નેશનલ / ‘સાલા મોક ડ્રીલ બોલ કે રિયલ એટેક કર દિયા...', ભારતે એર સ્ટ્રાઈક કરતા જ સોશિયલ મીડિયા પર આવ્યું મીમ્સનું ઘોડાપૂર

પહેલગામમાં થયેલા આતંકી હુમલાને કારણે દેશમાં રોષનો માહોલ હતો. દરેક વ્યક્તિ ભારતીય સેના તરફથી જવાબી પગલાની રાહ જોઈ રહ્યો હતો. હવે આ રાહ પૂરી થઈ ગઈ છે અને સેના દ્વારા પાકિસ્તાનને એક જ રાત્રે ઊંડો ધક્કો આપવામાં આવ્યો છે. પાકિસ્તાન આ હુમલાની સામે કંઈ બોલી ન શક્યું. આવા તાત્કાલિક હુમલાના પગલે X (ટ્વિટર) પર ઘણાં મીમ્સ ખુબજ વાયરલ થયા છે.

સોલ્જર

ફિલ્મ ‘સોલ્જર’ના એક સીનમાં બૉબી દેઓલના જમણા હાથ પર પ્લાસ્ટર બંધાયેલું દેખાય છે, પરંતુ એ જ હાથ પાછળથી કાઢીને ગોળી ચલાવે છે. આ મીમમાં બતાવાયું છે કે ભારતે પાકિસ્તાન સામે જે મૉક ડ્રિલ બતાવી તે ફક્ત નકલી હાથ (પ્લાસ્ટર) જેવું હતું, જ્યારે અસલી હાથથી સીધી સ્ટ્રાઇક કરી નાખી.

એક ચુટકી સિંદૂરની કીમત

ફિલ્મ ‘ઓમ શાંતિ ઓમ’નો ‘એક ચુટકી સિંદૂરની કીમત તું શું જાણે રમેશ બાબુ’ ડાયલોગ તો દરેકને યાદ હશે. પહેલગામમાં થયેલા હુમલા દરમિયાન મહિલાઓના સુહાગ માટે સરકારને બદલો લેવાની માંગ કરવામાં આવી હતી. જેના પરિણામે ભારતીય સેના દ્વારા આ મિશનને 'ઓપરેશન સિંદૂર' નામ આપવામાં આવ્યું. આ મીમમાં પાકિસ્તાનને એક ચુટકી સિંદૂરની કિંમત સમજાવવાની વાત દર્શાવવામાં આવી છે.

ઓપરેશન સિંદૂર

એક મીમમાં બતાવ્યું છે કે એક છોકરો કોઈને બાંધીને રાખે છે અને મૉક ડ્રિલ બતાવવામાં આવે છે. જ્યારે તેનાથી પડદો ઉઠાવવામાં આવે છે ત્યારે તેમાં ‘ઓપરેશન સિંદૂર’ બહાર આવે છે.

પાકિસ્તાનને સીધી ડ્રિલ

બીજા મીમમાં વડાપ્રધાન મોદી અને ગૃહમંત્રી અમિત શાહ વચ્ચેની વાતચીત દર્શાવવામાં આવી છે. જેમાં વડાપ્રધાન મોદી અમિત શાહ તરફ ઇશારો કરીને કહે છે કે "મૉક ડ્રિલના નામે પાકિસ્તાનને સીધી ડ્રિલ (હમલો) કરી નાખીએ."

વધુ વાંચો: VIDEO: જંગની સ્થિતિમાં કેવી રીતે રહેવું સુરક્ષિત, દિશા પટનીની બહેને શેર કર્યો વીડિયો

વિવિધ મીમ્સમાં પાકિસ્તાનના રાજકારણીઓ કે ISPR ના પ્રતિનિધિઓના મૂંઝાયેલા ચહેરા બતાવવામાં આવ્યા છે, જેમ કે તેઓ સમજી જ ન શકે કે શું થયું? પાકિસ્તાન તેમની સાથે શું થયું તે હજુ સુધી સમજી શક્યું નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ