મહેસાણા / VIDEO : 'અમિત ચાવડા સાથે જાહેરમાં ડીબેટ કરવા તૈયાર', વોટ ચોરી મામલે નીતિન પટેલની કોંગ્રેસને ચેલેન્જ

હાલમાં ગુજરાત અને દેશ સ્તરે વોટ ચોરીના મામલો ગરમાયેલો છે. તાજેતરમાં મહેસાણામાં કોંગ્રેસના એક સાંસદે કોંગ્રેસ ભવન ખાતે પત્રકાર પરિષદ યોજીને કેટલાક આક્ષેપો કર્યા હતા હવે કોંગ્રેસ સાંસદના આક્ષેપનો નીતિન પટેલે જવાબ આપ્યો છે. નીતિન પટેલે કહ્યું કે તેઓ "અમિત ચાવડા કે કોઈપણ નેતા સાથે જાહેરમાં ડીબેટ કરવા તૈયાર છે. ડીબેટ કરી સત્ય પ્રજા સમક્ષ મૂકીશ, કોંગ્રેસના નેતા ઈચ્છે તો જાહેરમાં ડિબેટ કરવા તૈયાર છે. કોંગ્રેસ પાયા વિહોણા આક્ષેપ પોકારીને હવે હવાતિયા મારે છે.

નીતિન પટેલની કોંગ્રેસને ખુલ્લી ચેલેન્જ, જાહેરમાં ડિબેટ કરવા તૈયાર મહેસાણામાં વોટ ચોરીના મુદ્દે ભાજપના નેતા નીતિન પટેલે કોંગ્રેસને જાહેરમાં ડિબેટ કરવાનો પડકાર ફેંક્યો છે. નીતિન પટેલે કહ્યું કે કોંગ્રેસના પ્રદેશ પ્રમુખ અમિત ચાવડા કે અન્ય કોઈપણ નેતા સાથે તેઓ જાહેરમાં ચર્ચા કરવા તૈયાર છે. ડિબેટ દ્વારા સત્ય પ્રજા સમક્ષ મૂકવાનો દાવો કરતાં તેમણે કોંગ્રેસ પર પાયાવિહોણા આક્ષેપો કરવાનો આરોપ લગાવ્યો હતો. #NitinPatel #Congress #BJP #VoteChori #VTVDigital

— VTV Gujarati News and Beyond (@VtvGujarati) October 26, 2026

કોંગ્રેસ પાસે જનતા સામે જવા માટે કોઈ મુદ્દા નથી

તેમણે વધુમાં પ્રહારો કરતા જણાવ્યું હતું કે, હવે કોંગ્રેસ પાસે જનતા સમક્ષ જવા માટે કોઈ મુદ્દા બચ્યા નથી, તેથી તેમના ભાગે માત્ર ખોટા આક્ષેપો કરવાનું જ કામ બચ્યું છે. કોંગ્રેસના કાર્યકરો અને નેતાઓ ખોટી વાતો ફેલાવીને ગુજરાતની ભોળી જનતાને ગેરમાર્ગે દોરવાનો પ્રયાસ કરી રહ્યા છે. પોતાની સરકાર અને પક્ષનો બચાવ કરતા નીતિન પટેલે હુંકાર કર્યો હતો કે, "ખુલ્લા મંચ પર અમારા પક્ષ અને સરકાર વતી જે પણ સાચી હકીકતો છે, તે પ્રજા સમક્ષ મૂકવા માટે હું સંપૂર્ણપણે તૈયાર છું. સત્ય શું છે અને સત્ય કેવી રીતે અમારા પક્ષે છે, તે હું જનતાને સમજાવીશ.

વધુ વાંચો : સુરતમાં પત્ની તરીકે રહેતી મહિલાએ અસલી પતિ અને પુત્ર સાથે મળીને આધેડ પતિની હત્યા કરી

તુષાર ચૌધરીએ નીતિન પટેલની ચેલેન્જ સ્વીકારી

કોંગ્રેસના દિગ્ગજ નેતા તુષાર ચૌધરીએ નીતિન પટેલની આ ચેલેન્જને સ્વીકારી લીધી છે. તુષાર ચૌધરીએ વળતો જવાબ આપતા કહ્યું છે કે, "અમે કોઈપણ મુદ્દે ચર્ચા કરવા માટે બિલકુલ તૈયાર છીએ. ભાજપના નેતાઓ જે જગ્યાએ અને જે સમયે ચર્ચા કરવા માંગતા હોય, ત્યાં અમે આવીશું.

ચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ