અમદાવાદ / 1 જાન્યુઆરીથી બદલાઇ જશે આ ટ્રેનોના ટાઇમટેબલ, ફટાફટ નોટ કરી લેજો, નહીંતર ચૂકી જશો!

નવા વર્ષથી પશ્ચિમ રેલ્વેમાં અમદાવાદ ડિવિઝનની ટ્રેનોના ટાઈમ ટેબલમાં બદલાવ કરવામાં આવ્યો છે. પશ્ચિમ રેલવેએ સત્તાવાર નિવેદન જારી કરીને આ વાતની જાણકારી આપી છે. પશ્ચિમ રેલવેના સત્તાવાર નિવેદન અનુસાર, "અમદાવાદ ડિવિઝન પર 01 જાન્યુઆરી 2025થી નવું ટાઈમ ટેબલ લાગુ થઈ રહ્યું છે. અમદાવાદ ડિવિઝનના વિવિધ સ્ટેશનો પરથી પસાર થતી ટ્રેનોના સમયમાં ફેરફાર કરવામાં આવ્યો છે. આમાં કેટલીક ટ્રેનોની સ્પીડ વધારવામાં આવી છે, જેના કારણે આ ટ્રેનો તેમના વર્તમાન નિર્ધારિત સમય પહેલા ગંતવ્ય પર પહોંચી જશે."

આ નિવેદનમાં વધુમાં જણાવ્યું કે "આ વખતે અમદાવાદ ડિવિઝનમાંથી પસાર થતી 95 ટ્રેનોની સ્પીડ વધારવામાં આવી છે. સાથે જ 48 ટ્રેનનો મુસાફરીનો સમય 05 મિનિટથી ઘટાડીને 65 મિનિટ સુધી ઘટાડવામાં આવ્યો છે. ટ્રેનોની સ્પીડ વધારવાને પરિણામે પેસેન્જર ટ્રેનોના સંચાલન સમયમાં ઘટાડો થયો છે. મુસાફરોને તેનો સંપૂર્ણ લાભ મળશે કારણ કે તેમના ગંતવ્ય પર પહોંચવામાં સમય બચશે."

માહિતી અનુસાર, અમદાવાદ ડિવિઝન પર આ દરમિયાન જુદા-જુદા સ્ટેશનો પર 262 ટ્રેનોનો સમય વહેલો કરવામાં આવ્યો છે, જેમાં ટ્રેનો તેમના અગાઉના સમય કરતાં 5 મિનિટથી 45 મિનિટ સુધી વહેલી આવશે. એવી જ રીતે 55 ટ્રેનોનો સમય મોડો કરવામાં આવ્યો છે, જેથી આ ટ્રેનો તેમના પહેલાના સમય કરતા 5 મિનિટથી 40 મિનિટ સુધી મોડી આવશે. અમદાવાદ, સાબરમતી, મણિનગર, મહેસાણા, પાલનપુર, પાટણ, ભીલડી, ઊંઝા, સિદ્ધપુર, ગાંધીનગર, કલોલ, વિરમગામ ગાંધીધામ, હિંમતનગર, હળવદ, ધ્રાંગધ્રા, સામખિયાળી, ભુજ સહિત અમદાવાદ ડિવિઝનના અન્ય સ્ટેશનો પર ટ્રેનના સમયમાં ફેરફાર થશે. જેમાં ટ્રેનો પોતાના વર્તમાન સમય કરતા વહેલી અથવા મોડી પહોંચશે.

પ્રારંભિક સ્ટેશનથી મોડી ઉપડનાર ટ્રેનોનું લિસ્ટ

1. ટ્રેન નંબર 20939 સાબરમતી-સુલતાનપુર એક્સપ્રેસ સાબરમતીથી 08.20 કલાકને બદલે 08.50 કલાકે ઉપડશે.
2. ટ્રેન નંબર 19411 સાબરમતી-દોલતપુર ચોક એક્સપ્રેસ સાબરમતીથી 09.45 કલાકને બદલે 10.05 કલાકે ઉપડશે.
3. ટ્રેન નંબર 19401 સાબરમતી-લખનૌ એક્સપ્રેસ સાબરમતીથી 10.05 કલાકને બદલે 10.35 કલાકે ઉપડશે.
4. ટ્રેન નંબર 19409 સાબરમતી-ગોરખપુર એક્સપ્રેસ સાબરમતીથી 10.05 કલાકને બદલે 10.35 કલાકે ઉપડશે.
5. ટ્રેન નંબર 19407 સાબરમતી-વારાણસી એક્સપ્રેસ સાબરમતીથી 22.10 કલાકને બદલે 22.55 કલાકે ઉપડશે.

પ્રારંભિક સ્ટેશનેથી વહેલી ઉપડનાર ટ્રેનોનું લિસ્ટ

1. ટ્રેન નંબર 19223 ગાંધીનગર કેપિટલ - જમ્મુતાવી ગાંધીનગરથી 11.20 કલાકને બદલે 11.00 કલાકે ઉપડશે.
2. ટ્રેન નંબર 09402 હિંમતનગર - અસારવા મેમુ હિંમતનગરથી 06.20 કલાકને બદલે 06.10 કલાકે ઉપડશે.
3. ટ્રેન નંબર 09401 અસારવા-હિંમતનગર મેમુ અસારવાથી 19.25 કલાકને બદલે 19.20 કલાકે ઉપડશે.

આ પણ વાંચો: મહાકૌભાંડી ભૂપેન્દ્રસિંહ ઝાલાના 7 દિવસના રિમાન્ડ મંજૂર, પોલીસ તપાસમાં થશે અનેક ખુલાસા

અમદાવાદ ડિવિઝનના વિવિધ સ્ટેશનો પર વહેલી ઉપડનાર ટ્રેનોનું લિસ્ટ

1. ટ્રેન નંબર 12990 અજમેર-દાદર એક્સપ્રેસના અમદાવાદ સ્ટેશન પર આગમન/પ્રસ્થાનનો સમય 04.30/04.40 ના બદલે 04.15/04.20 વાગ્યાનો રહેશે.
2. ટ્રેન નંબર 12489 બિકાનેર-દાદર એક્સપ્રેસના અમદાવાદ સ્ટેશન પર આગમન/પ્રસ્થાનનો સમય 04.30/04.40 ના બદલે 04.15/04.20 વાગ્યાનો રહેશે.
3. ટ્રેન નંબર 20483 ભગત કી કોઠી-દાદર એક્સપ્રેસના અમદાવાદ સ્ટેશન પર આગમન/પ્રસ્થાનનો સમય 04.30/04.40 ના બદલે 04.15/04.20 વાગ્યાનો રહેશે.
4. ટ્રેન નંબર 19010 બાડમેર-બાંદ્રા ટર્મિનસ એક્સપ્રેસના અમદાવાદ સ્ટેશન પર આગમન/પ્રસ્થાનનો સમય 07.35/07.45 ના બદલે 06.55/07.00 વાગ્યાનો રહેશે.
5. ટ્રેન નંબર 20823 પુરી-અજમેર એક્સપ્રેસના સાબરમતી સ્ટેશન પર આગમન/પ્રસ્થાનનો સમય 10.18/10.20 ના બદલે 09.52/09.54 વાગ્યાનો રહેશે.
6. ટ્રેન નંબર 14311 બરેલી-ભુજ એક્સપ્રેસના ચાંદલોડિયા (બી) સ્ટેશન પર આગમન/પ્રસ્થાનનો સમય 04.07/04.12 ના બદલે 03.47/03.52 વાગ્યાનો રહેશે.
7. ટ્રેન નંબર 12989 દાદર-અજમેર એક્સપ્રેસના પાલનપુર સ્ટેશન પર આગમન/પ્રસ્થાનનો સમય 02.00/02.05 ના બદલે 01.38/01.40 વાગ્યાનો રહેશે.
8. ટ્રેન નંબર 22723 નાંદેડ-શ્રીગંગાનગર એક્સપ્રેસના પાલનપુર સ્ટેશન પર આગમન/પ્રસ્થાનનો સમય 03.30/03.32 ના બદલે 03.05/03.07 વાગ્યાનો રહેશે.
9. ટ્રેન નંબર 20476 મિરાજ-બીકાનેર એક્સપ્રેસના પાલનપુર સ્ટેશન પર આગમન/પ્રસ્થાનનો સમય 10.50/10.52 કલાકને બદલે 10.25/10.27 વાગ્યાનો રહેશે.
10. ટ્રેન નંબર 22474 બાંદ્રા ટર્મિનસ-બીકાનેર એક્સપ્રેસના પાલનપુર સ્ટેશન પર આગમન/પ્રસ્થાનનો સમય 00.45/00.47ને બદલે 00.23/00.25 વાગ્યાનો રહેશે.
11. ટ્રેન નંબર 22476 કોઈમ્બતુર-હિસાર એક્સપ્રેસના પાલનપુર સ્ટેશન પર આગમન/પ્રસ્થાનનો સમય 00.45/00.47 ના બદલે 00.23/00.25 વાગ્યાનો રહેશે.
12. ટ્રેન નંબર 14707 લાલગઢ-દાદર એક્સપ્રેસના મહેસાણા સ્ટેશન પર આગમન/પ્રસ્થાનનો સમય 20.50/20.55ને બદલે 20.25/20.30 વાગ્યાનો રહેશે.
13. ટ્રેન નંબર 14707 લાલગઢ-દાદર એક્સપ્રેસના કલોલ સ્ટેશન પર આગમન/પ્રસ્થાનનો સમય 21.25/21.27ને બદલે 21.05/21.07 વાગ્યાનો રહેશે.
14. ટ્રેન નંબર 14707 લાલગઢ-દાદર એક્સપ્રેસના કલોલ સ્ટેશન પર આગમન/પ્રસ્થાનનો સમય 21.25/21.27ને બદલે 21.05/21.07 વાગ્યાનો રહેશે.
15. ટ્રેન નંબર 19223ના આગમન/પ્રસ્થાનનો સમય ગાંધીનગર કેપિટલ - જમ્મુ તાવી એક્સપ્રેસ 11.18/11.20 વાગ્યે કલોલ સ્ટેશન પર, 11.49/11.54 વાગ્યે મહેસાણા સ્ટેશન પર, 11.49/11.54 વાગ્યે ઊંઝા સ્ટેશન પર.
16. ટ્રેન નંબર 14311 બરેલી-ભુજ એક્સપ્રેસના આગમન/પ્રસ્થાનનો સમય વિરમગામ સ્ટેશન પર 04.38/04.40 વાગે, ધ્રાંગધ્રા સ્ટેશન પર 05.34/05.36 વાગે, 06.05/06.07 વાગ્યે હળવદ સ્ટેશન અને ગાંધીધામ ખાતે સ્ટેશન તે 08.55/09.10 વાગ્યે હશે.
17. ટ્રેન નંબર 19108 MCTM ઉધમપુર-ભાવનગર એક્સપ્રેસનો વિરમગામ સ્ટેશન પર આગમન/પ્રસ્થાનનો સમય 04.56/04.58 કલાકને બદલે 04.30/04.32 કલાકનો રહેશે.
18. ટ્રેન નંબર 14808 દાદર-ભગત કી કોઠી એક્સપ્રેસના ભીલડી સ્ટેશન પર આગમન/પ્રસ્થાનનો સમય 12.45/12.50 ના બદલે 12.25/12.30 રહેશે.
19. ટ્રેન નંબર 14805 દાદર-બારમેર એક્સપ્રેસનો ભીલડી સ્ટેશન પર આગમન/પ્રસ્થાનનો સમય 21.55/22.00 કલાકને બદલે 21.35/21.40 કલાકનો રહેશે.
20. ટ્રેન નંબર 19703 ઉદયપુર-અસારવા એક્સપ્રેસનો હિંમતનગર સ્ટેશન પર આગમન/પ્રસ્થાનનો સમય 20.40/20.42 કલાકને બદલે 19.45/19.47 કલાકનો રહેશે.

સાથે જ પશ્ચિમ રેલ્વેએ મુસાફરોને અપીલ કરી કે નવા ટાઈમ ટેબલ મુજબ મુસાફરી કરતી વખતે કૃપા કરીને રેલ ઈન્ક્વાયરી 139 અથવા વેબસાઈટ www.wr.indianrailways.gov.in પર ચેક કરો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ