અવનવું / ગુજરાતની ખાવાની આ ફેમસ વસ્તુઓ તમને ખબર છે તો તમે પાક્કા ગુજરાતી છો, જાણો ક્યાં શું મળે છે?

અમદાવાદ:

અમદાવાદમાં લાલદરવાજા વિસ્તારમાં લકી ટી સ્ટોલના મસ્કાબન ફેમસ છે. જ્યારે ભજિયા સાબરમતી જેલ અને રાયપુર હાઉસના જાણીતા છે. જ્યારે દાળવડા માટે ગુજરાત કોલેજ પાસે આવેલ ગુજરાતના દાળવડા પ્રખ્યાત છે.

ગાંઠિયા -ફાફડા જલેબી માટે આસ્ટોડિયાની લખનૌની અડદની જલેબી, સૌરાષ્ટ્રના ફાફડા,બાપુનગરના ગોંડલના ગાઠિયા જાણીતા છે. 

આઈસ્ક્રીમ માટે અમદાવાદમાં જેઠાણી-દેરાણીનો આઇસ્ક્રીમ, રાજસ્થાન આઇસ્ક્રીમ અને અસારવાનો સંચાનો આઇસ્ક્રીમ, શંકરનો આઇસ્ક્રીમ ખુબ જ પ્રખ્યાત છે. 

પાઉંભાજી માટે અમદાવાદમાં ઓનેસ્ટના ભાજી-પાંવ તથા સેટેલાઈટમાં શક્તિનો ભાજી પાંવ, સી.જી. રોડ પર આર.કે.નો ભાજી પાંવ ખુબ જ જાણીતા છે.

સેન્ડવીચ- મસ્કાબન- દાબેલી માટે અમદાવાદમાં છત્રભૂજની સેન્ડવીચ, કર્ણાવતીની દાબેલી જાણીતા છે. 

રાજકોટ:

ચા માટે રાજકોટમાં જય અંબે , ખેતલા આપા અને મોમાઈની ચા ખુબ જ જાણીતા છે. 

પેંડા માટે રાજકોટમાં ભગતના પેંડા તથા જય સિયારામના પેંડા ખુબ જ જાણીતા છે. 

ગોલા-આઇસક્રીમ કૂલ્ફી માટે રાજકોટમાં રામ ઔર શ્યામના ગોલા, સોરઠિયાવાડી સર્કલની હંગામાં કૂલ્ફી, ભક્તિનગર સર્કલનો સોના-રૂપાનો આઇસ્ક્રીમ ખુબ જાણીતા છે. 

વડોદરા :

જગદિશનો ચેવડો વડોદરામાં ખુબ જ જાણીતો છે. આ સાથે જ કોઠી ચાર રસ્તા પાસે મનમોહનના સમોસા ડાયાભાઈના મૈસૂર મસાલા ઢોસા તથા મંગળબજારમાં પ્યારેલાલની કચોરી લોકોને અતિપ્રિય છે.

સુરત :

રમેશનો સાલમપાક સુરતમાં પ્રખ્યાત છે. આ સાથે જ ગાંડાકાકાના ફાફડા ખાંડવાળાની શેરીના સુરતી સરસિયા ખાજા તથા ટેક્સટાઇલ માર્કેટ પાસે પહેલવાનાના છોલે ભટુરે સુરતીલાલાઓમાં ખુબ જ જાણીતા છે. 
 

ગાંધીનગર :

ગાંઠીયારથના ગાંઠિયા, મહાલક્ષ્‍મીના ખમણ, ,પુજાના ઢોકળા, સેંધાના ગોટા ગાંધીનગરમાં ખુબ જ જાણીતા છે. તો આ સાથે જ અક્ષરધામની ખીચડી, લક્ષ્મી બેકરીના પફ અને પેટિસ અને નાનખટ્ટાઈ સમગ્ર વિસ્તારમાં જાણીતા છે. 

અમરેલી :

અમરેલીમાં ચક્કાભાઈની તથા બસ સ્ટેન્ડની ચા અતિ જાણીતી છે. આ સાથે જ જયહિન્દના ગોટા, ભગતનું ઉંધીયુ, મહારાજના ભાજીપાંવ સમગ્ર પંથકમાં પ્રખ્યાત છે.

ભુજ :

ભુજની અતિ પ્રખ્યાત ચીજ એટલે  પકવાન અને ગુલાબપાક છે. પ્રવાસીઓમાં આ ચીજ ખુબ જ જાણીતી છે.  બરફ ગોળા માટે બાસૂંદી ગોળા, રજવાડી ગોળા, આઇસ્ક્રીમ ગોળા સ્થાનિકો તથા પ્રવાસીઓમાં અતિ પ્રખ્યાત છે.

પાલનપુર:

પાલનપુરમાં માધવીના પેંડા અને બદામ શેક ખુબ જાણીતા છે. નાસ્તામાં ઢાળવાસની કચોરી, શક્તિનું ખમણ અને પાતરા અને ભોગીલાલના સમોસા લોકોને અતિ પસંદ છે.

સુરેન્દ્રનગર:

અહીં 80 ફૂટ રોડ પર ભાભીના ભજીયા ખૂબ જ જાણીતા છે. તો શહેરની મધ્યમાં રાજેશના સમોસા લોકો હોંશે હોંશે ખાય છે. તો સિકંદરની સિંગ અને રાજેશ્વરીના સેવ-મમરા આજે પણ લોકો દેશ-વિદેશમાંથી સુરેન્દ્રનગરથી મંગાવે છે.

જામનગર :

એચ.જે.વ્યાસનો શીખંડ, વલ્લભભાઈના પેંડા, જનતા ફાટકના વણેલા ગાંઠિયા, જગદિશનો ફાલુદા, ગીતાનો આઇસ્ક્રીમ, જવાહરના પાન, ગીજુભાઈની ભેળપૂરી, ડાયફ્રુટની કચોરી જામનગર સહિત આસપાસના વિસ્તારમાં પ્રખ્યાત છે.

જુનાગઢ :

આ શહેરમાં મોર્ડનની તથા ચામુંડાની મેંગો લસ્સી, બાપુના ભજિયા, સાગરના બટર પફ, જનતાની ભેળ લોકોમાં અતિ પ્રખ્યાત છે

બારડોલી :

સુરત જિલ્લાના બારડોલીમાં જલારામના પાતરા, જલારામના ખમણ અને ખીચડી તો ભરકાદેવીનો આઈસ્ક્રીમ, જેઠાની પાવભાજી આખા વિસ્તારમાં વખણાય છે.

મહેસાણા:

આખા ઉત્તર ગુજરાત સહિત આજુબાજુના વિસ્તારમાં મહેસાણા હાઈવે પર આવેલી સહયોગ ડેરીના પેંડા વખણાય છે

ભાવનગર : 

આ શહેરમાં ભગવતીનું સેવ-ઉસળ, શેઠ બ્રધર્સનો છાશનો મસાલો વખણાય છે. જ્યારે ગાંઠિયાની જો વાત કરીએ તો દાસ અને જીવનભાઇના ગાંઠિયા અહીંના લોકોને ખૂબ ભાવે છે.

આણંદ :

રેલવે સ્ટેશનની દાબેલી, પાંડુના દાલ વડા, યોગેશના ખમણ, સાસુજીનો હાંડવો અને જનતા ચોકડી મસ્તાનાની દાબેલી સ્થાનિકોમાં ખુબ જાણીતા છે.