કામની વાત / PF એકાઉન્ટ હોય તો તમને પણ મળી શકે છે 7 લાખનું વીમા કવર, કંપની ભરે છે પ્રીમિયમ

નોકરી કરતા કરોડો લોકો માટે EPF (એમ્પ્લોયી પ્રોવિડન્ટ ફંડ) એટલે માત્ર રિટર્નમેન્ટ બાદ મળતી રકમ કે પેન્શન જ નથી આ એકાઉન્ટ સાથે એક એવી શાનદાર સુવિધા જોડાયેલી છે જેની અનેક કર્મચારીઓને ખબર પણ નથી. આ સુવિધા છે 7 લાખ રૂપિયા સુધીનો ફ્રી જીવન વીમો મળે છે. જો તમે EPFના સભ્ય હોવ તો તમે ઓટોમેટિક EDLI સ્કીમ (Employees’ Deposit Linked Insurance) માં કવર થઈ જાઓ છો. આ યોજનાની સૌથી મોટી ખાસિયત એ છે કે તમારા પગારમાંથી એક પણ રૂપિયો કપાતો નથી. જેમાં સમગ્ર પ્રીમિયમ તમારી કંપની ભરે છે.

• શું છે EDLI સ્કીમ ?

EDLI એ EPFO દ્વારા તેના તમામ સભ્યોને આપવામાં આવતી જીવન વીમા યોજના છે. આ EPF અને EPS (પેન્શન) બાદ ત્રીજો મોટો લાભ છે. જ્યાં સુધી તમારું EPF એકાઉન્ટ એક્ટિવ છે ત્યાં સુધી તમે આ વીમા કવર હેઠળ ગણાવ છો. જેમાં કંપની તમારા પગાર (બેઝિક + DA)ના 0.5% જેટલી રકમ દર મહિને આ સ્કીમમાં જમા કરે છે. તમારા પગારમાંથી કંઈ કપાતું નથી. એટલે કે આ તમારા માટે 100% ફ્રી છે.

• ક્યારે અને કેટલી રકમ મળે?

જો કોઈ કર્મચારી નોકરી દરમિયાન (ઓફિસમાં, ઘરે કે રજા પર) અવસાન પામે તો તેના પરિવાર કે નોમિનીને આ વીમાની રકમ મળે છે. જેમાં મિનિમમ રકમ 2.5 લાખ રૂપિયા છે અને મેક્સિમમ રકમ 7 લાખ રૂપિયા છે. આ રકમ તમારા છેલ્લા 12 મહિનાના એવરેજ પગાર અને PF બેલેન્સ પર બેસ્ડ હોય છે. જેમાં સ્થાયી હોય કે કોન્ટ્રાક્ટ પર જો PF કપાતું હોય તો તમે આ સ્કીમના લાભાર્થી ગણાવ છો.

• 7 લાખની રકમ આ રીતે કેલક્યુલેટ થાય

7 લાખની રકમની ગણતરી (છેલ્લા 12 મહિનાનો એવરેજ પગાર × 35) + (PF બેલેન્સના 50%) પગારની મેક્સિમમ લિમિટ 15,000 રૂપિયા. જેમાં PF બેલેન્સની મેક્સિમમ લિમિટ 1.75 લાખ રૂપિયા નક્કી કરવામાં આવી છે.

વધુ વાંચો : ચોમાસામાં તમારી ટ્રેન કેન્સલ છે કે નહીં? આ રીતે ચેક કરો તમારું સ્ટેટસ

આ રીતે મેક્સિમમ 5.25 લાખ રૂપિયા + 1.75 લાખ રૂપિયા = 7 લાખ રૂપિયા સુધી મળી શકે છે. જેમાં કંપની જો સમયસર કન્ટ્રિબ્યુશન ના કરે તો તેના પર 1% પ્રતિ મહિને દંડ લાગે છે. આ દંડ કંપનીએ પોતાની તિજોરીમાંથી ભરવાનો હોય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ