ઓપરેશન સિંદૂર / ભારતની એર સ્ટ્રાઈક બાદ પાકિસ્તાનની પોલ ખુલી ગઈ, આતંકીઓના જનાજામાં થયું ચોંકાવનારું

Pakistan : પાકિસ્તાનથી એક વીડિયો સામે આવ્યો છે, જેમાં આતંકવાદીઓના જનાજા નીકળી રહ્યા છે. અહીં આતંકવાદી હાફિઝ સઈદના સંગઠનના લોકો અને સેનાના સૈનિકો પણ આતંકવાદીઓના જનાજામાં જોવા મળી રહ્યા છે.

View this post on Instagram

A post shared by VTV Gujarati News and Beyond (@vtv_gujarati_news)

ભારતીય સેનાએ પાકિસ્તાનમાં આતંકવાદી ઠેકાણાઓ પર હુમલો કરીને આતંકના માસ્ટર્સની ઊંઘ હરામ કરી દીધી છે. ભારતના હુમલામાં 100 થી વધુ આતંકવાદીઓ માર્યા ગયા હોવાના અહેવાલ છે. ભારતીય સેનાના આ હુમલાએ માત્ર આતંકવાદી ફેક્ટરીનો નાશ કર્યો નથી, પરંતુ પાકિસ્તાની સેનાને પણ ખુલ્લી પાડી દીધી છે. અહીં, સેનાના અધિકારીઓએ પણ આતંકવાદીઓના જનાજામાં હાજરી આપી હતી. પાકિસ્તાનથી એક વીડિયો સામે આવ્યો છે, જેમાં આતંકવાદીઓના મૃતદેહ પાકિસ્તાની ઝંડામાં લપેટાયેલા છે. પાકિસ્તાની સેનાના અધિકારીઓ પણ આતંકવાદીઓને શ્રદ્ધાંજલિ આપવા પહોંચ્યા હતા. આ વીડિયોમાં આતંકવાદી હાફિઝ સઈદના સંગઠનના લોકો પણ જોવા મળી રહ્યા છે.

View this post on Instagram

A post shared by VTV Gujarati News and Beyond (@vtv_gujarati_news)

ભારતના હુમલા પછી પાકિસ્તાનમાં એક મોટી બેઠક યોજાઈ રહી છે. પાકિસ્તાનમાં એનએસસીની બેઠક બોલાવવામાં આવી છે. આ બેઠક શાહબાઝ શરીફની અધ્યક્ષતામાં યોજાઈ રહી છે. પાકિસ્તાની આર્મી ચીફ મુનીર પણ આ બેઠકમાં હાજર છે.

પહેલગામ હુમલાનો બદલો પૂર્ણ

ભારતીય સેનાના હુમલામાં આતંકવાદી નેતા અઝહર મસૂદના ઠેકાણા સાથે લશ્કર ચીફ હાફિઝ સઈદના આતંકવાદી કેમ્પનો પણ ભારતીય સેના દ્વારા નાશ કરવામાં આવ્યો હતો. 22 એપ્રિલના લશ્કરના આતંકવાદીઓએ પહેલગામમાં 26 લોકોને તેમનો ધર્મ પૂછીને મારી નાખ્યા હતા અને ઘણા માંગોના સિંદૂર ઉજાડ્યા.

View this post on Instagram

A post shared by VTV Gujarati News and Beyond (@vtv_gujarati_news)

હવે ઓપરેશન સિંદૂર દ્વારા તેમના સિંદૂરનો બદલો લેવામાં આવ્યો છે. મંગળવાર અને બુધવારની મધ્યરાત્રિએ સેનાએ લશ્કર ચીફ હાફિઝ સઈદના આતંકવાદી કેમ્પ મુરીદકે પર હુમલો કર્યો. એક પછી એક ચાર બોમ્બ ફેંકવામાં આવ્યા અને હાફિઝ સઈદના આતંકવાદી કેમ્પનો નાશ કરવામાં આવ્યો.

આ પણ વાંચોઃ VIDEO: પાકિસ્તાનમાં જ જોવા મળે આવો નજારો! બાળકોને બકરાની જેમ પૂર્યા, વીડિયો વાયરલ

ભારતે વિશ્વને મોટો સંદેશ આપ્યો - રાજનાથ સિંહ

ભારતીય સંરક્ષણ પ્રધાન રાજનાથ સિંહે કહ્યું કે ભારતના ઓપરેશન સિંદૂરથી વિશ્વને મોટો સંદેશ મળ્યો છે. પાકિસ્તાન સમજી ગયું છે કે હવે નવું ભારત એક એવી શક્તિ છે જે ચુન-ચુનકર બદલો લઇ શકે છે. 2008 અને 2025 વચ્ચેનો તફાવત સ્પષ્ટપણે દેખાય છે. 2008માં આતંકવાદીઓએ દેશની આર્થિક રાજધાનીમાં ઘૂસીને 166 લોકોની હત્યા કરી હતી, 2025માં 26 નિર્દોષ પ્રવાસીઓ માર્યા ગયા હતા, ભારતે હવે આનો બદલો લીધો છે. તેણે એવો બદલો લીધો કે પાકિસ્તાન પોતે સ્વીકારી રહ્યું છે કે તેના 26 લોકો માર્યા ગયા છે પરંતુ વાસ્તવિક સંખ્યા આનાથી ઘણી વધારે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ