- વિરાટ કોહલી દરરોજ કમાય છે 6 લાખ રૂપિયા
- નેટવર્થની દ્રષ્ટિએ અનુષ્કા પતિ વિરાટથી ઘણી પાછળ
- જાણો આ લોકપ્રિય સેલિબ્રિટી પતિ-પત્નીની કમાણી કેટલી છે?
વિરુષ્કા આ નામથી તો તમે બધા વાંકેફ હશો. ભારતીય ક્રિકેટર વિરાટ કોહલી અને બોલીવુડ અભિનેત્રી અનુષ્કા શર્માને મળીને બન્યું છે આ યુનિક નામ. બંને પોતાના પ્રશંસકોના દિલ પર રાજ કરે છે.
વિરાટ કોહલીની પાસે આટલી સંપત્તિ
પહેલા વાત કરીએ ક્રિકેટર વિરાટ કોહલીની. જેનુ નામ દુનિયાના સૌથી અમીર ક્રિકેટરોમાં સામેલ થાય છે. વિરાટનો જન્મ 1988માં થયો હતો અને અત્યારે તેઓ પોતાની પત્ની અનુષ્કા શર્માની સાથે મુંબઈમાં રહે છે. mpl.live મુજબ કોહલીની કુલ નેટવર્થ લગભગ 127 મિલિયન ડૉલર એટલેકે લગભગ 1046 કરોડ રૂપિયા છે. મીડિયા રિપોર્ટસ મુજબ તેમની વાર્ષિક સરેરાશ કમાણી આશરે 15 કરોડ રૂપિયા છે. જ્યારે મહિનાની અંદાજીત કમાણી જોઈએ તો આ આશરે 1,25,00,000 રૂપિયા. અઠવાડિયામાં 28,84,615 રૂપિયા અને એક દિવસમાં આશરે 5,76,923 રૂપિયા થાય છે.
ટોપ અભિનેત્રીઓમાં સામેલ અનુષ્કા શર્મા
હવે વિરાટની સેલિબ્રિટી પત્ની અનુષ્કા શર્માની કમાણીની વાત કરીએ તો શાહરૂખ ખાનની સાથે ફિલ્મ રબ ને બના દી જોડીથી પોતાના ફિલ્મી સફરની શરૂઆત કરનારી અનુષ્કાની ગણતરી આજે બોલીવુડની ટોપ અભિનેત્રીઓમાં કરવામાં આવે છે. આશરે દોઢ દાયકાની કારકિર્દીમાં તેમણે અનેક હિટ ફિલ્મો આપી છે. આ ઉપરાંત અનુષ્કા શર્મા પણ બમ્પર કમાણી કરનારી અભિનેત્રીઓમાં સામેલ છે.
વિરાટની અનુષ્કા પાસે આટલી સંપત્તિ
નેટવર્થની દ્રષ્ટિએ અનુષ્કા પતિ વિરાટથી ઘણી પાછળ છે. મીડિયા રિપોર્ટસ મુજબ, અભિનેત્રીની કુલ નેટવર્થના આશરે 35 મિલિયન ડૉલર અથવા લગભગ 265 કરોડ રૂપિયા છે. ફિલ્મ સિવાય તેમની કમાણીના ઘણા વિકલ્પ છે. જેમાં સોશિયલ મીડિયા અને જાહેરાતનો પણ સમાવેશ થાય છે. એક અનુમાન મુજબ અનુષ્કા શર્મા એક ફિલ્મ માટે 10 કરોડ રૂપિયા લે છે.
