કરિયર / વગર પરીક્ષાએ મળશે અમદાવાદમાં નોકરી, એ પણ ₹60,000 પગાર ધોરણવાળી, આ રીતે કરો અરજી

ગુજરાત રાજ્યના અમદાવાદ ખાતે રહેતા અને સરકારી ક્ષેત્રે સારી નોકરી શોધી રહેલા સિવિલ એન્જિનિયરો તથા આર્કિટેક્ટ્સ માટે એક ખુશખબર આવી છે. લાંચ રૂશ્વત વિરોધી બ્યુરો (ACB), ગુજરાત રાજ્ય, અમદાવાદ દ્વારા ટેક્નિકલ એડવાઈઝરની જગ્યા ભરવા માટે સત્તાવાર જાહેરાત બહાર પાડવામાં આવી છે. આ ભરતી સંપૂર્ણપણે 11 મહિનાના કરાર આધારિત ધોરણે કરવામાં આવશે. યોગ્યતા ધરાવતા ઉમેદવારો પાસેથી ઓફલાઈન માધ્યમથી અરજીઓ મંગાવવામાં આવી છે.

ભરતીની મુખ્ય વિગતો અને માહિતી પત્રક

વિગત માહિતી

સંસ્થાનું નામ લાંચ રૂશ્વત વિરોધી બ્યુરો (ACB) ની કચેરી, ગુજરાત રાજ્ય

પોસ્ટનું નામ ટેક્નિકલ એડવાઈઝર (Technical Advisor)

કુલ જગ્યા 1

નોકરીનો પ્રકાર 11 માસ કરાર આધારિત

અરજી કરવાનો પ્રકાર ઓફલાઈન (પોસ્ટ / કુરિયર દ્વારા)

અરજી કરવાની છેલ્લી તારીખ 20 સપ્ટેમ્બર 2026

શૈક્ષણિક લાયકાત અને અનુભવ

પ્રિવેન્શન ઓફ કરપ્શન એક્ટ હેઠળના કેસોની કાનૂની અને ટેક્નિકલ બાબતો લડવા માટે આ પોસ્ટ ઊભી કરવામાં આવી છે.

શૈક્ષણિક લાયકાત: ઉમેદવાર માન્ય યુનિવર્સિટીમાંથી સિવિલ ઈજનેર (Civil Engineer) અથવા આર્કિટેકની સ્નાતકની પદવી ધરાવતો હોવો જોઈએ.

અનુભવ: સિવિલ ઈજનેર અથવા આર્કિટેક્ટ તરીકે કામગીરી કરવાનો ઓછામાં ઓછો 10 વર્ષનો અનુભવ હોવો વાંછનીય છે.

નિવૃત્ત અધિકારીઓ: આ જગ્યા માટે નિવૃત્ત સરકારી અધિકારીઓ પણ અરજી કરી શકે છે.

વય મર્યાદા અને પગાર ધોરણ

વય મર્યાદા: ACB ભરતી 2026 અંતર્ગત અરજી કરનાર ઉમેદવારની ઉંમર 62 વર્ષથી વધુ ન હોવી જોઈએ.

પગાર ધોરણ: પસંદગી પામેલા ઉમેદવારને પ્રતિ માસ 60,000 રૂપિયાનો ફિક્સ પગાર આપવામાં આવશે.

અરજી કેવી રીતે કરવી?

• ઉમેદવારોએ ACB ની અધિકૃત વેબસાઈટ [https://acb.gujarat.gov.in/](https://acb.gujarat.gov.in/) પરથી અરજી ફોર્મ ડાઉનલોડ કરવાનું રહેશે.
• ફોર્મમાં માગેલી તમામ વિગતો સચોટ રીતે ભરીને જરૂરી દસ્તાવેજોની પ્રમાણિત નકલો સાથે જોડવી.
• તૈયાર થયેલી અરજી નીચે આપેલા સરનામે તારીખ 20 સપ્ટેમ્બર 2026 સુધીમાં પહોંચી જાય તે રીતે મોકલવાની રહેશે.

આ પણ વાંચોઃ પેપર લીક કરનારાઓ હવે નહીં બચે! PM મોદીએ કરી ફાસ્ટ ટ્રેક કોર્ટની જાહેરાત, ઝડપથી મળશે કડક સજા

અરજી મોકલવાનું સરનામું

નિયામક, લાંચ રૂશ્વત વિરોધી બ્યૂરો કચેરી, બંગલા નંબર - 17, ડફનાળા, શાહીબાગ, અમદાવાદ, ગુજરાત.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ