- શિયાળામાં હાર્ટ એટેક આવવાનું જોખમ વધુ
- વધુ કસરત કરવાથી પણ હાર્ટ પર વધુ પ્રેશર આવે છે
- 45 વર્ષ પછી હાર્ટ એટેક આવવાનું જોખમ વધુ
શિયાળામાં હાર્ટ એટેક આવવાના કેસ વધી જાય છે. ભારે ભોજન પચાવવામાં લોકોએ ખૂબ જ મહેનત કરવી પડે છે. શિયાળામાં ફિઝિકલ એક્ટિવિટી ઓછી થવાને કારણે રક્તધમનીઓ સંકુચિત થઈ જાય છે. હાર્ટને લોહી પહોંચાડવામાં હાર્ટે વધુ મહેનત કરવી પડે છે, જેના કારણે બ્લડ પ્રેશર વધી જાય છે. શિયાળામાં વધુ કસરત કરવાથી પણ હાર્ટ એટેક આવવાનું જોખમ રહે છે.
હાર્ટ એટેક મોટાભાગે સવારે 04:00 વાગ્યાથી 10:00 વાગ્યા સુધીમાં આવે છે. તે સમયે શરીરમાં એપિનેફ્રિન, નોરપેનેફ્રિન અને કોર્ટિસોલ જેવા હોર્મોનનું સ્તર વધવાને કારમે બ્લડ પ્રેશર વધી જાય છે. જેથી શરીરને ઓક્સિજનની વધુ જરૂર રહે છે. જેના કારણે હાર્ટ પર સીધી અસર થાય છે. મોટાભાગના લોકો આ સમયે જ કસરત કરતા હોય છે. જેના કારણે હાર્ટબીટ ફાસ્ટ ચાલવાને કારણે હાર્ટ પર વધુ પ્રેશર આવવાને કારણે હાર્ટ એટેક આવે છે.
અન્ય લોકોની સરખામણીએ મેદસ્વીતા, હાઈ બીપી અને ડાયાબિટીસના દર્દીઓને હાર્ટ એટેક આવવાનું જોખમ વધુ રહે છે. પુરુષોને 45 વર્ષ પછી અને મહિલાઓને 55 વર્ષ પછી હાર્ટ એટેક આવવાનું જોખમ રહે છે. 45 વર્ષ પછી વધુ કસરત કરવાથી પણ હ્રદયરોગ થઈ શકે છે. આ કારણોસર 45 વર્ષ પછી વર્કઆઉટ ઓછું કરી દેવું જોઈએ.
ભારે કસરત ના કરવી
મોટાભાગના યંગસ્ટર્સ ઉઠીને તરત જ જીમમાં જાય છે અને ભારે કસરત કરવા લાગે છે. નિષ્ણાંતો અનુસાર કસરત કરવી જોઈએ, પરંતુ સવારે ઉઠતાવેંત કસરત ના કરવી જોઈએ. સવારે ઉઠો ત્યારે થોડી વાર સુધી રિલેક્સ કરવું જોઈએ. કસરત શરૂ કરતા પહેલો વોર્મઅપ કરવું જોઈએ. સવારે ઉઠીને તરત ભારે કસરત ના કરવી જોઈએ. શિયાળામાં નાની નાની બાબતોનું ધ્યાન રાખવાથા હાર્ટ એટેક આવવાનું જોખમ રહેતું નથી.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
