હેલ્થ / હાર્ટની બીમારીથી દુનિયાભરમાં લાખો લોકોના મોત, બચવા માટે છોડો આ આદતો

આજકાલ હાર્ટ અટેકના કિસ્સા એવા વધી ગયા છે કે અને તે કોઈ પણ વયના લોકોને અસર કરી રહ્યા છે. વર્લ્ડ હેલ્થ ઓર્ગેનાઈઝેશન (WHO)ના રિપોર્ટ મુજબ દુનિયાભરમાં સૌથી મોટું મોતનું કારણ છે કાર્ડિયોવેસ્ક્યુલર ડિસીઝ (હૃદયની બીમારી) છે. જેમાં વર્ષ 2022માં આશરે 19.8 મિલિયન લોકો આ બીમારીથી માર્યા ગયા હતા, જે કુલ મોતના 32% જેટલો હિસ્સો છે અને તેમાંથી 85% મોત હાર્ટ અટેક અને સ્ટ્રોકથી થયા છે. જેમાં સૌથી ચોંકાવનારી વાત તો એ છે કે 70 વર્ષથી ઓછી ઉંમરના લોકોમાં પણ 38% મોત હૃદયની બીમારીને કારણે થઈ રહ્યા છે.

આ અંગે WHO કહે છે કે મોટાભાગની હાર્ટની બીમારીઓને લાઈફસ્ટાઈલ બદલીને અને રિસ્ક ફેક્ટર્સને કાબૂમાં લાવીને રોકી શકાય છે. જેમાં હાઈ બ્લડપ્રેશર, હાઈ સુગર, મેદસ્વીપણું, ખરાબ કોલેસ્ટ્રોલ વગેરેને કંટ્રોલ કરીએ તો હાર્ટ સુરક્ષિત રહી શકે.

આ અંગે એક્સપર્ટ કહે છે કે, હાર્ટને તંદુરસ્ત રાખવું હોય તો નીચે મુજબની 8 આદતો તરત છોડી દો. જેનાથી હાર્ટની લાઈફ સરળ અને તંદુરસ્ત બનશે. ચાલો તેના વિષે જાણીએ.

• સ્મોકિંગ – સિગારેટ, વેપ, નિકોટિન પાઉચ આ બધું બ્લડ વેસલને ખરાબ કરે છે. જે પ્રેશર વધારે છે અને હાર્ટ અટેકનું જોખમ વધારે છે.

• હાઈ બ્લડપ્રેશર – જો પ્રેશર કંટ્રોલમાં ના હોય તો હાર્ટને કામ કરવું મુશ્કેલ થઈ જાય છે. તે અટેક, સ્ટ્રોક અને હાર્ટ ફેલ્યોરનું મોટું કારણ બને છે.

• સ્લીપ એપ્નિયા – રાત્રે શ્વાસ અટકી-અટકીને આવે તો ફક્ત ઊંઘ જ નથી ખરાબ થતી હાર્ટ પર ભારે દબાણ પડે છે.

• હાઈ બ્લડ સુગર – સતત હાઈ સુગર બ્લડ વેસલને ધીરે-ધીરે નુકસાન પહોંચાડે છે, ડાયાબિટીસ હોય કે ના હોય હાર્ટને ખતરો વધે છે.

• અલ્ટ્રા પ્રોસેસ્ડ ફૂડ – પેકેટવાળું જંકફૂડ, વધારે મીઠું, તેલ અને સુગરવાળી વસ્તુઓ કોલેસ્ટ્રોલ વધારીને હાર્ટ માટે સૌથી ખતરનાક છે.

• આખો દિવસ બેસી રહેવું – નોકરીમાં બેસવું પડે તો પણ વારંવાર ઊભા થઈને હલન ચલન કરવી, લાંબા સમય સુધી એક જ જગ્યાએ બેસવાની આદત છોડો.

• 7 કલાકથી ઓછી ઊંઘ – રાત્રે મોડી ઊંઘ અને ઓછી ઊંઘથી બ્લડપ્રેશર, સ્ટ્રેસ અને શરીરમાં સોજો વધે છે જે હાર્ટને લાંબા ગાળે નુકસાન કરે છે.

વધુ વાંચો : તમારી આંખોની રોશની ઘટી રહી છે? રોજની આ 3 ભૂલો પડી શકે છે ભારે

• સ્ટ્રેસ – હંમેશા તણાવમાં રહેવું એ હાર્ટ માટે પોઈઝન સમાન છે. કોર્ટિસોલ વધે છે અને હાર્ટ પર દબાણ વધે છે. મનને શાંત રાખવા માટે એક્સરસાઈઝ અને રિલેક્સેશન કરો.

(Disclaimer :આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ