ધર્મ / હોળીની વચ્ચે ચંદ્રગ્રહણ, ભારતમાં ક્યારે દેખાશે, જાણો સમય, સૂતક કાળ અને રાશિઓનો પ્રભાવ

આ વર્ષે રંગોનો તહેવાર એક મહત્વની ખગોળીય ઘટના સાથે પણ જોડાઈ રહ્યો છે. જેમાં 3 માર્ચે વર્ષનું પહેલું ચંદ્રગ્રહણ અને 4 માર્ચે રંગોની હોળી ઉજવવામાં આવશે. જ્યોતિષશાસ્ત્ર અનુસાર આ ચંદ્રગ્રહણ સિંહ રાશિ અને પૂર્વા ફાલ્ગુની નક્ષત્રમાં થશે. જે સમગ્ર દેશ અને વિશ્વ તેમજ તમામ 12 રાશિઓને અસર કરી શકે છે.  આ સમય દરમિયાન મંદિરના દરવાજા બંધ કરવામાં આવે છે અને પૂજા અને પ્રાર્થના જેવી પ્રવૃત્તિઓ ટાળવામાં આવે છે.

• વર્ષનું પહેલું ચંદ્રગ્રહણ 3 માર્ચે થશે
  જ્યોતિષીય ગણતરીઓ અનુસાર 3 માર્ચ 2026 ના રોજ ચંદ્રગ્રહણ થશે. આ ગ્રહણ સિંહ રાશિ અને પૂર્વા ફાલ્ગુની નક્ષત્રમાં થવાની આગાહી છે. સૂર્ય સિંહ રાશિ પર શાસન કરે છે, જ્યારે શુક્ર પૂર્વા ફાલ્ગુની નક્ષત્ર પર શાસન કરે છે. જ્યોતિષીઓના મતે આ ગ્રહણની અસરો પ્રશાસન, હવામાન અને આર્થિક પ્રવૃત્તિઓ પર અનુભવી શકાય છે. પરંતુ વૈજ્ઞાનિક દ્રષ્ટિકોણથી ચંદ્રગ્રહણ એક સામાન્ય ખગોળીય ઘટના છે, જ્યારે પૃથ્વી સૂર્ય અને ચંદ્રની વચ્ચે આવે છે.
  
• ચંદ્રગ્રહણ અને સૂતક કાળ
  

ધાર્મિક માન્યતા અનુસાર, સૂતક કાળ ચંદ્રગ્રહણના લગભગ 9 કલાક પહેલા શરૂ થાય છે. જેમાં 3 માર્ચ, સવારે 6:20 વાગ્યે શરુ થશે. ચંદ્રગ્રહણ લગભગ 3:20 વાગ્યે શરૂ  થશે. જેનો પીક ટાઈમ  લગભગ 5 વાગ્યે છે. આ ગ્રહણ 6.45 સમાપ્ત થશે. આ ગ્રહણ સમાપ્ત થયા બાદ સ્નાન અને દાન કરવાની પરંપરા પણ ઘણી જગ્યાએ જોવા મળે છે.

• ભારતમાં ચંદ્રગ્રહણનો સમય
  3 માર્ચ 2026નું ચંદ્રગ્રહણ ભારતમાં સંપૂર્ણપણે દેખાશે નહીં. કેમ કે મોટાભાગનું ગ્રહણ ત્યારે થશે જ્યારે ભારતમાં ચંદ્ર હજુ ઉગ્યો નહી હોય. આથી ભારતમાં લોકો તેનો છેલ્લો તબક્કો જ જોઈ શકશે. ભારતમાં મોટાભાગના સ્થળોએ ચંદ્ર સાંજે 6:10-6:20 વાગ્યે ઉગે છે. આથી સૂર્યાસ્ત બાદ થોડા સમય માટે ગ્રહણનો છેલ્લો ભાગ જ દેખાશે, ખાસ કરીને પૂર્વ ભારત અને ઉત્તરપૂર્વીય રાજ્યોમાં.
  
• 4 માર્ચે રંગોની હોળી
  

હોલીકા દહન અને પૂર્ણિમાના દિવસ બાદ 4 માર્ચે રંગોની હોળી ઉજવવામાં આવશે. આ દિવસે લોકો એકબીજા પર રંગો અને ગુલાલ લગાવીને આ તહેવાર ઉજવે છે. ઘરે વાનગીઓ તૈયાર કરવામાં આવે છે, અને લોકો શુભેચ્છાઓનું આદાનપ્રદાન કરે છે.

આ રાશિઓ માટે શુભ સંકેતો - જ્યોતિષ શાસ્ત્ર અનુસાર ચંદ્રગ્રહણ દરેક રાશિઓને અલગ રીતે અસર કરી શકે છે. આ સમય વૃષભ, મિથુન, તુલા અને ધનરાશિ માટે પ્રમાણમાં અનુકૂળ માનવામાં આવે છે. આ રાશિવાળા લોકો કરિયર અને આર્થિક બાબતોમાં સકારાત્મક પરિણામોનો અનુભવ કરી શકે છે.

આ રાશિઓએ રાખવી સાવધાની - સિંહ, કર્ક, કન્યા અને વૃશ્ચિક રાશિને સાવધાની રાખવાની સલાહ આપવામાં આવે છે. તેમને સ્વાસ્થ્ય, ખર્ચ અને માનસિક તણાવ અંગે સાવધાની રાખવાની જરૂર પડી શકે છે.

• શું કરવું?
  

ગ્રહણ દરમિયાન મંત્રોચ્ચાર અને ધ્યાન કરવું શુભ માનવામાં આવે છે. ગ્રહણ સમાપ્ત થયા પછી સ્નાન કરો. જરૂરિયાતમંદોને દાન કરો.

• શું ન કરવું
  

સુતક કાળ દરમિયાન મંદિરોમાં પૂજા કરવાનું ટાળો. ગ્રહણ દરમિયાન ખાવાનું ટાળો. સગર્ભા સ્ત્રીઓને ખાસ સાવધાની રાખવાની સલાહ આપવામાં આવે છે.

વધુ વાંચો : આ રાશિઓના જાતકો બની જશે માલામાલ, જાણો 12 રાશિઓનું દૈનિક રાશિફળ

• ગ્રહણ બાદ દાનનું મહત્વ
  

જ્યોતિષ શાસ્ત્ર અનુસાર, ગ્રહણ સમાપ્ત થયા બાદ ચોખા, ખાંડ, કપૂર અને સફેદ વસ્ત્રોનું દાન કરવું શુભ માનવામાં આવે છે. એવું પણ મનાય છે કે તે ગ્રહણ સાથે સંકળાયેલા ખરાબ પ્રભાવોને દૂર કરે છે.

(DISCLAIMER : ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી vtvgujarati.com નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ