મુસાફરો જાણી લેજો / ટ્રેન ટિકિટ કેન્સલ કરાવવા પર GST ચાર્જ લાગશે કે નહીં? સરકારે કર્યો ખુલાસો

• ટ્રેન ટિકિટ કેન્સલને લઈને રેલવે મંત્રાલયની સ્પસ્ટતા
• ટિકિટ કેન્સલ થવા પર રિફંડની જોગવાઈ 
• એસી ક્લાસ અથવા ફર્સ્ટ ક્લાસની ટિકિટને જ લાગુ પડે છે નિયમ 

રેલવે મંત્રાલયે કહ્યું છે કે 23 સપ્ટેમ્બર 2017ના રોજ જારી કરવામાં આવેલી સૂચના મુજબ ટિકિટ કેન્સલ થવા પર જીએસટીની સાથે બુકિંગ સમયે લેવામાં આવેલી રકમ પરત કરવાની જોગવાઈ છે. રેલવેએ કહ્યું છે કે ટિકિટ કેન્સલેશન બાદ રિફંડના નિયમોમાં કોઈ ફેરફાર કરવામાં આવ્યો નથી.મંત્રાલયે કહ્યું કે જ્યાં સુધી કેન્સલેશન / ક્લાર્કેજ ચાર્જ અને રિફંડના નિયમો મુજબ કેન્સલેશન / ક્લાર્કેજ ચાર્જ પર જીએસટીની રકમ પરત કરવાની વાત છે, તે ફક્ત એસી ક્લાસ અથવા ફર્સ્ટ ક્લાસની ટિકિટને જ લાગુ પડે છે.

As per instruction issued dated Sept 23, 2017, in case of cancellation of tickets, refund amount due as per Railway Cancellation of tickets and Refund of Fare Rule along with the total amount of GST charged at the time of booking is refunded in full: Ministry of Railways

— ANI (@ANI) August 29, 2022

વેઇટિંગ લિસ્ટ અને આરએસી ટિકિટ રિફંડ માટેનો નિયમ 
જો તમારી ટિકિટ ચાર્ટ બન્યા પછી પણ આરએસી અને વેઇટિંગ લિસ્ટમાં છે અને તમે તમારી ટિકિટ ટ્રેનના નિર્ધારિત ડિપાર્ચર ટાઇમના 30 મિનિટ પહેલા કેન્સલ કરાવો છો તો સ્લીપર ક્લાસમાં તમારે 60 રૂપિયા કેન્સલેશન ચાર્જ આપવો પડશે. જ્યારે એસી ક્લાસની ટિકિટમાં 65 રૂપિયાનો કાપ મૂકવામાં આવશે અને બાકીના પૈસા પરત મળી જશે.

ચાર કલાક અગાઉથી ટિકિટ કેન્સલ કરાવવાનો નિયમ શું છે?

જો તમારી ટિકિટ કન્ફર્મ થઈ ગઈ હોય અને મુસાફરી અચાનક જ કેન્સલ થઈ જાય તો રેલવે ટિકિટ કેન્સલ કરાવવાના નિયમ મુજબ ટિકિટ કેન્સલેશન દરમિયાન ટાઈમિંગનું ખાસ ધ્યાન રાખવામાં આવે છે. ટિકિટ કન્ફર્મ છે અને જો તમે ટ્રેનના નિર્ધારિત પ્રસ્થાન સમયના ચાર કલાક પહેલા ટિકિટ કેન્સલ ન કરો તો તમને કોઈ રિફંડ નહીં મળે. 

However, cancellation/clerkage charge applicable as per Refund rule & GST amount on cancellation/clerkage charge is retained by Railways. This is applicable only in AC & 1st class. GST is collected on behalf of the Finance Ministry. No change in rules/provision: Railways Ministry

— ANI (@ANI) August 29, 2022

કન્ફર્મ ટિકિટ કેન્સલ થવા પર કેટલું કપાશે?
કન્ફર્મ ટ્રેનની ટિકિટ કેન્સલ થવાના કિસ્સામાં જો 48 કલાકની અંદર અને નિર્ધારિત ડિપાર્ચર ટાઇમના 12 કલાક પહેલા ટિકિટ કેન્સલ કરવામાં આવે તો કુલ રકમના 25 ટકા સુધી કપાઇ જાય છે. જો તમે ટ્રેનના નિર્ધારિત પ્રસ્થાન સમયના 4 કલાકથી 12 કલાક પહેલા ટિકિટ કેન્સલ કરાવો છો તો ટિકિટના અડધા પૈસા એટલે કે 50 ટકા કપાઈ જાય છે.