હે આવું / ગજબ હો બાકી, આ દેશમાં થાય છે વિચિત્ર રીતે ખેતી, ખેડૂતો દિવાલ પર ઉગાડે છે ડાંગર, ઘઉં અને શાકભાજી

Vertical Farming: વર્તમાન સમયમાં દરેક સેક્ટરમાં ટેકનોલોજી નોંધપાત્ર રીતે આગળ વધી છે. ખાસ કરીને કૃષિમાં પણ ઘણી તકનીકો આવી ગઈ છે કે જેને અપનાવીને ખેતીને સરળ બનાવી શકાય અને વધુમાં વધુ પાકનું ઉત્પાદન થઈ શકે. હવે જયારે ખેતીની વાત આવે ત્યારે જમીન અને ખેડૂતો યાદ આવે, કારણ કે સમય રીતે લોકોમાં એવી સમજણ છે કે ખેતી તો જમીન પર જ થાય અને ખેડૂતો જ કરે. પણ હવે એવું નથી. ખેતી દિવાલો પર પણ થાય છે. વિશ્વમાં એક એવો દેશ છે કે જ્યાં દિવાલો પર પણ ખેતી કરવામાં આવે છે.

આ દેશ છે ઇઝરાયલ કે જ્યાં ચોખા અને ઘઉંની સાથે, શાકભાજી પણ દિવાલો પર ઉગાડવામાં આવે છે. આ તકનીક હવે ધીમે-ધીમે વિશ્વભરમાં પ્રસિદ્ધ થઈ રહી છે. આ તકનીકને વર્ટિકલ ફાર્મિંગ એટલે કે દિવાલ પર ખેતી કહેવામાં આવે છે. ચાલો જાણીએ શું છે વર્ટિકલ ફાર્મિંગ.

વર્ટિકલ ફાર્મિંગ ઇઝરાયલમાં નોંધપાત્ર પ્રમાણમાં થાય છે. હકીકતમાં, ઇઝરાયલ અને અન્ય ઘણા દેશોમાં ખેતીલાયક જમીનની તીવ્ર અછત છે અને આ સમસ્યાને દૂર કરવા માટે, ત્યાંના લોકોએ વર્ટિકલ ફાર્મિંગ અપનાવી લીધી છે. વર્ટિકલ ફાર્મિંગમાં છોડ કુંડામાં નાના-નાના યુનિટ્સમાં વાવવામાં આવે છે, અને સાથે જ એ પણ સુનિશ્ચિત કરવામાં આવે છે કે છોડ કુંડામાંથી ન પડે. આ કુંડામાં સિંચાઈ માટે પણ ખાસ વ્યવસ્થા કરવામાં આવે છે. જો કે, અનાજ ઉગાડવા માટે, યુનિટ્સને થોડા સમય માટે દિવાલ પરથી કાઢી લેવામાં આવે છે અને પછી ફરીથી દિવાલ પર લગાવી દેવામાં આવે છે.

આ પણ વાંચો: VIDEO : ઉડતા વિમાનના દરવાજા પર લટકી યુટ્યુબર, વીડિયો જોઈને તમારો પણ જીવ અધ્ધર થઈ જશે

પર્યાવરણ માટે સારી છે દિવાલ પર ખેતી

ઇઝરાયલ સિવાય હવે વર્ટિકલ ફાર્મિંગ એટલે કે દીવાલ પર ખેતીની આ તકનીક અમેરિકા, યુરોપ અને ચીનમાં પણ ઝડપથી ફેલાઈ રહી છે. આ પ્રકારની ખેતીનો સૌથી મોટો ફાયદો એ છે કે દિવાલ પર છોડ રાખવાથી ઘરનું તાપમાન વધતું નથી અને આસપાસના વાતાવરણમાં પણ ભેજ જળવાઈ રહે છે. સાથે જ તેનાથી ધ્વનિ પ્રદૂષણની અસર પણ ઘટે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ