 12 વર્ષના દક્ષેશ પટેલ અને 13 વર્ષના પ્રગ્નેશ પટેલના ડૂબી જવાથી કરૂણ મોત થયાં હતા. સ્થાનિક તરવૈયાઓ બંને બાળકોના મૃતદેહને બહાર કાઢ્યા હતા. 

અગાઉ સાણંદમાં બે બાળકો ડૂબ્યા હતા 
થોડા દિવસ અગાઉ સાણંદ ખાતે આવેલ એક તળાવ પાસે બે બાળકો રમતા હતા. તે દરમ્યાન અચાનક એક બાળક રમતા રમતા તળાવમાં પડી ગયો હતો. જે બાબતે ગ્રામજનોને જાણ થતા બાળકની શોધખોળ હાથ ધરી હતી. બાળક ડૂબ્યા અંગેની જાણ ગ્રામજનોને થતા તળાવનાં કિનારે ગ્રામજનોનાં ટોળા ઉપમટ્યા હતા.