આકરા પ્રહાર / 'PoKને ખાલી...', UNSCમાં પાકિસ્તાનને ભારતની ખુલ્લી ચેતવણી, જુઓ શું કહ્યું

ભારતે સંયુક્ત રાષ્ટ્રમાં પાકિસ્તાન પર જોરદાર પ્રહારો કર્યા અને કહ્યું કે પાકિસ્તાને જમ્મુ અને કાશ્મીરના એક ભાગ પર ગેરકાયદેસર રીતે કબજો કર્યો છે જેને તેણે ખાલી કરવો જ જોઇએ. સંયુક્ત રાષ્ટ્ર સુરક્ષા પરિષદ (UNSC)ની ઓપન ચર્ચા દરમિયાન સોમવારે સંયુક્ત રાષ્ટ્રમાં ભારતના કાયમી પ્રતિનિધિ પરાવથનેની હરીશે આ નિવેદન આપ્યું હતું.

'ગેરકાયદેસર રીતે કબજો કરે છે જે ખાલી કરવું જોઈએ'

સંયુક્ત રાષ્ટ્ર સુરક્ષા પરિષદની ચર્ચાનો વિષય 'સંયુક્ત રાષ્ટ્ર શાંતિ રક્ષા કામગીરીમાં સુસંગતતા વધારવી' હતો. પરંતુ પાકિસ્તાને ફરી એકવાર તેમાં જમ્મુ અને કાશ્મીરનો મુદ્દો ઉઠાવવાનો પ્રયાસ કર્યો. જેના જવાબમાં હરીશે જવાબ આપ્યો હતો કે 'જમ્મુ અને કાશ્મીર ભારતનો અભિન્ન ભાગ હતો, છે અને હંમેશા રહેશે.' પાકિસ્તાન આ વિસ્તાર પર ગેરકાયદેસર રીતે કબજો કરી રહ્યું છે જેને તેણે તાત્કાલિક ખાલી કરવો જોઈએ.

વધુ વાંચો: એક એવી યુવતી જે ગર્લફ્રેન્ડ બનવાના રૂપિયા લે છે, બદલામાં આપે છે આ સર્વિસ, 2 જ મહિનામાં લાખો કમાઇ લીધા

પાકિસ્તાન લે છે 'બિનજરૂરી ટિપ્પણી' નો આશરો

ભારતે પાકિસ્તાન પર પ્રહાર કરતા કહ્યું કે તેણે ફરી એકવાર "બિનજરૂરી ટિપ્પણીઓ" નો આશરો લીધો છે. પરંતુ આનાથી ન તો તેના ગેરકાયદેસર દાવાઓને કાયદેસર ઠેરવવામાં આવશે અને ન તો રાજ્ય પ્રાયોજિત આતંકવાદની તેની નીતિને ન્યાયી ઠેરવવામાં આવશે. હરીશે કહ્યું કે ભારત આ પ્લેટફોર્મનું ધ્યાન પાકિસ્તાનના સંકુચિત અને વિભાજનકારી એજન્ડા તરફ વાળવા દેશે નહીં. તેમણે સ્પષ્ટતા કરી કે ભારત આ બાબતે વધુ વિગતવાર જવાબ આપવાનું ટાળશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ