વિશ્વ / લેબનાનમાં ઇરાન કરતા પણ મોટા ઓપરેશનની તૈયારી કરી રહ્યુ છે ઇઝરાયલ, સામે આવ્યા લશ્કરના ફોટા

MIDDLE EAST CONFLICT: ઇરાન પર અમેરિકા અને ઇઝરાયલના હુમલાઓ ચાલુ છે આ વચ્ચે આઇડીએફએ લેબનાનમાં મોટા લશ્કરી ઓપરેશનની તૈયારી કરી છે. વિશ્વના એક જાણીતા મીડિયાએ તેના એક અહેવાલમાં આ ચોંકાવનારો ખુલાસો કર્યો છે.

ઇરાન સાથે ચાલી રહેલા યુદ્ધ વચ્ચે ઇઝરાયલી સેનાએ લેબનાનમાં મોટા લશ્કરી ઓપરેશનની તૈયારી કરી છે. અલ ​​જઝીરા ઇંગ્લિશ દ્વારા જારી કરાયેલ તસવીરોમાં આ ખુલાસો થયો છે. રિપોર્ટ અનુસાર ઇઝરાયલ લેબનાન સાથેની તેની ઉત્તરીય સરહદ પર લશ્કરી તૈનાતીને વધુ તેજ બનાવી રહ્યું છે. ઇઝરાયલી સેના ઇરાન કરતા મોટા લેબનાનમાં ઓપરેશનની તૈયારી કરી રહયું છે. તસવીરોમાં ટેન્ક, સૈનિકો અને લશ્કરી વાહનોની હિલચાલ જોવા મળે છે. આ ઘટનાક્રમ ઇરાન પર અમેરિકા-ઇઝરાયલી યુદ્ધ વચ્ચે આવ્યો છે, જેમાં હિઝબુલ્લાહે ઇરાનના સુપ્રીમ લીડર અયાતુલ્લા અલી ખામેનીની હત્યાનો બદલો લેવા માટે ઇઝરાયલ પર હુમલાઓ વધુ તીવ્ર બનાવ્યા છે.

લેબનાન પર કબજો કરવાની તૈયારી

ઇઝરાયલી સંરક્ષણ પ્રધાન ઇઝરાયલ કાત્ઝે સેનાનો નિર્દેશ આપ્યો છે કે, તેઓ લેબનાનમાં અતિરિક્ત નિયંત્રણવાળા ક્ષેત્રમાં કબ્જો કરે. જેથી ઇઝરાયલી સીમા પર થતા હુમલા રોકી શકાય. ઇઝરાયલી સેનાના પ્રવક્તા લેફ્ટનન્ટ કર્નલ નદાવ શોશાનીએ કહ્યુ કે, "અમે નાગરિકોની સુરક્ષા અને હિઝબુલ્લાહના હુમલાઓને રોકવા માટે સરહદ પર વધારાના સ્થળોએ સૈનિકો તૈનાત કર્યા છે." ઇઝરાયલે દક્ષિણ લેબનાનમાં ગ્રાઉંડ ઇંક્રૂજન શરુ કર્યુ છે, જેજેને "આગળ સંરક્ષણ" તરીકે વર્ણવવામાં આવ્યું છે.

આ પણ વાંચોઃ રાષ્ટ્રપતિ ઊભા છે અને તમે... જુની તસવીર દેખાડીને CM મમતા બેનરજીનો PM મોદી પર પલટવાર

હિઝબુલ્લાહ ઇઝરાયલ પર હુમલાઓ વધારી રહ્યા છે

હિઝબુલ્લાહએ ઇઝરાયલ પર રોકેટ અને ડ્રોન હુમલાઓ તીવ્ર બનાવ્યા છે, જેના કારણે ઇઝરાયલે બેરુત, દક્ષિણ લેબનોન અને બેકા ખીણમાં હવાઈ હુમલાઓ તીવ્ર બનાવ્યા છે. લેબનીઝ સેનાએ તેમની સલામતી સુનિશ્ચિત કરવા માટે સરહદી વિસ્તારમાંથી તેના સૈનિકો પાછા ખેંચી લીધા છે. ઇઝરાયલે દક્ષિણ લેબનોનના રહેવાસીઓને લિટાની નદીની ઉત્તરે જવા માટે બળજબરીથી વિસ્થાપન આદેશો જારી કર્યા છે, જેના કારણે લાખો લોકો વિસ્થાપિત થયા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ