વાયરલ / VIDEO: પાકિસ્તાનમાં જ જોવા મળે આવો નજારો! બાળકોને બકરાની જેમ પૂર્યા, વીડિયો વાયરલ

કરાચીમાંથી દેશી જુગાડનો એક વીડિયો સોશિયલ મીડિયા પર વાયરલ થયો છે કે, જોતા જ નેટીઝન્સ કહે છે કે આવો નજારો તો ફક્ત પાકિસ્તાનમાં જ જોઈ શકાય. આ વીડિયો એક અનોખી ડિઝાઇનવાળી કારનો છે, જેમાં કારનો પાછળનો ભાગ કાપીને તેના પર જાળી લગાવવામાં આવી છે. આ જ નહીં, તે ભાગમાં ત્રણ બાળકાઓ બેસેલા જોવા મળે છે.

પાકિસ્તાનનો જુગાડ

પાકિસ્તાનના આ જુગાડને જોઈને લોકો ભડકી ગયા છે અને તેને બાળકો માટે જોખમભર્યું ગણાવ્યું છે. વાયરલ વીડિયોમાં જોઈ શકાય છે કે એક અનોખી રીતે મોડિફાય કરેલી કાર ઝડપથી આગળ વધી રહી છે. કારના માલિકે કારનો પાછળનો ભાગ કાપીને તેમાં જાળી લગાવી છે અને આ જગ્યા પોતાનાં બાળકોને બેસાડવા માટે વાપરી છે. દૂરથી જોતા એવું લાગે છે જાણે બાળકો પિંજરામાં કેદ હોય.

આ વિડિઓ પાછળની કારના ડ્રાઇવરે રેકોર્ડ કર્યો છે. વીડિયોમાં વ્યક્તિ કહે છે: "ચેક કરો ભાઈ! આ નજારો કરાચીનો છે. બાળકોને પિંજરામાં પૂર્યા છે ભાઇ!"

View this post on Instagram

A post shared by Drive Club ⛽ (@driveclub.pk)

વીડિયોમાં આવેલી કમેન્ટ્સ

મોટાભાગના યુઝર્સ આ ક્લિપ જોઈને ગુસ્સે થઈ ગયા છે અને પોતાની પ્રતિભાવ આપી રહ્યા છે. એક યુઝરે કમેન્ટ કર્યું: "જહાલતની હદ છે આ તો!" બીજા યુઝરે લખ્યું: "એવા માતા-પિતાને સીધા જેલમાં મોકલવા જોઈએ." અન્ય એક યુઝરે કહ્યું: "જો પાછળથી કોઈ ગાડી અથડાય તો બાળકોનુ શું થશે એ વિચારીને જ કંપારી છૂટી જાય છે." અન્ય યૂઝરે લખ્યું: "આ કિસ્સો કોઈ પણ ખૂણેથી ફની નથી લાગતો. એક ભૂલ અને બધું પૂરુ."

વધુ વાંચો: ‘સાલા મોક ડ્રીલ બોલ કે રિયલ એટેક કર દિયા...', ભારતે એર સ્ટ્રાઈક કરતા જ સોશિયલ મીડિયા પર આવ્યું મીમ્સનું ઘોડાપૂર

આ વીડિયો ઇન્સ્ટાગ્રામના driveclub.pk નામના પેજ પર શેર કરવામાં આવ્યો છે, જેમાં અત્યાર સુધીમાં સૈંકડો લાઇક્સ અને લાખો વ્યૂઝ મળી ચૂક્યા છે. યુઝરે મજાકભર્યા અંદાજમાં કેપ્શન લખ્યું છે – “ટેકનોલોજિયા.”

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ