સ્કિન કેર / સાબુ કે ફેસવોશ વગર આ વસ્તુથી ધોવો ચેહરો, મળશે ગુલાબી નિખાર

ઉનાળામાં ગરમી અને તડકો ત્વચાની ભેજ તો છીનવે છે અને સાથે સ્કીનને ડલ અને નિર્જીવ પણ બનાવી દે છે. જેમાં સાબુ કે કેમિકલવાળા ફેસવોશનો ઉપયોગ કરવાથી ત્વચાના નેચરલ ઓઈલ છીનવાઈ જાય છે. જો તમે સલૂનમાં ગયા વગર ઘરે કાચ જેવી ત્વચા અને ગુલાબી ચમક મેળવવા માંગતા હોવ તો ચોખાનો લોટ અને દહીં રામબાણ ઈલાજ બની શકે છે. તે ત્વચાને ડીપલી સાફ કરે છે અને ટેનિંગ પણ દૂર કરે છે.

• ચોખાના લોટ અને દહીંના ફાયદા

1. નેચરલ એક્સ્ફોલિયેટર: ચોખાનો લોટ ડેડ સ્કીનના કોષોને દૂર કરે છે અને બંધ છિદ્રોને ખોલે છે.
2. ટેનિંગથી રાહત: દહીંમાં રહેલું લેક્ટિક એસિડ સનબર્ન અને જીદ્દી ટેનિંગને દૂર કરવામાં મદદ કરે છે.
3. ગ્લોઇન્ગ સ્કીન : આ મિક્સર સ્કીન ટોનને સમાન બનાવે છે અને ચહેરા પર નેચરલ ગુલાબી ચમક લાવે છે.
4. એન્ટી એજિંગ: આ પેક ઢીલી ત્વચાને કડક બનાવે છે અને ફાઇન લાઇન્સ ઘટાડવામાં મદદ કરે છે.
5. એક્સ્ટ્રા ઓઈલ કંટ્રોલ : તે ઉનાળામાં પેદા થતા ચીકણા તેલને શોષીને ચહેરાને ફ્રેસ રાખે છે.

• કેવી રીતે કરવો ઉપયોગ?

એક બાઉલમાં 2 ચમચી ચોખાનો લોટ લો અને તેને 1 થી 2 ચમચી તાજા દહીં સાથે મિક્સ કરીને જાડી પેસ્ટ બનાવો. તમે તેમાં ચપટી હળદર, ગુલાબજળ અને મધ પણ એડ કરી શકો છો. આ ત્રણેય ઘટકો ત્વચા માટે ખૂબ જ ફાયદાકારક મનાય છે.

હવે તમારા ચહેરાને પાણીથી ધોઈને સૂકવી લો. પછી આ પેસ્ટને ગરદન અને ચહેરા પર લગાવો, હળવા હાથે માલિશ કરો. તેને લગભગ 15 થી 20 મિનિટ સુધી રહેવા દો જ્યાં સુધી તે થોડું સુકાઈ ન જાય.

વધુ વાંચો : આખો દિવસ ACમાં રહેવાથી સ્કિન થઇ રહી છે ડ્રાઇ? અપનાવો આ ટિપ્સ જે જાળવી રાખશે ગ્લો

બાદમાં તમારા હાથને સહેજ ભીના કરો અને ગોળાકાર ગતિમાં સ્ક્રબ કરો. ત્યાર બાદ તમારા ચહેરાને ઠંડા પાણીથી ધોઈ લો. બેસ્ટ રીઝલ્ટ લેવા માટે અઠવાડિયામાં બે વાર આ રીતનો ઉપયોગ કરો.

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ