બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / સુરતના સમાચાર / સુરતીઓ સાચવજો, હજુ 24 કલાક ભારે સંકટ, અતિભારે વરસાદનું રેડ એલર્ટ
7 ફોટો ગેલેરી
Last Updated: 05:43 PM, 23 July 2026
FOLLOW ON
શેર કરો
1/7
દક્ષિણ ગુજરાતમાં સતત વરસી રહેલા વરસાદ વચ્ચે સુરત અને સમગ્ર જિલ્લામાં આગામી 24 કલાક અતિભારે વરસાદની આગાહી કરવામાં આવી છે. હવામાન વિભાગના રેડ એલર્ટને પગલે જિલ્લા તંત્ર સંપૂર્ણ એલર્ટ મોડ પર આવી ગયું છે અને લોકોને બિનજરૂરી બહાર ન નીકળવાની અપીલ કરવામાં આવી છે.
આ તસવીર શેર કરો
2/7
તંત્રના જણાવ્યા મુજબ, છેલ્લા 24 કલાક દરમિયાન જે રીતે લોકોએ સંયમ રાખ્યો હતો, તેવી જ સાવચેતી આગામી 24 કલાક પણ રાખવાની જરૂર છે. સુરત ઉપરાંત ઉપરવાસમાં વરસાદનું પ્રમાણ ઘટશે તો જ ખાડી કિનારાના વિસ્તારોમાં ભરાયેલા પાણી ઓસરવાની શક્યતા છે. હાલ સુરત અને ઉપરવાસમાં વરસાદનું જોર થોડું ઓછું થતાં કેટલાક વિસ્તારોમાં પાણીનું સ્તર ધીમે-ધીમે ઘટી રહ્યું છે, પરંતુ આગામી 24થી 48 કલાક સુધી ખાડી કિનારાના વિસ્તારોમાં પાણી ભરાયેલા રહેવાની શક્યતા યથાવત છે.
આ તસવીર શેર કરો
3/7
પરિસ્થિતિની ગંભીરતાને ધ્યાનમાં રાખીને રાજ્ય સરકારે અગ્ર સચિવ શાલિની અગ્રવાલને સુરત મોકલ્યા છે. તેમની અધ્યક્ષતામાં ઉચ્ચસ્તરીય સમીક્ષા બેઠક યોજાઈ હતી, જેમાં વરસાદી સ્થિતિ, બચાવ કામગીરી અને જરૂરી વ્યવસ્થાઓ અંગે ચર્ચા કરવામાં આવી હતી.
આ તસવીર શેર કરો
4/7
બચાવ કામગીરીને વધુ મજબૂત બનાવવા સુરતમાં તૈનાત ત્રણ NDRF ટીમોને નવસારી અને વલસાડ મોકલવામાં આવી છે, જ્યારે સુરત માટે અન્ય ત્રણ નવી NDRF ટીમોને તાત્કાલિક બોલાવવામાં આવી છે.
આ તસવીર શેર કરો
5/7
બીજી તરફ આરોગ્ય પ્રધાન પ્રફુલ પાનસેરિયાએ કામરેજ પ્રાંત કચેરી ખાતે અધિકારીઓ સાથે મહત્વપૂર્ણ બેઠક યોજી હતી. બેઠકમાં કામરેજ પ્રાંત અધિકારી, તાલુકા મામલતદાર, GEB, SUDA, પોલીસ તેમજ વિવિધ વિભાગોના અધિકારીઓ ઉપસ્થિત રહ્યા હતા.
આ તસવીર શેર કરો
6/7
આરોગ્ય પ્રધાને તમામ અધિકારીઓને આખી રાત સતર્ક રહી પરિસ્થિતિ પર સતત નજર રાખવા સૂચના આપી હતી. ઉપરાંત કામરેજ તાલુકાના તમામ તલાટીઓને હેડક્વાર્ટર ન છોડવા આદેશ આપવામાં આવ્યા છે, જેથી કોઈપણ આપત્તિની સ્થિતિમાં તાત્કાલિક કામગીરી કરી શકાય.
આ તસવીર શેર કરો
7/7
તંત્રે લોકોને ખાસ કરીને આગામી 24 કલાક સુધી બિનજરૂરી બહાર ન નીકળવા, નીચાણવાળા વિસ્તારોમાં જવાનું ટાળવા અને સત્તાવાર સૂચનાઓનું પાલન કરવાની અપીલ કરી છે. દક્ષિણ ગુજરાત માટે આજની રાત અત્યંત મહત્વપૂર્ણ માનવામાં આવી રહી છે અને સમગ્ર તંત્ર સતત પરિસ્થિતિ પર નજર રાખી રહ્યું છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
