- પોરબંદરમાં પહોંચી યુવા કોંગ્રેસની પરિવર્તન યાત્રા
- હજારો યુવા કાર્યકરો બાઈક રેલીમાં જોડાયા
- અધિકારીઓને રાજકીય એજન્ડાથી દુર રહેવા ચીમકી
પોરબંદર શહેરમાં આજે ગુજરાત યુવા કોંગ્રેસની પરિવર્તન યાત્રા પહોંચી હતી. શહેરના હજારો યુવા કાર્યકરો બાઈક રેલીમાં જોડાયા બાદ જાહેરસભા યોજાઇ હતી. જેમાં કોંગ્રેસ નેતા અર્જુન મોઢવાડિયાએ અધિકારીઓને રાજકીય એજન્ડાથી દુર રહેવા ચીમકી ઉચ્ચારી હતી.
વિધાનસભા ચૂંટણીમાં પરિવર્તન લાવવા લોકોને હાંકલ
સમગ્ર રાજ્યમાં યુવા કોંગ્રેસની પરિવર્તન યાત્રા ફરી રહી છે. પ્રથમ ચરણમા અંબાજીથી દ્વારકા અને બીજા ચરણની યાત્રા સોમનાથથી સુઈ ગામ સુધી યાત્રા શરુ થઇ હતી. જે યાત્રા આજે પોરબંદર પહોંચી હતી જેમાં કોંગ્રેસના ધારાસભ્ય અને હોદેદારો મોટી સંખ્યામાં ઉપસ્થિત રહ્યા હતા. આ દરમિયાન આગામી વિધાનસભા ચૂંટણીમાં પરિવર્તન લાવવા લોકોને હાંકલ કરવામાં આવી હતી. આજની રેલી સભામાં રાજસ્થાનના મુખ્યમંત્રી અશોક ગેહલોત અને ગુજરાત કોંગ્રેસ અધ્યક્ષ જગદીશ ઠાકોરની ગેરહાજરી જોવા મળી હતી.
અર્જુન મોઢવાડીયા સહીત રહ્યા હાજર
આ દરમિયાણ ઉપસ્થિત લોકોને સંબોધી અર્જુન મોઢવાડીયાએ આગામી વિધાનસભાની ચૂંટણીમાં પરિવર્તન લાવવા આહવાન કર્યું હતું. વધુમાં લોકોને જાગૃત કરી મોંઘવારી મુક્ત ગુજરાત બનાવવા સાથે અધિકારીઓને પણ કડક ભાષામાં ચેતવણી આપી હતી.આ પરિવર્તન યાત્રામાં અર્જુન મોઢવાડીયા, રામ કિશન ઓઝા, ધારાસભ્ય અમરીશડેર, ભીખુભાઈ વારોતરીયા ,પ્રગતિ આહીર, હીરાભાઈ જોટવા, ઇન્દ્રવિજયસિંહ ગોહિલ, કાર્યકારી પ્રમુખ ગુજરાત કોગ્રેસ, હરપાલ સિંહ સહિતના આગેવાનો, હોદેદારો અને કાર્યકર્તાઓ ઉપસ્થિત રહ્યા હતા.
