પ્રેમકહાની / અમદાવાદી યુવતી અને ચાઈનીઝ યુવકની અનોખી લવસ્ટોરી કોરોના સામે પણ જીતી ગઈ

• કેવી રીતે થયો પ્રેમ
• ચીનનો યુવાન ભારત આવ્યો અને બચી ગયો
• કોરોનાની ઝપેટમાં આવતા આવતા સહેજ જ રહી ગયો 

 
ચીનમાં પાછલા એક મહિનાથી પણ વધુ સમયથી ફેલાયેલા કોરોના વાઈરસથી ઝપેટમાં આવતા એક ચીની વ્યક્તિ પોતાની અમદાવાદમાં રહેતી પત્નીના કારણે બચી ગયો.

કેવી રીતે થયો પ્રેમ

અમદાવાદના ચાંદખેડામાં રહેતી પલ્લવી ગૌતમ ટ્રાન્સલેટરનું કામ કરે છે, જ્યારે તેનો પતિ મા હૈ ગુઓ ચીનના સિચોન પ્રોવિન્સના નાન ચોંગ શહેરમાં રહે છે. બંનેને એકબીજા સાથે પ્રેમ થઈ ગયો અને ડિસેમ્બર 2016માં તેમણે બૌદ્ધ રીતિ રિવાજો મુજબ લગ્ન કર્યા. લગ્ન દરમિયાન કપલે મુશ્કેલ સમયમાં હંમેશા એકબીજાની પડખે ઊભા રહેવાનું વચન આપ્યું હતું.

પલ્લવીને મળવા આવેલ મા હૈ ગુઓ કોરોનાથી બચી ગયો

પલ્લવી જે હવે મા પલ્લવી હૈ ગુઓ તરીકે ઓળખાય છે. તે કહે છે, અમારા લગ્ન બાદથી અમે સાથે ક્વોલિટી ટાઈમ સ્પેન્ડ કર્યો નથી. આથી મેં મારા પતિને લાંબી બ્રેક લઈને ભારત આવવા માટે કહ્યું જેથી અમે સાથે રહી શકીએ. તેણે મારી સલાહ માની અને 29 જાન્યુઆરીએ અહીં આવી ગયો. આ સમય દરમિયાન જ ચીનમાં કોરોના વાઈરસ ફેલાયો હતો.