- થાઈલેન્ડના એક શખ્સને છે 8 પત્નીઓ
- બધી પત્નીઓ હળીમળીને રહે છે
- પતિ સાથે સુવાનો વારા માટે રાહ જુએ છે
આજના સમયમાં એક પત્ની સાથે રહેવું લોકોને ભારે પડી રહેતું હોય છે ત્યારે કોઈ વ્યક્તિ એક નહીં પણ આઠ પત્નીઓ સાથે કેવી રીતે રહેતો હશે અને તે પણ સારી રીતે, આવો જ એક કિસ્સો થાઈલેન્ડમાં પ્રકાશમાં આવ્યો છે.
એક જ ઘરમાં 8 પત્નીઓ સાથે રહેતા વ્યક્તિની કહાની સોશિયલ મીડિયા પર ચર્ચામાં
એક જ ઘરમાં 8 પત્નીઓ સાથે રહેતા એક વ્યક્તિની કહાની સોશિયલ મીડિયા પર ચર્ચામાં છે. આ વ્યક્તિનું નામ ઓંગ ડેમ સોરોટ છે, જે થાઇલેન્ડનો રહેવાસી છે. સોરોટને પહેલી નજરમાં જ તેની દરેક પત્ની સાથે પ્રેમ થઈ ગયો હતો. વ્યવસાયે ટેટૂ આર્ટિસ્ટ સોરૂટને આઠ પત્નીઓ છે. રસપ્રદ વાત એ છે કે તેની બધી પત્નીઓ કોઈ પણ મતભેદ વિના એક જ ઘરમાં સાથે રહે છે. તે બધા એંગ ડેમ સોરૂટને ખૂબ જ પ્રેમ કરે છે અને તેને વિશ્વનો સૌથી નમ્ર માણસ માને છે.
પતિ સાથે સુવા માટે પોતાના વારાની રાહ જુએ છે પત્નીઓ
ખુદ સોરાટ એક ઈન્ટરવ્યુમાં કબૂલી ચૂક્યો છે કે તેની પત્નીઓ ચાર જુદા જુદા બેડરૂમમાં સૂઈ જાય છે અને પતિ સાથે સુવાનો પોતાનો વારો આવે તેની રાહ જોવે છે, એક પણ પત્નીને બીજી સાથે કોઈ ફરિયાદ નથી, બધી પત્નીઓ હળીમળીને રહે છે તથા એકબીજાનું સન્માન કરે છે.
આ વ્યક્તિને છે 8 પત્નીઓ
ટેટૂ આર્ટિસ્ટ સોરોટ એક ટીવી શોમાં દેખાયા બાદ ચર્ચામાં આવ્યો હતો. તેણે કહ્યું હતું કે તેની આઠ પત્નીઓ એકબીજા સાથે ખૂબ જ સારી રીતે રહે છે અને તે બધા "સુમેળભર્યા પારિવારિક સંબંધ" શેર કરે છે. તેમના આ ઇન્ટરવ્યૂને માત્ર યૂટ્યૂબ પર જ ત્રણ મિલિયનથી વધુ વખત જોવામાં આવ્યો હતો.
જુદી જુદી પત્નીઓ મળવાની રસપ્રદ કહાની
આ ઇન્ટરવ્યૂ દરમિયાન સોરોટે જણાવ્યું હતું કે, કેવી રીતે તે પોતાની પત્નીઓને મળ્યો હતો. સોરોટનું કહેવું છે કે જ્યારે પણ તે પહેલી નજરમાં જ પ્રેમમાં પડ્યો હતો. તે તેની પહેલી પત્ની નોંગ સ્પ્રાઈટને એક મિત્રના લગ્નમાં મળ્યો હતો. જ્યારે તેની બીજી પત્ની નોંગ એલ સાથે બજારમાં મુલાકાત થઇ હતી. નવાઈની વાત તો એ છે કે નોંગ અલ સોરોટની પહેલી પત્ની વિશે જાણવા છતાં તે તેની સાથે લગ્નના બંધનમાં બંધાવા તૈયાર થઈ ગઈ હતી. સોરોટની મુલાકાત હોસ્પિટલમાં તેની ત્રીજી પત્ની સાથે થઈ હતી, જ્યારે ચોથી, પાંચમી અને છઠ્ઠી પત્નીઓ અનુક્રમે સોશિયલ મીડિયા પ્લેટફોર્મ ઇન્સ્ટાગ્રામ, ફેસબુક અને ટિકટોક પર મળી હતી. આ પછી, તેની માતા સાથે ધાર્મિક સ્થળે જતી વખતે, સોરોટ તેની સાતમી પત્ની, નોંગને મળ્યો હતો અને ત્યારબાદ આઠમી પત્ની, નોંગ માઇ, રજાઓ દરમિયાન તેને મળી હતી, જ્યાં તેની અન્ય પત્નીઓ પણ હાજર હતી.
પત્નીઓ શું કહે છે?
સોરોટના સફળ લગ્નનું રહસ્ય તેનો ચાર્મિંગ પરંતુ કેરિંગ નેચર લાગે છે. ટીવી ચેનલ સાથે વાત કરતા, તેની બધી પત્નીઓ સર્વાનુમતે સંમત થઈ હતી કે તે "ખૂબ જ સંભાળ રાખનાર અને વિચારશીલ વ્યક્તિ" છે, પત્નીઓએ સર્વાનુમતે ઉમેર્યું, "તે અમારી સાથે ખૂબ જ સારી રીતે વર્તે છે, અમારી પાસે ઝઘડો કરવા માટે કંઈ નથી."જ્યારે તેમને પૂછવામાં આવ્યું કે શા માટે મહિલાઓએ એવા પુરુષ સાથે લગ્ન કરવાનું નક્કી કર્યું જે પહેલેથી જ પરિણીત હતો, તો બધી સ્ત્રીઓ સંમત થઈ કે તેઓ "તેના પ્રેમમાં પાગલ છે." મહિલાઓએ એવી અફવાઓને નકારી કાઢી કે તેઓએ પૈસા માટે લગ્ન કર્યા છે.
