હેલ્થ ટિપ્સ / ચોમાસાની સિઝનમાં શરદી-ખાંસીથી મેળવવી છે રાહત? તો આજથી જ ટાળો આ વસ્તુઓનું સેવન

• ચોમાસામાં શરદી-ઉધરસની સમસ્યા થવા લાગે છે
• વરસાદની સિઝનમાં ખાંસીથી મેળવો રાહત
• ખાંસી થાય તો આ વસ્તુઓનું સેવન ન કરો

ચોમાસાની શરૂઆત થવાની સાથે જ તાપમાનમાં ઝડપથી પરિવર્તન આવવા લાગે છે. તેની સીધી અસર તમારાં સ્વાસ્થ્ય પર પડે છે. આ કારણે તમને શરદી-ઉધરસની સમસ્યા થવા લાગે છે. આપણે ખૂબ પરેશાન થઇ જઇએ છીએ. ઘણી વખત તો એવું પણ બને છે કે શરદી-ખાંસી જાણે આપણો પીછો છોડતી નથી. આપણે અનેક પ્રકારની દવાઓનો પ્રયોગ કરીએ છીએ, પરંતુ આપણી ખાણી-પીણી પર ધ્યાન આપતા નથી. આજે તમને જણાવીએ કે આવી સ્થિતિમાં કેવા પ્રકારનો ખોરાક ન ખાવો જોઇએ.

ખાંસી થાય તો આ વસ્તુઓનું સેવન ન કરો
ખાંસીનું મોટું કારણ સંક્રમણ હોય છે. આવા સંજોગોમાં આપણે તમામ દવાઓનું સેવન તો કરીએ છીએ, પરંતુ આપણી ખાણીપીણીનું ધ્યાન રાખતા નથી. કંઇ પણ ઠંડું કે ગરમ ખાવા પીવા લાગીએ છીએ. આમ કરવાથી આપણા ગળામાં કફનું પ્રમાણ વધી જાય છે. આપણે કેટલાક ફૂડથી બચવું જોઇએ.

દહીં
દહીંનુ સેવન આપણા આરોગ્ય માટે ફાયદાકારક છે, તેનાં સેવનથી ડાઇજેશન યોગ્ય રહે છે અને કબજિયાત કે ગેસની સમસ્યા થતી નથી, પરંતુ ખાંસી થાય ત્યારે દહીં ખાવાથી બચવું જોઇએ. તે કફને વધારી શકે છે, કેમકે દહીંની તાસીર ઠંડી હોય છે.

આઇસક્રીમ
આઇસક્રીમનો સ્વાદ કોને ન ગમે? પરંતુ જ્યારે ખાંસી થઇ હોય ત્યારે આઇસક્રીમથી દૂર રહેવું જોઇએ. જો આઇસક્રીમ ખાશો તો ખાંસીથી આરામ મેળવવાની વાત ભૂલી જ જજો. તો શરદી કે ખાંસીમાં આઇસક્રીમના સેવનથી બચજો

કોલ્ડ ડ્રિંક્સ
શહેરથી લઇને ગામ સુધી દરેક વ્યક્તિ કોલ્ડ ડ્રિંક્સ પીવાના શોખીન હોય છે. જો તમે કોલ્ડ ડ્રિંક્સ ન છોડી શકતા હો તો જ્યારે તમને ખાંસીની સમસ્યા થાય ત્યારે કેટલાય દિવસો સુધી ઠીક નહીં થઇ શકે. જ્યારે શરદી કે ઉધરસ થાય ત્યારે આવા પ્રકારના પીણાંનું સેવન ન કરવું જોઇએ.