વાયરલ / VIDEO: જીવનમાં ગમે એવી મુશ્કેલી આવે તો પણ ટેન્શન ફ્રી જ રહેવું, મોજ પડી જાય તેવો વીડિયો

Viral Video: આજકાલ, લગભગ દરેક વ્યક્તિ કોઈને કોઈ સમયે સોશિયલ મીડિયા પર સ્ક્રોલ કરતા જ હોય છે. મોટાભાગના લોકો સોશિયલ મીડિયાનો ઉપયોગ કરે છે. લોકો પોતાના ફ્રી સમયનો ઉપયોગ સોશિયલ મીડિયા પર જ યુઝ કરે છે. ત્યારે આવા જ લોકોને લીધે સોશિયલ મીડિયા પર પોસ્ટ કરવામાં આવતો કન્ટેન્ટ વાયરલ થતો હોય છે. રોજ લોકોની હરકતોના ઘણા નવા ફોટો અને વીડિયો સોશિયલ મીડિયા પર વાયરલ થતા હોય છે. ત્યારે હાલમાં પણ આવો જ એક વીડિયો વાયરલ થઈ રહ્યો છે.

View this post on Instagram

A post shared by giriraj koli (@giriraj6263)

શું છે વાયરલ વીડિયોમાં?

હાલમાં વાયરલ થઈ રહેલા વીડિયોમાં એમ તો કશું ખાસ નથી,પણ જે છે તે ખૂબ જ અનોખું છે. વાત એમ છે કે કોઈ કારણોસર, એક ટ્રક પલટીને સાઇડ પર પડી ગઈ છે. રસ્તાની સાઇડ પર થોડી જગ્યા છે અને એ પછી ખેતર છે. ટ્રક ખેતરમાં તો નથી ગઈ, પણ ખેતર અને રસ્તાની વચ્ચેની જગ્યામાં પડી છે. આની થોડે દૂર એ જ લાઈનમાં એક યુવક આરામથી પડેલો જોવા મળે છે. આ વીડિયો એટલા માટે વાયરલ થઈ રહ્યો છે કે તે આ ટ્રકનો ડ્રાઈવર છે અને તેને જરા પણ ચિંતા નથી, તે આરામથી આડો પડેલો છે.

આ પણ વાંચો: ગજબ હો બાકી, આ દેશમાં થાય છે વિચિત્ર રીતે ખેતી, ખેડૂતો દિવાલ પર ઉગાડે છે ડાંગર, ઘઉં અને શાકભાજી

આ વીડિયો ઇન્સ્ટાગ્રામ પર giriraj6263 નામના એકાઉન્ટથી પોસ્ટ કરવામાં આવ્યો છે અને કેપ્શનમાં લખ્યું છે, 'બસ જીવનમાં આટલું ટેન્શન ફ્રી હોવું જોઈએ.' અત્યાર સુધીમાં લાખો લોકોએ આ વીડિયો જોયો અને લાઇક કર્યો છે. વીડિયો જોયા પછી લોકોના રિએક્શન પણ સામે આવ્યા છે. એક યુઝરે કોમેન્ટમાં લખ્યું - તે ડ્રાઇવર છે, મૃત્યુ સાથે રમી આવ્યો છે. બીજા યુઝરે લખ્યું - તેના દિલથી પૂછો તેના પર શું વીતી રહી છે. ત્રીજા યુઝરે લખ્યું - ટેન્શન તો માલિક લેશે, આ તો ડ્રાઇવર છે. આ સિવાય ઘણા યુઝર્સે હસવાનું રિએક્શન પણ આપ્યું છે.

Disclaimer: આ સમાચારમાં આપવામાં આવેલી માહિતી સોશિયલ મીડિયા પોસ્ટ પર આધારિત છે. VTV ડિજિટલ કોઈપણ દાવાની સત્યતાની પુષ્ટિ કરતું નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ