બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અમદાવાદના સમાચાર / અન્ય જિલ્લા / સુરતના સમાચાર / વડોદરાના સમાચાર / ગાંધીનગરના સમાચાર / ક્યાંક માત્ર છાપરાં દેખાયાં, તો ક્યાંક વાહનો તણાયાં, જુઓ વરસાદની સૌથી ભયાનક 15 તસવીરો
15 ફોટો ગેલેરી
Last Updated: 04:43 PM, 23 July 2026
FOLLOW ON
શેર કરો
1/15
ભારે વરસાદ અને પૂર્ણા નદીના પૂરના કારણે નવસારી શહેરનો અંદાજે 30 ટકા વિસ્તાર પાણીમાં ગરકાવ થયો. ડ્રોનમાં કેદ થયેલા દૃશ્યોમાં નીચાણવાળા વિસ્તારો જળબંબાકાર દેખાયા. આકાશી નજારો મનમોહક લાગે છે, પરંતુ અસરગ્રસ્ત પરિવારો માટે આ વરસાદ મોટી આફત બની રહ્યો છે.
આ તસવીર શેર કરો
2/15
પૂર્ણા નદીમાં આવેલા ઘોડાપૂરની સીધી અસર નવસારી શહેર પર જોવા મળી રહી છે. અનેક રહેણાંક વિસ્તારોમાં પાણી ઘૂસી જતાં લોકો મુશ્કેલીમાં મુકાયા છે. રાહત અને બચાવ કામગીરી ચાલુ હોવા છતાં અનેક વિસ્તારોમાં હજુ પણ પાણીનો ભરાવો યથાવત છે.
આ તસવીર શેર કરો
3/15
સુરત શહેર અને જિલ્લામાં પડેલા ભારે વરસાદ બાદ મીઠી, ભેદવાડ અને સીમાડા ખાડીઓ બંને કાંઠે વહેતી જોવા મળી. ડ્રોનથી કેદ થયેલા દૃશ્યોમાં ખાડીઓ ઓવરફ્લો થતાં આસપાસના વિસ્તારોમાં પાણી ફરી વળ્યાનું સ્પષ્ટ દેખાઈ રહ્યું છે.
આ તસવીર શેર કરો
4/15
ભેદવાડ ખાડી 7.60 મીટર અને સીમાડા ખાડી 4.70 મીટરથી વધુ સપાટીએ ઓવરફ્લો થતાં આસપાસના રહેણાંક વિસ્તારોમાં પાણી ઘૂસી ગયા. ભારે વરસાદને કારણે લોકોમાં ચિંતાનું વાતાવરણ જોવા મળી રહ્યું છે.
આ તસવીર શેર કરો
5/15
અમદાવાદના આમલી ગામે ખોડિયાર મંદિરના તળાવની દિવાલ ભારે વરસાદના કારણે ધરાશાયી થઈ. ઘટનાસ્થળે ત્રણ વાહનો અને અંદાજે 20 બાળકો ફસાયા હતા, પરંતુ સમયસર બચાવ કામગીરી હાથ ધરાતા તમામ લોકોને સુરક્ષિત બહાર કાઢવામાં આવ્યા.
આ તસવીર શેર કરો
6/15
વલસાડની ઓરંગા નદીમાં આવેલા ઘોડાપૂરના કારણે પારડી સહિત અનેક વિસ્તારોમાં પાણી ઘૂસી ગયા છે. સોસાયટીઓ, ઘરો અને રસ્તાઓ પાણીમાં ગરકાવ થઈ ગયા છે, જ્યારે અનેક પરિવારોને સુરક્ષિત સ્થળે સ્થળાંતર કરવું પડ્યું છે.
આ તસવીર શેર કરો
7/15
ઓરંગા નદીના પ્રકોપથી કેટલાક નીચાણવાળા વિસ્તારોમાં પ્રથમ માળ સુધી પાણી પહોંચી ગયું છે. અનેક ઘરોના છાપરા સુધી પાણી ભરાઈ જતાં લોકો જીવ બચાવવા સલામત સ્થળોએ ખસ્યા છે. તંત્ર પણ સતત બચાવ કામગીરીમાં વ્યસ્ત છે.
આ તસવીર શેર કરો
8/15
અમદાવાદના મકરબા અંડરપાસમાં ભારે વરસાદ બાદ વરસાદી પાણી ભરાઈ જતાં વાહનવ્યવહાર પર મોટી અસર પડી. વાહનચાલકો અને સ્થાનિકોને મુશ્કેલીનો સામનો કરવો પડ્યો, જ્યારે પાણીના નિકાલની વ્યવસ્થાને લઈને પણ સવાલો ઊભા થયા.
આ તસવીર શેર કરો
9/15
નડિયાદમાં સતત ત્રણ કલાકથી વરસેલા ધોધમાર વરસાદ બાદ રબારીવાડ સહિત અનેક વિસ્તારોમાં પાણી ભરાયા. હોસ્પિટલ તરફ જતા રસ્તાઓ પાણીમાં ગરકાવ થતાં દર્દીઓ અને તેમના સ્વજનોને ભારે હાલાકીનો સામનો કરવો પડ્યો.
આ તસવીર શેર કરો
10/15
ઉમરપાડામાં માત્ર ચાર કલાકમાં આઠ ઇંચ વરસાદ નોંધાતા કીમ નદીમાં પાણીની ભારે આવક થઈ. મોટા બોરસરા ગામ નજીક બેરલ બ્રિજ પર પાણી ફરી વળતાં સ્ટેટ હાઈવે-65 અને એનએચ-48ને જોડતો માર્ગ બંધ કરવો પડ્યો.
આ તસવીર શેર કરો
11/15
કીમ નદીના પાણી બેરલ બ્રિજ પર ફરી વળતાં સ્થાનિકોએ સુરક્ષાના ભાગરૂપે બેરીકેડ મૂકી વાહનવ્યવહાર બંધ કર્યો. ચાલુ વરસાદી સિઝનમાં ત્રીજી વખત બ્રિજ પાણીમાં ડૂબતાં લોકોમાં ચિંતા વધી છે.
આ તસવીર શેર કરો
12/15
મહેમદાવાદ શહેરમાં પડેલા ભારે વરસાદના કારણે વહેરાઈ માતાજી મંદિર પરિસરમાં પાણી ઘૂસી ગયા. શહેરના અનેક નીચાણવાળા વિસ્તારોમાં પાણી ભરાતા વાહનચાલકો અને સ્થાનિકોને અવરજવરમાં ભારે મુશ્કેલીનો સામનો કરવો પડી રહ્યો છે.
આ તસવીર શેર કરો
13/15
પેટલાદ શહેરમાં બે કલાકના મુશળધાર વરસાદે સાઈનાથ ચોકડી, રણછોડજી મંદિર ચોક અને કોલેજ ચોકડી સહિતના વિસ્તારોને પાણીમાં ગરકાવ કરી દીધા. રોડ પર પાણી ફરી વળતાં વાહનચાલકો અને રાહદારીઓ ભારે હાલાકી ભોગવી રહ્યા છે.
આ તસવીર શેર કરો
14/15
સતત વરસી રહેલા વરસાદથી પેટલાદ શહેરનું જનજીવન અસ્તવ્યસ્ત બન્યું છે. વેપારીઓ, સ્થાનિકો અને રાહદારીઓને મુશ્કેલીનો સામનો કરવો પડી રહ્યો છે. વરસાદી પાણીના નિકાલની વ્યવસ્થાને લઈને લોકોમાં અસંતોષ પણ જોવા મળી રહ્યો છે.
આ તસવીર શેર કરો
15/15
નર્મદા જિલ્લામાં ભારે વરસાદે ભારે નુકસાન સર્જ્યું છે. મોવીથી દેડિયાપાડા તરફ જતા માર્ગ પર નવા બ્રિજ પાસે બનાવાયેલ ડાયવર્ઝન ધોવાઈ જતાં રાજપીપળા-દેડિયાપાડા-મહારાષ્ટ્ર માર્ગ પર વાહનવ્યવહાર ખોરવાઈ ગયો છે. ભારે વરસાદ વચ્ચે તંત્ર પરિસ્થિતિ સામાન્ય બનાવવા પ્રયાસ કરી રહ્યું છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
