પ્રેમની અભિવ્યક્તિની અનેક રીતોમાં ચુંબન પણ એક વિશેષ સ્થાન ધરાવે છે. જ્યારે બે વ્યક્તિઓ તેમની લાગણી વ્યક્ત કરવા માટે સારા શબ્દો શોધી શકતા નથી, ત્યારે તેઓ ચુંબન તરફ વળે છે? બે વ્યક્તિઓ વચ્ચે આપવામાં આવેલું ચુંબન ન માત્ર તેમના પ્રેમાળ સંબંધોના બંધનને મજબૂત રાખે છે પરંતુ એકબીજા સાથે ભાવનાત્મક રીતે જોડવામાં પણ મદદ કરે છે. તાજેતરનો એક અભ્યાસ તમને તમારી પત્નીને ચુંબન કરવાનું વધુ એક રસપ્રદ કારણ જણાવવા જઈ રહ્યું છે. હા,એક અભ્યાસ મુજબ જે લોકો ઓફિસે જતા પહેલા દરરોજ પોતાની પત્નીને કિસ કરે છે, તેમની સેલેરી જ નહીં પરંતુ તેમનું આયુષ્ય પણ અન્ય લોકોની સરખામણીમાં 5 વર્ષ વધે છે. ચાલો જાણીએ શું છે આ રસપ્રદ અભ્યાસ અને તેના ખુલાસાઓ.
અભ્યાસમાં પરિણીત લોકોની લવ લાઈફને લઈને ઘણા મોટા ખુલાસા
જર્મનીમાં વર્ષ 1980માં લોકોના મનોવિજ્ઞાન પર એક અભ્યાસ હાથ ધરવામાં આવ્યો હતો. બે વર્ષ સુધી કરવામાં આવેલા આ અભ્યાસમાં વૈજ્ઞાનિકોએ પરિણીત લોકોની લવ લાઈફને લઈને ઘણા મોટા ખુલાસા કર્યા છે. આ અભ્યાસમાં જણાવવામાં આવ્યું હતું કે જે પુરૂષો સવારે કામ પર જતા પહેલા પોતાની પત્નીને કિસ કરે છે, તેમની સેલેરી જ નહી પરંતુ તેમનું આયુષ્ય પણ અન્ય પુરૂષોની સરખામણીમાં 5 વર્ષ વધી જાય છે.
પગાર પણ વધે છે
આ જ અભ્યાસમાં, સંશોધકોએ એ વાત પર પણ ભાર મૂક્યો હતો કે જે પતિઓ તેમની પત્નીઓને રોજ ચુંબન કરીને ઓફિસે જાય છે, તેઓ તેમની પત્ની સાથે આવું ન કરતા પુરુષો કરતાં ઓફિસમાં લગભગ 20 થી 35 ટકા વધુ કમાણી કરે છે. તમને જણાવી દઈએ કે, આ રિસર્ચમાં ભાગ લેનારા લગભગ 110 ટોપ મેનેજર લેવલના લોકો પાસેથી પૂછવામાં આવેલા પ્રશ્નોના જવાબોના આધારે આ અભ્યાસના પરિણામો નક્કી કરવામાં આવ્યા હતા. જે મુજબ, દરરોજ પત્નીઓને અલવિદા કિસ કરીને ઓફિસ ગયેલા પતિઓમાં લગભગ 87 ટકાનો પગાર વધારો તેમજ ઓફિસમાં સારી સ્થિતિ જોવા મળી હતી.
આ પણ વાંચોઃ સાવધાન! પબ્લિક ટોયલેટનો ઉપયોગ કરતી વખતે મહિલાઓએ ન કરવી જોઈએ આવી ભુલો, સ્વાસ્થ્યને થશે નુકસાન
પગાર સાથે શું સંબંધ છે ?
આ અભ્યાસના પરિણામો જર્મન મેગેઝિન 'સિલેક્ટા'માં પ્રકાશિત થયા છે. તમને જણાવી દઈએ કે, આ અભ્યાસ કીલ યુનિવર્સિટીના મનોવિજ્ઞાનના પ્રોફેસર ડૉ. આર્થર સાબો દ્વારા કરવામાં આવ્યો છે. અભ્યાસના પરિણામો વિશે વાત કરતી વખતે, ડૉ. આર્થરે લોકોને તેની પાછળનું કારણ પણ જણાવ્યું. ડૉ. આર્થરના કહેવા પ્રમાણે, 'જે પતિ દરરોજ પોતાની પત્નીને કિસ કરીને ઓફિસ નથી જતા, શક્ય છે કે તેને પોતાની પત્ની સાથે અણબનાવ હોય કે પછી બન્ને વચ્ચે તણાવ હોય. જો કે આ બંને સ્થિતિમાં પતિ પોતાના દિવસની શરૂઆત નકારાત્મક ઉર્જાથી કરે છે, જેના કારણે તેને ઓફિસનું કામ કરવાનું પણ મન થતું નથી.
સકારાત્મક ઉર્જા કામ પર અસર કરે છે
સંશોધનમાં એ પણ સાબિત થયું છે કે જે પુરુષો પોતાની પત્નીને ચુંબન કર્યા પછી દરરોજ ઓફિસ જાય છે, તેઓ પોતાનું કામ સકારાત્મક વલણથી શરૂ કરે છે. આ માનસિક શાંતિ અને સકારાત્મક ઉર્જા તેમના કામ પર સકારાત્મક અસર કરે છે અને તેમને આગળ વધવાની તક આપે છે. તેથી, જો તમે પણ લાંબુ આયુષ્ય અને પગારમાં વધારો કરવા માંગો છો, તો સવારે ઘરની બહાર નીકળતા પહેલા તમારી પત્નીને કિસ કરવાનું ભૂલશો નહીં.
