સ્વાસ્થ્ય / જો તમારા પણ શરીરમાં દેખાય આ લક્ષણ, તો સાવધાન! હોઇ શકે છે લિવર કેન્સરના સંકેત

લિવર કેન્સર વૈશ્વિક સ્તર પર સ્વાસ્થ્ય માટે મોટો ખતરો બની રહ્યો છે. સંશોધકોએ જણાવ્યું કે ખરાબ લાઈફસ્ટાઈલ લિવરની સમસ્યાઓ, અહીં સુધી કે લિવર કેન્સરનું પણ કારણ બની શકે છે. લિવર કેન્સર દુનિયાભરમાં કેન્સરથી થતી મોતનું ત્રીજુ પ્રમુખ કારણ છે. વર્ષ 2020માં અંદાજે 8.30 લાખ લોકોના આ બીમારીથી મોત થયા છે. 

લિવર સાથે સંબંધિત વૈશ્વિક સમસ્યાઓને લઈને લોકોને જાગૃત કરવા અને તેનાતી બચવાને લઈને શિક્ષિત કરવાના ઉદ્દેશ્યથી દર વર્ષે 19 એપ્રિલે વિશ્વ લિવર દિવસ ઉજવવામાં આવે છે. સ્વાસ્થ્ય નિષ્ણાંતો અનુસાર લિવરમાં થતુ કેન્સર છેલ્લા એક દશકમાં ખૂબ જ ઝડપથી વધી ગયું છે. તેનાથી બચવા માટે લોકોએ સતત પ્રયત્ન કરતા રહેવા જોઈએ. 

લિવર કેન્સરને કેવી રીતે ઓળખવું? 
મોટાભાગના લોકોમાં પ્રાથમિક સ્થિતિમાં લિવર કેન્સરના વધારે સંકેત કે લક્ષણ નથી દેખાતા. તમને પાચન સાથે સંબંધિત અમુક સમસ્યાઓ થઈ શકે છે. જોકે જેમ જેમ કેન્સરના કોષ વધતા જાય છે તેના લક્ષણ વધારે સ્પષ્ટ થવા લાગે છે. 

વજન ઓછુ થતુ જવું, ભુખ ન લાગવી, પેટમાં દુખાવો, ઉલ્ટી, કમજોરી અને થાક રહેવો, કમળાની સમસ્યા વારંવાર થતી રહેવી. આ બધા લક્ષણ લિવર કેન્સરના શરૂઆતી સંકેત માનવામાં આવે છે. 

વધુ વાંચો : આંખો નબળી પડી રહી છે? તો તુરંત ચેતી જજો, ભૂલથી પણ આ લક્ષણોને ઇગ્નોર ન કરતા

કયા લોકોને આ કેન્સરનો ખતરો વધારે 
સ્વાસ્થ્ય નિષ્ણાંતો અનુસાર જે લોકોને હેપેટાઈટિસ-બી કે હેપેટાઈટિસ સી વાયરસનું લાંબુ સંક્રમણ રહ્યું તેમાં લિવર કેન્સરનો ખતરો વધી જાય છે. સિરોસિસ જેવી બીમારીઓ પણ તેના જોખમને વધારી શકે છે. તેના ઉપરાંત વારંવાર ફેટી લિવરની સમસ્યા થતી રહેવે, દારૂનું સેવન પણ તમને લિવર કેન્સરનો શિકાર બનાવી શકે છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો