રાહત / ભારતીયોને મોટી રાહત, મિડલ ઇસ્ટના યુદ્ધ વચ્ચે દુબઈથી આવ્યા ગુડ ન્યૂઝ!

Iran Israel War : પશ્ચિમ એશિયામાં વધતી તણાવપૂર્ણ પરિસ્થિતિ વચ્ચે ભારત માટે સારા સમાચાર સામે આવ્યા છે. વાસ્તવમાં ઘણા દિવસોથી બંધ રહેલી ફ્લાઇટ સેવાઓ હવે ધીમે ધીમે ફરી શરૂ થઈ રહી છે. જેના કારણે દુબઈ સહિત વિવિધ પશ્ચિમ એશિયાઈ દેશોમાં ફસાયેલા ભારતીય નાગરિકોને મોટી રાહત મળશે.

દુબઈથી ભારત માટે ફ્લાઇટ્સ ફરી શરૂ

Emiratesએ જાહેરાત કરી છે કે, 3 માર્ચથી દુબઈથી દિલ્હી, ચેન્નાઈ, બેંગલુરુ, મુંબઈ અને હૈદરાબાદ માટેની નિયમિત ફ્લાઇટ્સ ફરી શરૂ થશે. દુબઈમાં મોટી સંખ્યામાં ભારતીયો રહે છે અને તાજેતરની પરિસ્થિતિને કારણે અનેક લોકો ત્યાં અટવાઈ ગયા હતા. હવે ફ્લાઇટ સેવાઓ શરૂ થતાં તેઓ પોતાના વતન પરત ફરી શકશે. તે ઉપરાંત Etihad Airways અબુ ધાબીથી દિલ્હી, કોચી અને બેંગલુરુ માટે સેવાઓ ફરી શરૂ કરી રહી છે.

જેદ્દાહ, મસ્કત અને અન્ય શહેરોની શું છે સ્થિતિ ?

આ તરફ IndiGo જેદ્દાહથી હૈદરાબાદ, મુંબઈ, દિલ્હી અને અમદાવાદ માટે ખાસ ફ્લાઇટ્સ ચલાવી રહી છે. આ ફ્લાઇટ્સ ખાસ કરીને તેઓ માટે છે જેમણે અગાઉ ટિકિટ બુક કરાવી હતી. Air India Express મસ્કતથી પોતાની સેવાઓ ફરી શરૂ કરી રહી છે. જ્યારે Air Indiaએ પશ્ચિમ એશિયાની કેટલીક ફ્લાઇટ્સ 3 માર્ચ સુધી સ્થગિત રાખવાનો નિર્ણય લીધો છે, પરંતુ અમેરિકા, કેનેડા, યુરોપ અને યુકે માટેની સેવાઓ નિયમિત રીતે ચાલુ રહેશે. નવી એરલાઇન Akasa Airએ મુંબઈ-જેદ્દાહ રૂટ પર 3 માર્ચથી નિયમિત ફ્લાઇટ્સ ફરી શરૂ કરવાની જાહેરાત કરી છે. જોકે અબુ ધાબી, દોહા, કુવૈત અને રિયાધ માટેની કેટલીક સેવાઓ હજી સ્થગિત છે.

ભારતમાં પણ ઉડાનો પર અસર

પશ્ચિમ એશિયાઈ પરિસ્થિતિના કારણે ભારતમાંથી પણ અનેક ફ્લાઇટ્સ રદ કરવી પડી હતી. દિલ્હી એરપોર્ટ પરથી દાયકાઓ જેટલી ઉડાનો રદ થઈ હતી, જેમાં આવનારી અને જતી બંને ફ્લાઇટ્સનો સમાવેશ થાય છે. બેંગલુરુ એરપોર્ટ પર પણ અનેક ફ્લાઇટ્સ અસરગ્રસ્ત રહી હતી. ખાનગી એરલાઇન SpiceJetએ ખાસ ફ્લાઇટ્સની જાહેરાત કરી છે જેથી મુસાફરોને સમયસર ગંતવ્ય સુધી પહોંચવામાં સહાય મળે.

આ પણ વાંચો : ''તુરંત નિકલ જાઓ'', મિડલ ઈસ્ટના તણાવ વચ્ચે અમેરિકનોને ચેતવણી

નોંધનીય છે કે, અમેરિકા અને ઈઝરાયલ સાથેના તણાવ બાદ ઈરાન દ્વારા કેટલાક પશ્ચિમ એશિયાઈ વિસ્તારોમાં હુમલાઓ કરવામાં આવ્યા હોવાનું જાણવા મળે છે. તેની અસરરૂપે કેટલાક દેશોએ પોતાના હવાઈ ક્ષેત્રને તાત્કાલિક બંધ કર્યા હતા. હવે પરિસ્થિતિ થોડી સુધરતાં એરપોર્ટ અને એરલાઇન્સ ફરી કાર્યરત થઈ રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ