ટેક / Nubia NaviX Ultra લોન્ચ, બોલો અને ચુટકીમાં કામ પતાવો,7100mAh બેટરીથી સજ્જ

નુબિયાએ ચાઈનામાં NaviX Ultra નામનો એક ધમાકેદાર સ્માર્ટફોન લોન્ચ કર્યો છે, જે વિશ્વનો પહેલો ઓન-ફોન AI Agent ફોન કહેવાઈ રહ્યો છે. આ ફોન એટલો સ્માર્ટ છે કે તમે સામાન્ય ભાષામાં વાત કરો કે ટેક્સ્ટ કમાન્ડ આપો તે અસલ દુનિયાના કામો ચુટકીમાં પૂરા કરી દે છે. જેમાં અનેક સ્ટેપવાળા કામો પણ એક જ કમાન્ડથી થઈ જાય છે.આ કંપની હવે આને મોટા પાયે વેચવાની તૈયારીમાં છે.

આ ફોનને પહેલી વાર 2026 વર્લ્ડ આર્ટિફિશિયલ ઇન્ટેલિજન્સ કોન્ફરન્સમાં બતાવવામાં આવ્યો હતો. પણ હજુ સુધી કંપનીએ ઓથેન્ટિક સ્પેસિફિકેશન્સ જાહેર નથી કર્યા પરંતુ એક પોપ્યુલર ટિપસ્ટરે Weibo પર ફોનની મુખ્ય ડીટેલ લીક કરી દીધી છે.

• NaviX Ultraની સ્પેસીફીકેશન (લીક મુજબ)

1. ડિસ્પ્લે: આ ફોનમાં 6.78 ઇંચની ફ્લેટ સ્ક્રીન, 1.5K રિઝોલ્યુશન અને 144Hz રિફ્રેશ રેટ. પંચ-હોલ કટઆઉટ સાથે બધી બાજુ સરખા અને ખુબ પાતળા બેઝલ્સ છે.
2. પ્રોસેસર: Qualcomm Snapdragon 8 Elite Gen 5 – પાવરફુલ પર્ફોર્મન્સ.
3. બેટરી: 7100mAh – પ્રીમિયમ ફ્લેગશિપ ફોનમાં આ એક સૌથી મોટી બેટરી હશે.
4. કેમેરા: કુલ ચાર 50MP કેમેરા. પાછળ ત્રણ 50MP (પ્રાઈમરી + અલ્ટ્રાવાઈડ + ટેલિફોટો) અને આગળ પણ 50MP સેલ્ફી કેમેરા.
5. ડિઝાઇન: પાછળ હોરિઝોન્ટલ રનવે સ્ટાઇલ કેમેરા મોડ્યુલ સાથે બ્લુ, પિંક, બ્લેક અને વ્હાઇટ કલર ઓપ્શન.

વધુ વાંચો : વરસાદમાં ફોન પલળી ગયો? તો ભૂલથી પણ ન કરતા આ ભૂલો

• સ્પેશિયલ AI બટન

ફોનની સાઇડમાં એક સ્પેશિયલ ઓરેન્જ AI બટન પણ છે. આ બટન નેચરલ લેંગ્વેજ સમજે છે, કન્ટેક્સ્ટ યાદ રાખે છે, ડેટા સુરક્ષિત રાખે અને સ્ક્રીન પરના કન્ટેન્ટને સમજીને સીધા એપ્સ સાથે કામ કરી શકે છે. જેમાં તમે એક જ કમાન્ડથી અનેક કામો પતાવી શકશો. નુબિયા આ ફોનને જલદી મોટા પાયે માર્કેટમાં ઉતારવાની તૈયારી કરી રહી છે પરંતુ ઓફોશીયલ લોન્ચ ડેટ હજુ જાહેર થઈ નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ