BIG NEWS / આવતીકાલે CJPનું દેશવ્યાપી પ્રદર્શન, ખૂબ જ મોટી સંખ્યામાં વિદ્યાર્થીઓને સામેલ થવા અપીલ

જંતર મંતર પર ચાલી રહેલા વિદ્યાર્થીઓના ધરણા પ્રદર્શન વચ્ચે સીજેપી (કોકરોચ જનતા પાર્ટી) એ ગુરુવારે એક મોટી જાહેરાત કરી. સીજેપીએ આવતીકાલે 24 જુલાઈએ દેશવ્યાપી વિરોધ પ્રદર્શનની જાહેરાત કરી છે. પાર્ટીએ વિદ્યાર્થીઓને તેને સફળ બનાવવા માટે મોટી સંખ્યામાં જોડાવા અપીલ કરી છે.

કોકરોચ જનતા પાર્ટી (CJP) એ 24 જુલાઈએ દેશવ્યાપી વિરોધ પ્રદર્શનનું આહ્વાન કર્યું છે. પાર્ટીએ વિદ્યાર્થીઓ અને યુવાનોને મોટી સંખ્યામાં જોડાવા અપીલ કરી છે. આ વિરોધ પ્રદર્શન પેપર લીક મામલો અને વિવિધ વિદ્યાર્થી મુદ્દાઓ અને માંગણીઓને લઈને થઈ રહ્યા છે. પ્રદર્શનકારી વિદ્યાર્થીઓ સતત કેન્દ્રીય શિક્ષણ મંત્રી ધર્મેન્દ્ર પ્રધાનના રાજીનામાની માંગ કરી રહ્યા છે.

ડિજિટલ પત્ર શેર કરવામાં આવી રહ્યો છે

સીજેપીએ ડિજિટલ પેમ્ફલેટ દ્વારા આ વિરોધ પ્રદર્શન વિશે માહિતી શેર કરી છે. આ પેમ્ફલેટ સોશિયલ મીડિયા પર વાયરલ થઇ રહ્યો છે. સીજેપીએ લોકોને મોટી સંખ્યામાં શાંતિપૂર્ણ વિરોધ પ્રદર્શનમાં ભાગ લેવા અને એકતા દર્શાવવા અપીલ કરી છે.

સંગઠને દરેક જિલ્લામાં એક દિવસીય શાંતિપૂર્ણ પ્રદર્શનનું આહ્વાન કર્યું છે, જેમાં કહેવામાં આવ્યું છે કે આ આંદોલન દેશભરમાં પોલીસ કાર્યવાહીનો ભોગ બનેલા લોકો સાથે એકતા વ્યક્ત કરવા માટે યોજાશે. પોસ્ટરમાં સંદેશ છે, "દરેક જિલ્લો. એક દિવસ. એક માંગ." આ પ્રદર્શન શુક્રવાર 24 જુલાઈના રોજ યોજાશે અને વિદ્યાર્થી સંગઠનો અને અન્ય સામાજિક સંગઠનો સાથે મળીને લોકલ લેવલે પરમિશન અને જરૂરી વ્યવસ્થા કરવા કહેવામાં આવ્યું છે.

આ પણ વાંચોઃ નેશનલ / PM મોદીના એલાન બાદ દેશના આ 4 રાજ્યોમાં શરૂ થશે ફાસ્ટ ટ્રેક કોર્ટ, જુઓ ક્યાં

સીજેપીએ જનતાને અપીલ કરી છે કે તેઓ પ્રદર્શન દરમિયાન ભેગા થયેલા લોકોને વિદ્યાર્થીઓની માંગણીઓ વાંચીને સંભળાવે અને પોલીસ કાર્યવાહીનો સામનો કરનારાઓ સાથે એકતા વ્યક્ત કરે. સંગઠને જણાવ્યું છે કે પ્રદર્શન સંબંધિત સ્ટાન્ડર્ડ ઓપરેટિંગ પ્રોસિજર (SOP), પ્રચાર સામગ્રી અને જ્ઞાપન તેની વેબસાઇટ પર ઉપલબ્ધ કરાવવામાં આવ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ