તમારા કામનું / વધારાનાં ખર્ચ પર કાપ મુકશે પ્રિપેડ કાર્ડ અને મોબાઈલ વોલેટ, જાણો કેવી રીતે

• પ્રિપેડ કાર્ડથી આર્થિક બોઝો ઓછો થશે
• વધારાનાં ખર્ચ પર કાપ મુકી શકાશે
• 50થી 100નાં ખર્ચે પ્રિપેડ કાર્ડ મેળવી શકાય છે

ઓનલાઇન પેમેન્ટમાં સૌથી વધારે ક્રેડિટ કાર્ડનો ઉપયોગ 

કોરોના સંકટ બાદ ઓનલાઇન લેવડદેવડમાં ઝડપથી વધારો થઈ રહ્યો છે. જોકે ત્યારબાદ લોકો પર આર્થિક બોઝો પણ વધી ગયો છે, કેમકે ઓનલાઇન પેમેન્ટમાં સૌથી વધારે ક્રેડિટ કાર્ડનો ઉપયોગ કરવામાં આવ્યો છે. એવામાં ફાઇનાન્સ વિશેષજ્ઞોનું કહેવુ છે કે જો આપ તમારા ખર્ચ પર કાપ મુકવા માંગો છો તો ક્રેડિટ કાર્ડની જગ્યાએ પ્રિપેડ કાર્ડ અને મોબાઈલ વોલેટનો ઉપયોગ શરુ કરી દો.

પ્રિપેડ કાર્ડ સાઇબર ફ્રોડથી બચાવે છે

પ્રિપેડ કાર્ડ કે વોલેટનો ઉપયોગ ના ફક્ત તમારા વધારાનાં ખર્ચ પર કાપ નથી મુકતો પણ તમને સાઇબર ફ્રોડથી પણ બચાવે છે. પ્રિપેડ કાર્ડની સાથે ફ્રોડ થવાનાં ચાન્સિસમાં તમે ઓછી રકમનું નુક્સાન ભોગવવુ પડે છે જ્યારે ક્રેડિટ કાર્ડ કે બેન્ક ખાતા સાથે ફ્રોડ થવા પર મોટુ નુક્સાન વેઠવુ પડે છે. ઉલ્લેખનીય છે કે કોરોનાની મહામારી બાદ સાઇબર ક્રાઇમનાં કિસ્સા ઝડપથી વધ્યા છે.

બીજી બેન્કમાંથી પણ પ્રિપેડ કાર્ડ મેળવી શકાય છે

જો તમે પ્રિપેડ કાર્ડ લેવા ઈચ્છો છો તો તમારું જે બેન્કમાં ખાતુ છે તેને ઓનલાઇન અરજી કરી શકો છો. તે ઉપરાંત તમે બીજી બેન્કમાંથી પણ પ્રિપેડ કાર્ડ મેળવી શકો છો. જોકે તેનાં માટે તમારે કેવાયસીની પ્રક્રિયા પુરી કરવી પડશે. સામાન્યપણે બેન્ક 50થી 100 રુપિયાનો ચાર્જ વસૂલીને પ્રિપેડ કાર્ડ બનાવી આપે છે. ત્યારબાદ આપ જરુરત પ્રમાણે તેમાં પૈસા નાંખી શકો છો. જોકે પ્રિપેડ કાર્ડ એક નક્ક સમયમર્યાદા માટે હોય છે. જેનાં પહેલા તેમાં રહેલ પૈસા પુરા કરવા પડે છે.

મોબાઈલ વોલેટ સૌથી ઉપયોગી

આજનાં સમયમાં ઓનલાઇન લેવડ-દેવડમાં સૌથી ઉપયોગી મોબાઈલ વોલેટ છે. જેમાં કેવાયસી વગર વોલેટમાં 10 હજાર રુપિયા સુધી રાખી શકાય છે. જ્યારે કેવાયસી પૂરી કરવા પર આપને એક લાખ રુપિયા સુધી રાખવાની સુવિધા મળે છે.

પ્રિપેડ કાર્ડનાં ફાયદા

- પ્રિપેડ કાર્ડનો ઉપયોગ કરતા સમયે તમે તમારા પૈસાનો ઉપયોગ કરી રહ્યા છો તે કોઈ ઉધારનાં પૈસા નથી.
- પ્રિપેડ કાર્ડથી ખરીદી કરવા પર કોી પણ પ્રકારની લેવડ-દેવડની હિસ્ટ્રી જાણવા નથી મળતી.
- પ્રિપેડ કાર્ડમાં પૈસા ખર્ચ કરવા અને પૈસા બચત કરવા ખૂબ સરળ છે.