Google Trends / સાઈકલથી ઓર્ડર આપવા જતા બ્લિંકિટ એજન્ટની કિસ્મત બદલાઈ, અનંત અંબાણી ફાઉન્ડેશને સ્કૂટી ગિફ્ટ કરી

મુંબઈમાં 'બ્લિંકિટ' માટે ડિલિવરી એજન્ટ તરીકે કામ કરતા સુજીતની કહાની સોશિયલ મીડિયા પર ચર્ચાનો વિષય બની છે. ઓછી કમાણીને કારણે તે મોટરસાઇકલ ખરીદી શકવા સક્ષમ નહોતો, તેથી તે ગ્રાહકોના ઓર્ડર પહોંચાડવા માટે દરરોજ સાયકલ પર તેમના ઘરે જતો હતો. તેની પ્રમાણિકતા અને તેણે વેઠેલા સંઘર્ષને ધ્યાનમાં રાખીને, સોશિયલ મીડિયા ઇન્ફ્લુએન્સર અને સમાજસેવક હુસૈન મન્સૂરીએ તેને એક નવું સ્કૂટર ભેટમાં આપીને આશ્ચર્યચકિત કરી દીધો.

હુસૈન મન્સૂરીની આ પહેલ રિલાયન્સ ગ્રુપના અનંત અંબાણી ફાઉન્ડેશનના એક અભિયાનનો ભાગ છે. તે સોશિયલ મીડિયા પર વાયરલ થઈ રહી છે અને લોકો આ ઇન્ફ્લુએન્સર પર પ્રશંસાનો વરસાદ કરી રહ્યા છે.

વાયરલ થઇ રહ્યો છે વીડિયો

સોશિયલ મીડિયા પર વાયરલ થઈ રહેલા આ વીડિયોમાં જોઈ શકાય છે કે હુસૈન મન્સૂરીએ રસ્તા પર સુજીત નામના ડિલિવરી બોયને કેવી રીતે રોક્યો. તે સમયે, સુજીત ગ્રાહકને ઓર્ડર પહોંચાડવા માટે સાયકલ પર જઈ રહ્યો હતો.

View this post on Instagram

A post shared by Sambhaav Nascent LLP (@vtv_gujarati_news)

<script async src="//www.instagram.com/embed.js"></script>

મન્સૂરીએ તેનું નામ પૂછ્યું અને એ જાણવાનો પ્રયાસ કર્યો કે, તે ડિલિવરીના કામ માટે સાયકલનો ઉપયોગ શા માટે કરી રહ્યો છે, અને તેણે હજુ સુધી મોટરસાઇકલ કેમ ખરીદી નથી. મન્સૂરીના પ્રશ્નના જવાબમાં, ડિલિવરી એજન્ટ સુજીતે પોતાની મુશ્કેલીઓ અને આર્થિક તંગી વિશે જણાવ્યું.

તેણે કહ્યું કે, આજકાલના સમયમાં આટલી ઓછી રકમમાં બાઈક ખરીદવી તેના માટે અશક્ય છે, કારણ કે દરેક વસ્તુના ભાવમાં ઘણો વધારો થયો છે. તેની સાદગી અને તેણે વેઠેલા સંઘર્ષોએ વીડિયો જોનારા દરેકના હૃદયને સ્પર્શી લીધા, અને ઘણા લોકો તો ભાવુક થઈને રડી પણ પડ્યા.

મીડિયા અહેવાલો અનુસાર, આ ભેટ 'અનંત સેવા ફાઉન્ડેશન' દ્વારા હાથ ધરવામાં આવેલી એક મોટી સામાજિક પહેલનો ભાગ છે. રાહુલ કનાલ અને હુસૈન મન્સૂરીના સહયોગથી, આ ફાઉન્ડેશન મુંબઈભરના મહેનતુ અને જરૂરિયાતમંદ નાગરિકોને ઇલેક્ટ્રિક બાઇક અને સ્કૂટર પ્રદાન કરી રહ્યું છે, એવા લોકો કે જેઓ કાળઝાળ તડકો, વરસાદ અને અન્ય અનેક પડકારોનો સામનો કરવા છતાં, આ મહાનગરને ગતિશીલ રાખવા માટે દિવસ-રાત સખત મહેનત કરે છે.

આ પણ વાંચોઃ "હુક્કો પીને આવું છું..." ઋષભ પંત સાથે પાર્ટીમાં જોવા મળ્યા MS ધોની, જુઓ Video

ઇન્ટરનેટ પર છવાઇ ગયો વીડિયો

આ વીડિયો સોશિયલ મીડિયા પર વાયરલ થઈ ગયો છે. ઇન્સ્ટાગ્રામ સહિતના વિવિધ પ્લેટફોર્મ્સ પર તેને 4 કરોડ 60 લાખથી વધુ વાર જોવામાં આવ્યો છે. લોકો કોમેન્ટ્સમાં સુજીતની સફળતા પર આનંદ વ્યક્ત કરી રહ્યા છે અને આ ઉમદા કાર્ય માટે અનંત અંબાણી તથા હુસૈન મન્સૂરીના વખાણ કરી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ